برنامجك الانتخابي ايه ؟

**MR. PrESIdEnt** · 14-05-2011, 04:17 AM

هو سؤال مجازي
من واقع التخبط الشديد المصحوب بجزء كبير من الفوضى
وهو واقع بلدنا حاليا

وبالتالي
لو سالت نفسك او غيرك
لو انت مرشح الرئاسة
ممكن يبقى برنامجك الانتخابي ايه

قد نخرج بفكرة مهمة
وكما قال احد الحكماء قديما
عقل واحد = فكرة واحدة
عقلان = فكرتان
3 عقول = 3 افكار

وهكذا
فاذا كانت قاعدة الافكار كبيرة
كان الاختيار جيد

اذن عزيزي القارئ
برنامجك الانتخابي ايه ؟؟

**MR. PrESIdEnt** · 15-05-2011, 04:20 PM

هههههههههههه
يعني بعد كل المقدمة دي
تقولي مش هرشح نفسي ملكوش برنامج عندي :d

بصي هو بالنسبة لنظام الانتخابات
انا بتمنى فعلا انه يبقى زي امريكا
يادوب اتنين بس في الاخر
والشعب يختار بينهم
مش 16
ده شوية شوية هتلاقي عم عبده البواب
جامع توقيعات بوابين البلد
وجاي مرشح نفسه للرئاسة

اهم من كل ده
حتى الان مفيش ولا مرشح قال برنامج
كله معتمد على انه شخصية عامة وخلاص
والناس عارفاه
انما هيعمل ايه للبد
مشفناش حاجة

ويبقى كل الترشيحات والتأييد لمواقف سابقة
ايا كانت سلبية او ايجابية

مع ان المهم اللي جاي
مش اللي راح

للاسف احنا الفوضى بقت هي اساس حياتنا حتى الان

بس برضه هستنى برنامجك
اشوف دماغك فيها ايه
خصوصا اني بحب افكارك
ودماغك عجباني جدااااا
ودي حاجة نادرا لما اقولها لحد
ابسطي بقى :d

**MR. PrESIdEnt** · 16-05-2011, 01:38 AM

هههههههههههههه
كل ده وبتقولي معندكيش افكار
مش بقولك بيعجبني دماغك وبثق فيها

طيب هستنى لما تخلصي باقي افكارك

بس من الاول كده
انزلي بدول وانا في قفاكي مساند على طول :d

**MR. PrESIdEnt** · 16-05-2011, 02:09 PM

عاش سوووودفا عاش
شوفي هو انا اساسا مش مقتنع ان ممكن واحدة تبقى في منصب قيادي
بس بجد كلام ملوش حل

وعلى رأيك
ده احنا محتاجينه فعلا
ده يبقى اهم اولويات الرئيس الجديد

بس المشكلة في حاجات كتير محتاجة برنامج
سياسات داخلية وخارجية
علاقات مع العرب
علاقات مع الغرب والشرق
علاقات مع الافارقة

في حاجات كتير
يعني مثلا
كان زمان في بعثات للخريجين المصريين للعمل في افريقيا
طيب ليه مرجعش الكلام ده
عندي بطالة في كل المجالات
سواء فرص عمل مستوى عالي او مستوى اقل
في برضه بطالة

اسرائيل ناشرة في كل الدول الفقيرة اذرعها
ليه مبعتش دكاترة ومهندسين وعمال ومحاسبين وكل المجالات
منها بقل البطالة اللي عندي
وبزود تواجدي في الدول دي
وفي نفس الوقت بقدم لهم خدمات اعتقد قليلة عندهم
لان مهما كان مستوى التعليم هنا اكيد اعلى بكتير

ليه متعاملش بسياسة مصلحتي اولا
لو مصلحتي مع الغرب قبل الشرق
اختار التعامل مع الغرب

مش مجرد كلام وبس
واصل احنا عرب
هو احنا عرب بالنسبة لنا
وبالنسبة ليهم سنغافوريين مثلا

ليه مطبقش مبدا المعاملة بالمثل

يعني عجبني اوي في كلامك عدم تمليك الاجانب في مصر
انا بتمنى ده جدا
بس اعدلها للمعاملة بالمثل
الدولة اللي بتملك مصريين املكها بس برضه في حدود معينة
متبقاش على البحري

الشركات الاجنبية لا تمتلك اكتر من 49%
ويبقى 51% بملكية مصرية
ايا كانت بقى حكومة او اشخاص

الافكار كتير جدا
بس ياترى في حد ناوي يسمع ويعمل

عارفة انا لو الامر بيدي
كنت اول قرار اخدته
اقالة رئيس اي حاجة في البلد
حتى لو رئيس مصلحة الصرف الصحي
واعمل بعد كده معايير معينة لاختيار القيادات

المناصب القيادية الحساسة تبقى بالانتخاب
المحافظين رؤساء الجامعات عمداء الكليات
رؤساء البنوك

اعدل النظام السائد في البلد
ادي صلاحيات اعلى لرئيس الوزراء
واخليه بالانتخاب برضه
ويجي بالقايمة الكاملة
مع منح حق المحاسبة المطلقة لمجلس الشعب له
ادي صلاحيات واسعة لمجلس الشعب
وفي نفس الوقت اعمل ضوابط صارمة على اختيار اعضاؤه
والغاء الحصانة المطلقة ليهم
لانهم بيستغلوها اسوأ استغلال
اعمل رقابة جميع اجهزة عمل الدولة تحت مجلس الشعب
الشرطة الصحافة القضاء الوزارات حتى رئاسة الجمهورية

حاجات كتير جدا جدا
بس مين يسمع