المؤتمر السنوي للحزب الوطني من بورتو طرة لاند

**MR. PrESIdEnt** · 13-04-2011, 04:12 PM

يتشرف مجلس ادارة بورتو طرة لاند بكونه المقر الجديد للحزب الوطني

وتم تحديد موعد الاجتماع الاول للحزب الوطني للدعوة للمؤتمر السنوي من مزرعة طرة
برئاسة كل من :
السيد احمد عز / امين التنظيم
السيد جمال مبارك / امين السياسات
السيد صفوت الشريف / مش عارف اهو حاجة كده في الحزب برضه
" باين كده امين عام الحزب المهم كادر وخلاص "

وعضوية كل من السادة :
زكريا عزمي , احمد نظيف , احمد المغربي , زهير جرانة , ابراهيم سليمان , ابراهيم كامل , هشام طلعت مصطفى ,
حبيب العادلي , حسن عبد الرحمن , اسماعيل الشاعر

وذلك في انتظار الرأس الكبيرة
السيد الرئيس / محمد حسني مبارك
وذلك للتشاور والعمل على حل معضلة التوريث واستعباط الشعب المصري

جدير بالذكر ان تواجد السيد علاء مبارك في بورتو طرة لاند
لمجرد انه بيحب يروح مع بابا اماكن شغله

والله ولي التوفيق ,,

مجلس امناء الحزب الوطني من مقره الجديد ببورتو طرة لاند

المؤتمر تحت رعاية
مخبز الحاج عبده ببولاق ابو العلا
وفرع الحلاوة الطحينية بشركة الرشيدي الميزان

**♥ρėŧŧу ςαŧ♥** · 27-04-2011, 12:55 AM

هههههههههههههههههههههههههههه
تسلم ايدك يا مصطفى

**banota** · 27-04-2011, 01:21 AM

ههههههههههههههههههههه

شكلك بتحبهم حب فظيع يا مصطفى :d

تسلم ايدك

**MR. PrESIdEnt** · 28-04-2011, 06:41 PM

يااااااااااااه يعني مقولكيش يا سارة اد ايه

نورتوا يا بنات
وخافوا بقى
بورتو طرة مبقاش بيفرق حد
يعني ممكن اي حد يلاقي نفسه هناك في لحظة

**bondok** · 13-05-2011, 07:27 PM

ههههههههههههههههههههههههههههههه
ههههههههههههههههههههههههه

هذه والله الموفق،،
والاكل والمشاريب علي ادارة السجن

اقصد الحزب :d
ههههههههههههههههههههههههه

**MR. PrESIdEnt** · 14-05-2011, 12:23 PM

هههههههههههههه
لا ياعم هم مش بيدفعوا حاجة
دول بيجي لهم عيش وحلاوة من افخر الاماكن في مصر

وخلاص الراس الكبيرة خد تأشيرة الدخول
بس لسه عنده شوية اجراءات يعني

والمامي بتاعتهم رايحة منتجع الحريم اهي