قالولي رمضان جاي

[واحدة من الناس]

قالولي رمضان جاي


قلت هاقابله اذاي




بفرحة ولا بدمعة

دا فاضله كام جمعة



ويهل علينا بنوره

بين صيامه وسحوره



اعمله فانوس ولا بلاش

لأ دي عادة مهقطعهاش



يا حلاوتك يا بتاع الفول

جهز القدرة ياللا علي طول


بس خلي الفول خفيف خفافة

لحسن يتعب بتاع الكنافة




ياسلام علي انشراح النفوس

لما يعدي العرقسوس




وانت يا ابني ايه مش شايف

عمك طه بتاع القطايف




اجري بعيد وحوش الكورة

لحسن احرمك من الفزورة




يادي الغلا راحت الفلوس

دانا كان نفسي اعمل فانوس




اظبط ساعتي يا ساعاتي

علي دقة المسحراتي




ياللا يا اولاد شوية تفاريح

واوعي تنسوا التراويح




عايزة مقص وحبل وشراشيب

نعمل زينة وحوشوا الكراكيب




ايه يا ام عبده..مالك زعلانة

تكونيش من الصيام بقيتي جعانة

اه علي دلع الستات..وآآه يــــانا




يا عم جرجس شكرا ومشكور

احبالك علي جامعنا بتشع نور




يا عم سيد من امتي بنادي

السحور قرب ابعت الزبادي




يارب في شهرك الكريم دة ارحم امي

كانت بتحل فزورة امال فهمي




تعالوا ياولاد احكيلكوا علي رمضان زمان

فين ايام سمورة فين ايام شريهان




فكرني يا بابا قبل ما انام

اختمها بواحدة بلح الشام



عم زينهم مالك كدة فرحان

حجزت كرسي في مائدة رحمن؟؟





ياتري مين عازمنا ياتري مين هيدفع

جهز نفسك يا بني وركز مع المدفع




هاالحق نرجس قبل ما تمشي

وافكرها بطبق الطرشي




اصحي يا نايم قوم يا كسلان

اذكر ربك واختم القرآن




حمدلله علي سلامتك يا رمضان

وحشتنا قوي يا احلي هدية من الرحمن

[SeCяeT GίrŁ]

رمضان كريم .. بجد كلمات جميلة جدا جدا جدا
تسلمى يا تغريد

[rwana]

زى معودتينا كلماتك جميله قووووووووووووووووووى
كل سنه وانتى طيبه يا تغريد
تسلم ايديكى