هتضحك يعنى هتضحك

[Don't play with me]

صعيدى رشح نفسه فى الانتخابات كتب تحت صورته
و عسى ان تكرهوا شئ و هو خير لكم

************ ********* ****
صعيدى رجع من الشغل لقى مراته مطبختش فزعل و دخل نام
فحبت تصالحه قالت له اعمل لك مساج؟؟ قال لها عليا الطلاق لو عملتيه لارميه بحلته فى الشارع

************ ********* ****
تاجر مخدرات راح يخطب واحدة

فأبوها بيسأله انت بتشتغل ايه؟

قال له فنى تكييف

************ ********* ****

تفتكر ليه لبان كوكو واوا مبقاش موجود فى السوق؟

عشان كوكو خف

************ ********* ****
واحد مصرى اتجوز واحدة صينية باسها بوستين و باظت
************ ********* ****
واحد بيقول لحبيبته يمكن مكونش غنى و لا عندى فلوس ولا فيلا و لا عربية

زى محسن صاحبى بس بحبك فحضنته و دمعت و قالت له لو بتحبنى بجد عرفنى على محسن
************ ********* ****
مذيع بيسأل صعيدى: أحمد زويل اخد جايزة نوبل فى ايه؟؟

قال له فى علبة قطيفة حمرا
********* ****
هو ليه فى سندباد و مفيش هندباد؟

مع ان فى جوز هند بس مفيش جوز سند!

و ليه فى شهرزاد و مفيش اسبوع زاد او نقص؟؟
و ليه فى باكستانى و مفيش باكستالت ولا رابع؟؟


*******
محشش عنده 85 سنة راح مكتب تأمين على الحياة الموظف قال له انت سنك كبير مينفعش تأمن على حياتك قال له ليه ده ابويا كان هنا امبارح و عمل تأمين تعجب الموظف و قال له تعالى بكرة نشوف لك حل
قال له بكرة مشغول عندى فرح جدى, سأله الموظف انت جدك عايش وعايز يتجوز؟؟
قال له الصراحة مكنش عايز بس ابوه و امه ضاغطين عليه

*******
ندل انقذ شخص كان بيتحرق
كرموه و سألوه ايه سبب شجاعتك؟

قال لهم انقذته لسببين

الاول: علشان ميموتش شهيد

الثانى: علشان يعيش بقية حياته مشوه

قمة النداله
*******
ظابط قبض على طفل بيشم
قال له الشمام الصغير اسمه ايه؟؟
قال له كنتالوب يا باشا

*******

صعيدى شغال سواق تاكسى فى الصين

كل ما حد يشاورله يقول له : ابو شكلك انا لسة موصلك
*******

واحد بيقول لصاحبه بتحب ابوك ولا اللحمة؟؟

قال له انت عبيط دى الشوربة بس برقبته
*******

عصفور صدمته عربية و اغمى عليه

صاحب العربية وقف و اخده البيت و حطه فى قفص

صحى العصفور لقى نفسه فى القفص مسجون قال معقوله يكون الراجل مات !!
ههههههههههههههههههههه

*******

واد فرفور ابوه جاب له شريط اسلامى
يمكن ينصلح حاله رجع البيت لقاه محجب

*******

صعيدى طلب يتعين فى مجلس الشعب

قالوا له انت اهبل !

قال لهم يعنى لازم الشرط ده؟؟

*******


صينى عايز يشترى 10 علب كوكاكولا

دخل محل بقالة صعيدى قال له : ين شين شانج كوكاكولا

الصعيدى قال له بتقول 10 علب ايه؟

*******

صعيدى بيقول للتانى: بيجولوا البابا شنوده وجع فى البانيو رجله اتكسرت

التانى قال له : ايه البانيو ده؟؟

قال له : و انا ايش عرفنى هوا انا مسيحى؟

*******

سألوا صعيدى ايه اخبار الصيام؟

رد و قال و الله لولا الوضوء كنا متنا من العطش

*******

صعيدى عايز يشنق نفسه من رجليه سألوه ليه؟

قال جربت من رقبتى كنت هموت

*******

تلاتة مساطيل وقفوا تاكسى السواق عرف انهم مساطيل راح مشغل العربية و بطلها و قال لهم وصلنا

الاول دفع الاجرة, و التانى قال له شكرا , و التالت ضربه على قفاه و قاله متبقاش تجرى بسرعة مرة تانية

