مرحبا بك فى منتديات ايجى ميزا هل هذه اول زيارة ؟!
صفحة 1 من 2 1 2 الأخيرةالأخيرة
النتائج 1 إلى 10 من 18
  1. #1
    جدع اسطورى الصورة الرمزية Hayomty
    تاريخ التسجيل
    Jan 2012
    المشاركات
    1,343
    معدل تقييم المستوى
    14

    & على رأى المثل .. مع هيومتى &

    سيتى وستك قالو زمان على كل حاجة مثل وأمثلتهم كانت

    قوانين يمشو عليها البنى أدمين



    واحنا جيلنا جيل حديث جيل الإنترنيت والموبيل والدش والدى فى دى

    هجبلكم كل اسبوع مثل من امثال سيتى نحللة وناقشة


    نوافق علية أو نتبرى منه

    مثالنا النهاردة يا أخواتى مثل بعمل بيه فى حياتى



    [gdwl]الباب إللى يجيلك منه الريح سده وأستريح[/gdwl]



    المثل مثل سلبى لكن مش مع كل الناس فى ناس هتقول لاءء انا هقف قدام الريح واتحمل كل المشاكل لحد ما اوصل للى انا عاوزاه

    وفى ناس نفسها قصير قدام الريح تضعف وتستسلم وتبعد عنها وترتاح منها حتى لو خسرت أشياء غالية

    قريتو المثل يا أصحابى طيب ردو عليا فى سؤلاتى

    أيه رأيك فى المثل هل بتعمل بيه فى حياتك ؟

    وهل كل ريح ينفع نقف قدامها ولا فى ريح منقدرش عليها ونقفل الباب ونريح نفسنا منها ؟؟



    أرق تحياتى




  2. #2
    الصورة الرمزية ♥ρėŧŧу ςαŧ♥
    تاريخ التسجيل
    Oct 2010
    الدولة
    مدينة المستحيل
    المشاركات
    25,770
    معدل تقييم المستوى
    10

    افتراضي رد: & على رأى المثل .. مع هيومتى &

    السلام عليكم ورحمة الله وبركاته
    اولا بحييكى على فكره الموضوع
    جديد وجميل وهادف جدا


    أيه رأيك فى المثل هل بتعمل بيه فى حياتك ؟

    ممكن اقول انى من وقت قريب كنت كده
    بس دلوقتى ومع الاصطدام بالواقع المرير مبقتش اعرف اكون سلبيه
    والناس عموما مش بتسيب حد فى حاله ولا اللى ماشى جنب الحيط ولا اللى واقف قصادهم
    فالامرين سيان

    وهل كل ريح ينفع نقف قدامها ولا فى ريح منقدرش عليها ونقفل الباب ونريح نفسنا منها ؟؟

    اكيد مش كل الريح اللى نقدر نقف ادامه بس اهم حاجه منكنش سلبيين و نجرب ونحاول
    منستسلمش من اول جوله
    وكفايه اننا نكون كسبنا شرف المحاوله
    و حتى لو اتهزمنا بشكل مبدأى
    فلازم نثق ان اى حد فاكر نفسه كبير وقوى سواء بسلطه او مال او او .....
    ففيه اللى أقوى منه
    ربنا قادر على كل شىء
    يعز من يشاء ويذل من يشاء
    وفى النهايه الحق هو المنتصر


    تسلم ايدك يا هيام

    منوره المنتدى بمواضيعك الجميله يا حبيبتى

    واكيد منتظرين جديدك

    ومتابعه معاكى الموضوع الرائع ده

    تم التثبيت

    دمتى بتميز

  3. #3
    مؤسس الموقع الصورة الرمزية BECKHAM
    تاريخ التسجيل
    Sep 2010
    الدولة
    Egypt
    العمر
    41
    المشاركات
    174,661
    مقالات المدونة
    7
    معدل تقييم المستوى
    10

    افتراضي رد: & على رأى المثل .. مع هيومتى &

    أيه رأيك فى المثل هل بتعمل بيه فى حياتك ؟

    لوقت ليس بالبعيد كنت اتعامل بهذا المثل فى حياتى الشخصية والعملية ولكن فى بعض الاحيان

    تغلق الباب تلاقيها كسرتلك الباب ودخلت اذن فلابد من المواجهة .

    وهل كل ريح ينفع نقف قدامها ولا فى ريح منقدرش عليها ونقفل الباب ونريح نفسنا منها ؟؟

    ليس كل الرياح من الاستطاعة الوقوف امامها وافضل التحاشى بذكاء

    وعدم اعطائها ظهورنا لكى لا تنتهز الفرصة فتنقض علينا ونصبح ضحيتها .

