مشكله نعاني منهاوهي... كلام الناس،،

[رزة]

نعيبُ زماننا.. والعيبُ فينا ومَا لِزمانِنَا عيبٌ سِوانا

عقدةٌ أتعبتنا ..

تدور وتُنظم وتُحبك خيوطها فيّ معظمِ المجالسِ

والمجتمعاتْ .. على إختلافها عن بعضها ..

[ كلامُ الناس ]

مشكلةٌ تؤرقُ الهمَ والوجدانْ..
المطلقه .. تخشى كلام الناس ..!
الأرمله .. تخشى كلام الناس ..!
الفقير .. يخشى كلام الناس ..!
العانس .. تخشى كلام الناس ..!
الناس .. يخشون من بعضهم كلام الناس ..!

تتعدد الأمثله..والمشكله واحده


هل هوَ { خوفٌ.. من الناس ~

أم خوفٌ من الشكل الذي سنظهر عليهِ { أمام.. الناس !

أم خوفٌ من { ردةِ فعلِ.. أولئكَ الناس ