بحبك رغم أوهامك وأوهامي

**Mr Muslem** · 15-10-2011, 10:45 AM

بَحِبِك رغم أوهامك وأوهامي وشايلك جوه وجداني ومانتيش عارفة إحساسي..ومانتيش حاسَّه بغرامي مهو اللي يحب يوم مَرََّة..أكيد بيحب من تانى وبيفَرَّق..
مابين الحب وشعوره , وبين الوهم والإعجاب لكنك..ساكنة بكياني فــَ مش ممكن يكون أوهام وبالمرة مهوش إعجاب عشان الحب شئ أسمَى يخليني..
بفكر فيكي طول الليل والاقيني..أنام أحلم بأوصافك تسيبيني كما الغرقان وأحسك جوه تكويني واشوفك وسط موج البحر..
عروسة بحر بتشيلني وعند البر..
بلقا كي..تِوَدِيني واشوفك نجمة تِهْديني وصوت كروان بيتغنى بألحاني..ويشجيني وفجأة بفوق وبتعصَّب عشان الحلم مكملشي..وسبتيني هشوفك فين فــِ غير الحلم اقولهالك !!
عشان طيفك عشان همسك عشان شمسك..
أنا عاشق جمال النور ولو كانت مابينا بحور راح اركب مركب الأشواق وأوصلك مانا مشتاق..عشق بَّرِكان أنا عاشقك..
ونفسي بجدــ وانا اللي بزرع الأزهار وبرويهاــأقولهالك بِعلو الصوت:
جمالك فاق جمال الورد وأغزلِك من الأشواق جناح عصفو رعشان خاطرك..
يطير بينا لأبعد حد حبيبتي تانى مـِ الأول , ومـِ الآخر خلاص القلب مش صابر ونبضة قلبي هيمانة وبتعافر عشان بتمنى أوْصَلِّك..وأشوف الحب فــ عنيكي وأسمعها..
بَحِبَك حب مش عادي واتوه لما أرتمي فـحضنِك وتكمل فرحتي بيكي..
فــِ روحي وقلبي وقصادي
بحبك رغم أوهامك وأوهامي