    المثل ملهوش ثوابت محددة لان من الممكن ان تتكرر

    المواقف ويختلف رد الفعل من شخص لاخر اما بالمواجهة او التحاشى .







  4. #4
    جدع اسطورى الصورة الرمزية Hayomty
    تاريخ التسجيل
    Jan 2012
    المشاركات
    1,343
    معدل تقييم المستوى
    14

    رد: & على رأى المثل .. مع هيومتى &



    وعليكم السلام ورحمه الله وبركاته
    بشكرك على مقدمتك يا لولو

    الحقيقة انا كاتبه الموضوع ده فى منتديات اخرى لكن يسعدنى انى اكتبه هنا وتشاركونى بأرئكم الجميله
    ----------------------------------------------

    شوفى يا لولو مواجهه المشاكل ليها أصول والأصل فيها هو الحق
    والحق ليه صاحب واحد

    ودائما الحق بيكون واضح وضوح الشمس
    ومحدش يقدر يلوم حد وهو بيقف قدام الريح ويدافع عن حقه

    اللى يتلام الشخص اللى يتوهم انه ليه أهميه وليه حجم أكبر من حجمه ويدخل فى شىء ميخصوش
    خصوصا لما يكون الحق ده حق شخصى وتلاقى اللى فرض نفسه وتطفل عليكى بكلام ورأى وهو فى غنى انه يسمع كلمه أنت مالك

    وصاحب العقل بيميز وبيعرف حدوده وبيحافظ على كرامته
    ومبيدخلش غير فى الخير

    اما المتدخلين بالشر فالنتيجة بشعه ولا يتحملها غير سواهم
    فى النهايه لا يصح الا الصحيح

    نورتى بردك الجميل يا لولو
    وميرسى على التثبيت


  5. #5
    الصورة الرمزية ♥ρėŧŧу ςαŧ♥
    تاريخ التسجيل
    Oct 2010
    الدولة
    مدينة المستحيل
    المشاركات
    25,770
    معدل تقييم المستوى
    10

    افتراضي رد: & على رأى المثل .. مع هيومتى &

    فعلا يا هيام بجد
    لو كل واحد خلاه فى نفسه وبطل يتدخل فى حياة الناس
    هيكسب احترام نفسه وكرامته ادام نفسه اولا ومن ثم ادام الناس
    وفيه ناس فعلا عندها قدره انها تتدخل فى حياة الاخرين
    وتقتحم خصوصياتهم بشكل مش طبيعى
    ومستفز جدا
    واكيد اغلبنا قابل الشخصيات دى
    تحذرى مره واتنين وعشره
    و لا حياة لمن تنادى
    يبقى وقتها بتكون المواجهه اسلم حل للدفاع عن حقى
    وفى الاخر النادم الوحيد بيكون هو
    و ميلومش غير نفسه
    لانه من الاول هو اللى هان كرامته
    وخسر نفسه
    فميرجعش يزعل من المواجهه
    لان فى الاخر صاحب الحق واحد زى ما قولتى وهو اللى دايما ربنا بينصره
    ومهما اتظلم واتقال عليه من الناس
    ربنا مبيسيبش حق حد

    تسلمى يا هيومتى على المناقشه الجميله دى بجد

    ومنتظره منك بقى الجديد



  6. #6
    جدع اسطورى الصورة الرمزية Hayomty
    تاريخ التسجيل
    Jan 2012
    المشاركات
    1,343
    معدل تقييم المستوى
    14

    افتراضي رد: & على رأى المثل .. مع هيومتى &

    بيكهام
    ---------------------------

    اكيد ظروف المشكله ووضعها واهميتها بالنسبالك بتفرض عليك انك تواجه
    وبتحدد وتختارالأسلوب المناسب اللى هتواجه بيه
    فى النهايه هو حق ومدام حق يبئى المواجهه من حقك

    فى حجات فعلا لازم نتحاشى فيها لكن على حسب أهميتها
    والموقف وأهميته بيفرض نفسه وبيفرض عليك اذا كنت هتواجه او هتتحاشى ومتهتمش وتدير ظهرك

    شكرا لردك يا وليد
    نورتنى



  7. #7
    جدع اسطورى الصورة الرمزية Hayomty
    تاريخ التسجيل
    Jan 2012
    المشاركات
    1,343
    معدل تقييم المستوى
    14

