تصبح على خير يا ارق ملاك

[bedo_story]

تصبح على الخير يا ارق ملاك
يا شاغل بالى و قلبى معاك
افتح عينك وشوفنى ونام
على طول جمبك و فى الاحلام
حواليك روحى تكون وياك

ضمنى بعيونك يلا كمان
حواليك قلبى فى كل مكان
عايش ليك انا من زمان
قرب منى كفاية حرمان
طيب قلبى بكلمة وقول
مشتاقلك وكلى حنان

بكتب فيك شعر واغنيلك
تسلملى عينيك يسلملى هواك
سهران الليل بحكى فى سيرتك
بتكلم وانا حاضن صورتك
بستنى شفايفك تهمسلى
مع نور الصبح الجاى وياك

تصبح على حب و شوق وغرام
بتمنالك اجمل احلام
غمض بقى عينك يلا ونام
تصبح على خير يا ارق ملاك

كلمات / عبدالله سيد

[♥ρėŧŧу ςαŧ♥]

تسلم ايدك يا عبد الله
تحفه
مميز كالعاده
منتظرين جديدك

[Hayomty]

ضمنى بعيونك يلا كمان
حواليك قلبى فى كل مكان
عايش ليك انا من زمان
قرب منى كفاية حرمان
طيب قلبى بكلمة وقول
مشتاقلك وكلى حنان
يارب جمع كل حبيبن ومتفرقهمش ابدا
كلمات رقيقه وموهبه عاليه
تسلم وتعيش

[rwana]

جميله قوى يا عبدالله
تسلم ايدك
دام تميزك

[واحدة من الناس]

الله عليك
كلامك من جميل لاجمل دايما