تقدير الذات..

**أنين الألم** · 25-10-2010, 02:48 PM

هكلمكم عن حاجه فبالي
هيا تقدير الذات
سواء تقديرك انت لنفسك... ولذاتك
او تقدير غيرك ليها

هتقولي .. ايه الكلام الكبير ده يابت ؟؟؟
هقلك بلطجه ههههههه

لا لا متملش خليك معايا وانا هفهمك
بس اعصابك حديد هتستحمل تسمع للاخر

اما نشوف

كل واحد فينا وهنتكلم على الموضوعات(التوبيكات ) الي هنا بما ان السايت مجتمعنا الصغير

لما بينزل توبيك او موضوع بيستنى رد ويترقب
وكل شويه داخل خارج
ده محتاج لايه منتظر ايه ؟؟؟
اكيد ردود ... الردود دي عبارة عن ايه
تقدير كل شخص فينا للموضوع وبالتالي تقديره للفكرة .. الي هيا نابعه من صاحب الموضوع
يعني تقدير الشخص للي كتب الموضوع

انا لما ادخل موضوع لشخص معين وما اردش اكيد بيزعل لانه حس انه قصر
ثقته مبتجييش غير من تقدير الناس دي ولو كان منزل التوبيك وهوا واثق انه كويس وفل لما يلاقي عددالردود صفر يرجع يشك فقدراته يفقد ثقته فنفسه ويبطل ينزل توبيكات ..

ده ليه لانه عنده نقص فتقديره لذاته لو انه واثق وعارف انه منزل حجات تمام ولو عالاقل من وجهة نظره مكنش زعل ولا ثقته اتهزت كان خدها عادي

وكذلك فالحياة كل تصرف بنستنى شكر اي كلمة ترفع الثقه فالذات حتى لو واثقين اننا صح مش بقول ده عيب لكن العيب الحاجه الزياده لكلمة الشكر دي

لازم كل واحد يثق فذاته مينتظرش اوي تقدير الناس له ولا يطلبه مادام واثق انه صح
بس ياريت تفهموني
بقلمي الخاص
مع تحياتي ،،

**أنين الألم** · 26-10-2010, 12:41 PM

تسلمي يازوزو
نورتيني ياقمري

**حنين حنونه** · 26-10-2010, 04:49 PM

بصراح كل موضوعتك جميله جداااااااااا
ربنا يجزيكى كل خير
فعلا موضوع ثقه با النفس يسلمو الايادى

**أنين الألم** · 27-10-2010, 02:24 PM

يسلمو يارب ياحنين
ويارب اكون دايما عند حسن الظن وتعجبك توبيكاتي
نورتيني ياجميله

**انا لحبيبى** · 28-10-2010, 01:55 PM

السلام عليكم

عندك حق والله اهم حاجه الواحد يكون مقدر نفسه بعيدا عن تقدير الاخرين له

تسلم ايدك

**أنين الألم** · 28-10-2010, 10:10 PM

وعليكم السلام
صح ياقمر هوا ده
لان مش هيوصل لتقدير حد له الا لو قدر هو نفسه
نورتيني

**7ATEM** · 29-10-2010, 02:45 AM

يعنى هو اكيد قبل اى حاجة لازم الأنسان يثق فى نفسه

ويمل بضمير ويدى كل حاجة حقها ووضعها الطبيعى السليم

من غير ما يطلب تقدير من الناس حتى

الناس هى اللى هتقدر ده لوحدها

لأنك انت اساسا قدرت ده من جواك قبل اى حاجة

تسلم ايدك يا رقية

**أنين الألم** · 30-10-2010, 05:45 PM

تسلم ياحاتم
كده وصلت تمام عندك :d
نورتني بجد

**احمد ميدو** · 12-11-2010, 01:20 AM

اولا بجد تسلم ايديك يا روكا كلامك جميل جدا انك اتكلمتي عن قضيه واحد في الذات وهي عدم الثقه في النفس
ثانيا انا عايز اقول ان النفس الانسانيه دي كنز وهبه من عند المولي عز وجل لازم كل انسان يقدر انه يستفيد من قدراته وامكانياته لان المولي عز وجل كرم النفس الانسانه وقال في كتابه العزيز ((وخلقنا الانسان في احسن تقويم)) وربنا سبحانه وتعالي اعطي الانسان منح كتير وميزه عن جميع خلقه بنعمه العقل فلازم الانسان يستفيد من النعم دي يعني انت نفسك او ذاتك دي موهبه وكنز استفيد منه وخرج كل طاقتك في الاتجاه السليم
وكمان انا عايز اقول ان مفيش واحد مره شاف خيوط العنكبوت عايزك مره تهدها وتيجي بعد ساعتين هتلاقي الخيوط رجعت تاني عايزك تهدها كمان وترجع هتلاقيه عملها تاني وكل مره تهدها هتلاقيه عملها تاني لانه مش عنده ياس او اكتئاب عنده دافع دايما الامام فحت دافع دايما قدامك ولا تدع احد يهدك ولا تعتمد علي الغير بل اعتمد علي مجهودك وطاقتك واحلم فالحلم طاقه ونور وحاول تحقق الحلم بذاتك فنذاتك كنز ......وشكرا