    افتراضي رد: & على رأى المثل .. مع هيومتى &

    انا متفقه معاكى جدااا فى ردك التانى يا لولو
    معنديش أى اضافه غير انى أشكرك على أضافتك ورأيك فى مناقشه المثل
    نورتينى


  8. #8
    جدع اسطورى الصورة الرمزية Hayomty
    تاريخ التسجيل
    Jan 2012
    المشاركات
    1,343
    معدل تقييم المستوى
    14

    افتراضي رد: & على رأى المثل .. مع هيومتى &

    المثل الثانى

    العتاب
    العتاب بيحصل بين طرفين أو اطراف حصل خلاف بينهم المهم المقصود من العتاب تصفية النفوس وانهاء الخلاف وزى ما بيقلو رجوع المياه الى مجاريها من تانى


    ولكن سيتى وستك لهم وجة نظر أخرى وقالو لااااا
    مش كل شخص يستحق العتاب


    وعلى الفور أصدرو فرمان أى قانون
    قصدى مثل وهو


    [gdwl]لاااا ترقع الدايب ولاااا تعاتب العايب[/gdwl]



    وهذا المثل بمثابة أمر من سيتى وستك بمعنى مش كل شخص يستحق المعاتبة يوجد أشخاص لابد من تجاهلها وتجاهل كلامها تمامااااااا ولا تستحق حتى ضياع الوقت فى عتابهم


    ايه رايكم فى المثل يا اصحابى ؟
    وهل سيتى وستك عندهم حق فى هذا القانون قصدى المثل وهل بتعمل بيه فى حياتك ؟


    ارق تحياتى



  9. #9
    مؤسس الموقع الصورة الرمزية BECKHAM
    تاريخ التسجيل
    Sep 2010
    الدولة
    Egypt
    العمر
    41
    المشاركات
    174,661
    مقالات المدونة
    7
    معدل تقييم المستوى
    10

    افتراضي رد: & على رأى المثل .. مع هيومتى &

    انا متفق مع المثل

    فعلا مش كل شخص يستحق العتاب وفيه اشخاص مفروض علينا نسيبهم زى ...

    لان العينة دى لو جيتى تعاتبيها من الممكن انك تلاقى ما لايحمد عقباه وممكن تتشتمى

    وده حصل من بعض الشخصيات :d بدون ذكر اسماء معروفين

    ف سيتى وستك بقى عندهم حق ويستاهلو جايزة نوبل للامثال فى المثل ده


    تسلمى ع الطرح الرائع ياهيام ويارب تفضلى منورانا ديما كده

    تحياتى

  10. #10
    جدع اسطورى الصورة الرمزية Hayomty
    تاريخ التسجيل
    Jan 2012
    المشاركات
    1,343
    معدل تقييم المستوى
    14

    افتراضي رد: & على رأى المثل .. مع هيومتى &

    بيكهام


    انا متفق مع المثل
    فعلا مش كل شخص يستحق العتاب وفيه اشخاص مفروض علينا نسيبهم زى ...
    لان العينة دى لو جيتى تعاتبيها من الممكن انك تلاقى ما لايحمد عقباه وممكن تتشتمى


    شوف يا وليد العتاب المفروض لشخص أنت باقى على صداقته لو مقدرش عتابك وفهم أن العتاب لأزاله الخلاف يبئى هو شخص أصلا ميستحقش العتاب

    أما إللى يحول الخلاف لشتيمه وتلفظ بألفاظ خارجة هنا بئى هو عبر عن نفسه
    وشخصيته وتربيته وبيئته
    فالانسحاب من الخلاف أو أنهاء العتاب معاه ده أسلم حل
    وفى الحالتين الكل عبر عن نفسه بكلامه وبتصرفه
    وبيكون الموقف واضح للجميع


    وده حصل من بعض الشخصيات :d بدون ذكر اسماء معروفين

    ف سيتى وستك بقى عندهم حق ويستاهلو جايزة نوبل للامثال فى المثل ده

    والله روعه الامثال والقيمه الاخلاقيه الموجوده فيها متصدقش ابدا انها صادره من ناس بسيطة وبذكاء فطرى


    تسلمى ع الطرح الرائع ياهيام ويارب تفضلى منورانا ديما كده

    تحياتى



    شكرا ليك يا وليد
    نورتنى بردك



 
صفحة 1 من 2 1 2 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الكلمات الدلالية لهذا الموضوع

مواقع النشر انشر موضوعك وهاتلو زوار

مواقع النشر انشر موضوعك وهاتلو زوار

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
RSS RSS 2.0 XML MAP HTML
DMCA.com Protection Status جميع الحقوق ل رياض حسونة