عكها وربك يفكها

**المجهوله** · 25-05-2011, 10:58 PM

بسم الله الرحمن الرحيم

بما انى لسه مخلصه امتحانات وصادفنى حاجات كتير اوى عاجبتنى فى اللجان حبيت انقل لكم شويه منها

يعنى مثلا ازاى تغش وانت ضامن انهم مش هايعملولك حاجه
الطريقه الاولى
1-تكتب الاجابه على ايدك ولما حد يكلمك قوله دبسلى ايدى فى الورقه ومافيش دليل على انك كنت بتغش ولازم فى محضر الغش وجود دليل والا يعتبر اضطهاد المدرس للطالب

الطريقه التانيه
2- تحط الهاند فرى فى ودنك وياسلام لو بنت ولابسه طرحه مش هيبان اى حاجه من الطرحه وانتوا عارفين بنات اليومين دول الطرحه فى حجم خليه النحل وهاتتكلم بصوت رفيع حنين وهتاخد كل الاجابات

الطريقه التالته
3-لما تكون اللجنه ماسكه اوى ومش عارف حتى تبصى على الارض تقول عايز اشرب وكل شويه عايز اشرب لحد لما المايه تيجى والمدرس وهو بيديهالك تخليها تقع من ايده ع ورقه الجابه وهايضطر يجيب واحده غيرها وهايحصل هرجله ووش على مايجى غيرها تكون انت وشطارتك بقى اصطادت كام سؤال كده بس اوعى تعمل كده غير فى اول اللجنه عشان يبقى فى وقت تسطر وتكتب تانى

الطريقه الرابعه
4- طبعا فودافون حبيبنا شغاله فى عروض رسايل وقت الامتحانات ربنا يستر عرضها وانت الموبايل صامت فى جيبك وعايز تبعت رساله او تشوف الرساله اللى جت ومزنوق زنقه سواد ومش عارف تتصرف تحط الموبايل فى بطنك او على رجلك وتداريه بالتيشرت وكل شويه اهرش فى رجلك اعدل تانيه البنطلون وقع قلم وهتمشى الحكايه

كفايه كده عليكم هو الغش بالساهل ولا ايه بس امانه عليكم محدش يعمل كده بدل ما يتقفش وتضيع عليه السنه

واكيد عارفين ان الغش حرام
بس اهو بنهزر شويه
استنونى فى طرق جديده للغش وخاصه فى لجان البنات

اتمنى يعجبكم

**♥ρėŧŧу ςαŧ♥** · 25-05-2011, 11:58 PM

هههههههههههههههههههههههههه
تسلم ايدك يا قمر

**BECKHAM** · 26-05-2011, 12:38 AM

هو انتى عشان خلصتى امتحانات عايزة اللى داخل امتحانات يجرب ويتقفش

ربنا يوفق الناس كلها بالحلال

تسلمى

**قلبي والقرأن** · 26-05-2011, 09:10 AM

ههههههههههههههههههههههههههه

تسلمي .....وصلتيهم متئخر كثير

بس علي قولت المثل ثابر تنجح

بس هذه يحتاجلك نضاره 4×4

**المجهوله** · 26-05-2011, 02:40 PM

يسلمو ع المرور الكريم نورتونى

واوعوا تفهمونى صح انا عايزه كل الناس تحل بمجهودها وبرده مايمنعش نحل بمجهود الاخرين فى بعض الاحيان

ومين اللى عايزه عدسه مكبره تعمل زوم عشان تشوف حرف واحد بس

شكرا لمروركم

**Don't play with me** · 26-05-2011, 02:43 PM

هههههههههههههههههههههههههههههه
فاشله من يومك
ده تحريض على الغش
لاز نعملك محضر
:d

**المجهوله** · 26-05-2011, 02:48 PM

على فكره من يوم ما وانا كده عشان ال ممنوع وال لازم يتحل فالمشكله فى ان ال موجود ويعنى نساعد ال عشان ال وكده يعنى

وربنا بريئه براءه برقوقه سورى يا حضره الباش كاتب

الموضوع: عكها وربك يفكها

أدوات الموضوع