******

محشش قالوا له التدخين يؤدى الى الموت البطئ

قال لهم انا اساسا مش مستعجل

*******

محشش بيقول لصيدلى عندك شريط للبرد؟

قاله اه

قاله شغله خلينا نسمع

*******

مجانين شغل لهم الدكتور اغنية

قاموا كلهم يرقصوا الا واحد

الدكتور فرح و سأله انت ليه مش بترقص معاهم؟

قال له اصل انا العروسة
*******

محشش فى امتحان تعبير و مطلوب 10 صفحات

فكتب فى اول صفحة " ركب الراجل الحصان" و فى اخر صفحة "نزل الراجل من على الحصان"

و بينهم " درجن درجن درجن"

*******

بخيل عمل شوربة لحمة سألوه فين اللحمة؟

قال لهم : يعنى هوا شاى العروسة فيه عروسة؟
هههههههههههههههه
*******

واحد محشش اتصل بالبوليس و قاله: هوا
الواحد ان مكنش يسأل عليكوا متسألوش انتو؟

*******

واحد صعيدى مثقف اوى بعت رساله لاخوه بيقول له:

Open happy wrote his book on in in Friday
يقصد:

فتحى سعيد كتب كتابه على فيفى جمعه

*******


محشش وقفوه فى كمين سألوه مش رابط الحزام ليه؟

رد انا اصلا مش لابس البنطلون

*******

افريقى و ابنه من اكلة لحوم البشر خرجوا يشوفوا شغلهم فاصطادوا هيفاء وهبى

الولد قال لابوه نوديها البيت و ناكلها

قال له لا نوديها البيت و ناكل امك

*******

واحد مسطول ماشى بعربيته عكس الاتجاه

سمع المذيعة فى الراديو بتقول: الشرطة تلاحق واحد يمشى عكس الاتجاه

قال لنفسه: هههه هوا واحد بس دنا شايف عشرين لحد دلوقتى

*******

مسطول ضرب ظابط و موته و اتصل ب 122 و قال لهم احب ابلغكم انكم بقيتو 121

*******
راجل قام من النوم على صوت زعيق سأل الجيران فى ايه؟

قالوا له تصدق المياه مسممة

مراته صحيت سألته فى ايه؟

قال لها : المياه هتقطع اشربى و نامى

*******

عاجل.. عصابة خطفت الريس و طلبت 15 مليون دولار او يحرقوه بجاز

احنا بنلم للريس

الرجاء التبرع ب 2 لتر جاز

*******

صعيدى قاعد على الشط شاف واحد بيغرق

كل ما يرفع ايده

يقول له و عليكم السلام و رحمة الله

*******

سألوا مصرى ليه المصريين بيحلفوا كتير؟

قال: طب و الله العظيم دى اشاعة

قسما بالله ده افترى

و المصحف ما صحيح

و عهد الله ده ظلم

و ربنا احنا مش كدة

*******

صعيدى مش عايز يرد على صاحبه بعتله رساله

انا ناسى الموبيل فى البيت

*******

صعيدى المضيفة بتسأله: اجيب لك عشا كامل؟

قال لها: ليه هوا كامل مش هيتعشى؟؟

*******
صرصار بيجرى ورا عربية المجارى سألوه ليه؟

قال لهم ابن الكلب شفط المدام
*******


واحد فاز بمليون جنيه راح يقول لمراته

فماتت من الفرحة قال سبحان الله الخير

لما بييجى بييجى كله مرة واحدة

*******

صعيدى سرق مليون جنيه خدهم و شالهم فى حفرة و كتب "مفيش فلوس هنا"

راح حمدان ابن عمه خدهم و كتب " حمدان مخدش حاجة"

*******
واحد و مراته متخانقين و هما مسافرين بالعربية شافوا عزبة بقر قال لها يقربولك دول؟

قالت له اه دول اهل جوزى

[♥ρėŧŧу ςαŧ♥]

ههههههههههههههههههههههههههههه
جامدين اخر حاجه
تسلم ايدك يا رمضان

[كنزى]

حلوووووووووين بجد
تسلم اخ رمضان
بس اغلب النكت دى عن الصعايدة
اوعا تكون انت صعيدى

[قلبي والقرأن]

ههههههههههههههههههههه
انا ما قريتهم كلهم بس المجموعه قرئتها حلوه

[BECKHAM]

تسلم يابو الرمض جامدييييييييييين جداا

[rwana]

ههههههههه
جامدين قوى
تسلم ايدك