حوار بين مبارك وطنطاااااوى جااااامد طحن مهم جدا

[Don't play with me]

حوار بين مبارك وطنطاااااوى جااااامد طحن مهم جدا

المشير طنطاوي يزور مبارك في مستشفي السجن قبل الإدلاء بشهادته …

- خلاص هتبيعني ي ... ا طنطاوي ؟؟ ..
... ...
- معاش اللي بييعك يا ريس .. بس انا مزنوق فعلاً ..

- هتقول المحكمة مين اللي قتل الثوار يا طنطاوي ؟

- هنلبسها لجمال ابنك يا ريس

- قشطة ..طب هتقولهم مين اللي قطع الاتصالات ؟

- هنلبسها لعلاء ابنك يا ريس ..

- طب هتقولهم مين المسئول عن معركة الجمل ؟

- هنلبسها لمراتك سوزان يا ريس

- سوزان ؟؟؟ .. ايه اللي بتقوله ده يا طنطاوي ؟؟

- احم .. انا اسف يا ريس .. الظاهر اني اتعديت حدودي ..

- مش القصد .. بس سوزان انا ملبسها 13 تهمه تانية فمش ناقصه ..

- وماله يا ريس ما نخليها 14 عشان تاخد الإعدام المتين ..

- طب و قضية الأراضي و تصدير الغاز يا طنطاوي ؟

- الحمد لله .. حسين سالم لبسها لوحده محدش قاله البس ..

- طب وانا يا طنطاوي ؟

- انت هتبقى من شهداء 25 يناير يا ريس ..

- بس تفتكر الموضوع ده هيخيل عالشعب يا طنطن ..

- يا ريس الشعب اتهبل وعمال يدور على كوبون البلاي ستيشن في الكيمو كونو ومش فاضي لحاجه تانيه ..

- كوبون البلاي ستيشن ؟ .. على ايامي مكنش فيه كوبونات يا طنطن .. كان اللي بيفتح الكيمو كونو بيلاقي البلاي ستيشن في قلب القرطاس علطول ..

- صادق يا ريس .. هي ايامك دي تتعوض .. ده الشعب النمرود ده قطع عيش السفير الاسرائيلي وطرده .. و الراجل بقاله اسبوعين دايخ بالـ(سي في) بتاعته في تل ابيت و مش لاقي شغل ..

- يعني أنا كنت

- يعني أنا كنت طيب يا طنطن ؟!

- طبعاً يا ريس ..

- زي الأستاذ محمود الجندي والأستاذ كمال ابو ريه ؟

- وزي دينا ، وسعد الصغير ، وانغام ، ودياب بتاع غمازات يا ريس ..

- امال ليه بيقولوا اني كنت بلعب بالبلد سنجل ؟ ..

- سنجل فين بس يا ريس؟ ..امال جمال وعلاء دول بيعلموا ايه .. مهم كانوا بيلعبوا بالبلد معاك برضه ..

- وبيقولوا اني كنت موقف الشعب نكست ؟

- موقف مين بس ياريس؟ .. ده انت كنت حاططنا كلنا على حجرك وكنا مكيفيين ومتزبطين وانت شغال لعب الله ينور ..

- حلوة مقعدهم على حجري دي يا طنطن ...

- تحت امرك يا ريس ..

- أمال همه دلوقتي قاعدين على ايه بعد ما مشيت يا طنطن ..

- أخلاقي متسمحليش اقولك يا ريس ..

- انت خبيث يا طنطن ..

- ده احنا عشرة عمر يا ريس .. هسيبك بقى عشان الفنجري بيرن عليا ..

- طنطاوي ..

- عيون طنطاوي يا ريس ..

- اعمل الصح ..

- من غير ما تقول هتتظبط ياريس

[كنزى]

ههههههههههه
ياعينى عامل فيها غلبان
تسلمووووووو رمضان

[BECKHAM]

اعمل الصح وارميه البحر

تسلم ياريس

[♥ρėŧŧу ςαŧ♥]

هههههههههههههههههههههههههه
تسلم ايدك

[Don't play with me]

تسلمو ع المرو ر الغالى