شاعر حساس

[bedo_story]

كانت يا قلبى زمان حكاية
عشت فيها كالعادة بطل معايا
حبيت حب سنين
وفيت و عشقت و دوبت
واشتقت بشوق و حنين
سامحت يا قلبى كتير فى هواه
ظلمك جرحك وفضلت ليالى معاه
و كان ايه خلاك تحبه
كان ايه خلاك تهوااه

يا قلبى خانك و جرحك
ظلمك و قال فى حقك كتير
صدق عنك كلام ملوش تبرير
و فى اقرب فرصة باعك
بس قبل ما يبيعك فكر كتير
"ازاى يلعب عليك
ويجب اللوم والغلط فيك
ولما لعبها باعك بس بضمير
فضلت يا قلبى تبكى و تشكى بدموع عينيك
و اللى حبيته و ضحيت عشانه هو اللى كان مبكيك

عشت ليالى حزين
بتفكر ترجع امتى ؟؟ ازاى !! فين ؟؟
و هو و لا على باله دمع عينيك
كتبت و غنيت و شكيت
و ياما يا قلبى حكيت
و بردوه ظلمك وجاب اللوم عليك

قولت لنفسك كفاية
خلاص قفلت بقى الحكاية
وقولت انك ناسيه
لامتى ها تفضل تحكى وتكتب عليه
ما خلاص جرحك انت قادر تتداويه
انسا ايامه انسا لياليه
انسا كل اللى يفكرك بيه
ده كلام بتقوله عشان تصبر نفسك بيه
وتوهم الناس انك ناسيه
و ده اللى ياما حلمت تعيش العمر ليه
وكنت ديما تغنى وتقولى
بقلبى وعمرى كنت شاريه
ولا فكرت يوم ائذيه وكتر خيره قدرنى
جرح قلبى و محسش بيه

بس خلاص كفاية
فوقت وانتهت الحكاية
سيبها لحالها ولضميرها
بكرة تعرف كلمة بحبك
من اللى بقلبه قالها

بس وقت ما تعرف الحقيقة
ها ترجع تمثل دور البريئة
وقت ما يتلعب بيها
وتعيش وتجرب وتشوف بعنيها بلاويها
ها تندم على اللى كان
و اللى عملته فيك زمان
ها ترجع تطلب من تانى الامان
ما انت الحضن و الدفا و الحنان

بس انت خلاص نسيت
ياما كتير حكيت
على قد ما بكيت

خلصت خلاص حكايتها
والناس ديما رابطة اسمك بسيرتها
يا قلبى اثبت للناس كلها
انك اه كنت بتحبها
بس لما باعت وخانت
انك خلاص نسيت حتى شكلها

اه بتكتب اه بتعبر
ما ده شغلك وده المتقدر
غصب عنك بتشوفها مع حبيبها
و الناس لما تقرا قصايدك
بتفكر انك وراها مراقبها
اثبت وقول انها صدفة مش اكتر
و اياك فى كلامك تكتر

يا قلبى اكتب وقول للناس
انكش مش بتكتب ليها و بس وخلاص
اكتب يا قلبى و وقوول
انك شاعر و الشاعر ديما حساس
وده شرط عشان كلامك يدخل قلوب الناس
يا قلبى كفاية كده خلاص


فكرة و كتابة وتأليف
عبدالله سيد ( بيدو )

[rwana]

جميله قوى يا عبدالله
تسلم ايدك