ده حبيبي اللي بحبه

**نور الأمل** · 02-11-2010, 06:24 AM

حبيبي اللي باحبــــه

مش قادرة ابعد عنه بجد
روحي بتحبه حب ملهوش حد
وغايب بقاله فترة وكل ما اسال عنه حد
ما لقيش عندهم ولا عند غيرهم أي رد

شفته يوم سبته براحته يمكن يجي
مش باتقل عليه بس لاني بحبه حقيقي
خفت ازعجه وأشتت تفكيره بتفكيري
وأروح وأقول له مساء الخير عليك يا حبيبي

يمكن فكّره تجاهل وأهمال مني
بس ده أنا واقفة وصعبانه عليا نفسي
نفسي في مرة ألاقيه يجي عندي
ويصبح ويمسي وناخذ في الكلام وندي

حاولت أوصل له بأي طريقه أسمع بيها صوته
مراسيل الشوق بريدها روحي اللي متعلقة بروحه
وبقالي كام يوم بانتظر واستنى حضوره
ربنا يصبر قلبي ..... ويصبرني على شوقه

حبيبي اللي بحبه مش قادرة استغنى عنه
ومهما يبعد عني ... برضه أنا بعزه
وبغير عليه من الهوا الطاير ومن نفسه
ولو بعد وطول في بعاده ... ده أخويا اللي بحبه

من ذكريــــ دفاتري ــــات

**‏ღ ـزى الــهـــوى ღ** · 02-11-2010, 06:35 AM

جمييييله قوي وكلها احساس

تسلم ايدك

**rwana** · 02-11-2010, 11:56 PM

جميله قوى قوى
تسلم ايديكى
احساسك عالى

**واحدة من الناس** · 02-11-2010, 11:58 PM

انا داخلة فاكراكي جايبة صورته هنا

ههههههههههههه

لالا بجد حلوة جدا جداااااا

تسلم ايدك

احساس واضح قوي ومعبر قوي عن الحب والاشتياق واللهفة

جميلة بجد

**نور الأمل** · 03-11-2010, 04:20 AM

المشاركة الأصلية كتبت بواسطة ‏ღ ـزى الــهـــوى ღ

جمييييله قوي وكلها احساس

تسلم ايدك

شكرا ليكي زي الهوى
وجودك هو الاجمل متحرمش منك

المشاركة الأصلية كتبت بواسطة jorry

السلام عليكم
شموخ نطق احساسك ولامست كلماتك القلوب
تسلم الايادى
تقديرى

وعليكم السلام
جوري اطللتي فكتبتي بعضا من كلمات الشكر
فاسعديتني سعادة لا وصف لها
شكرا على التواجد المتميز

**نور الأمل** · 03-11-2010, 04:26 AM

المشاركة الأصلية كتبت بواسطة miss zinab

رووووووعة يا هبة

تسلم ايديكي يا حبي :*

انتي اللي تشجعيك احلىىى يا زينب
نورتيني يا حبيبتي :*

المشاركة الأصلية كتبت بواسطة rwana

جميله قوى قوى
تسلم ايديكى
احساسك عالى

انتي الاحلى روان ربنا يخلييكي
نورتيني يا قمر

**نور الأمل** · 03-11-2010, 04:37 AM

المشاركة الأصلية كتبت بواسطة واحدة من الناس

انا داخلة فاكراكي جايبة صورته هنا

ههههههههههههه

لالا بجد حلوة جدا جداااااا

تسلم ايدك

احساس واضح قوي ومعبر قوي عن الحب والاشتياق واللهفة

جميلة بجد

اه شوفتي جاية افرج عليه الناس ههههههههههههههههههه
انتي الاحلىىىىىىى والله كلامك فرحني ودمك سكر
الحمد لله انها عجبتك يارب اكون دايما عند حسن ظنك
نورتيني يا قمر

**زائر** · 03-11-2010, 04:38 AM

جميلة قوى يا هبة
ياريت مش تحرمينا من جديدك
تحياتى

**همس القلب** · 05-11-2010, 10:30 AM

جميلة قوى يا قمر
ربنا يخليكم لبعض
تسلم ايدك

**نور الأمل** · 11-11-2010, 01:48 AM

المشاركة الأصلية كتبت بواسطة دمعة عمر

جميلة قوى يا هبة
ياريت مش تحرمينا من جديدك
تحياتى

ميرسي وليد ربنا يخليك
وان شاء الله اكون عند حسن ظنكم دايما

المشاركة الأصلية كتبت بواسطة همس القلب

جميلة قوى يا قمر
ربنا يخليكم لبعض
تسلم ايدك

شكرا ليكي همس القلب
ولسه معرفهوش في علم الغيب عند الله

تسلمي يارب
متحرمش منك

الموضوع: ده حبيبي اللي بحبه

أدوات الموضوع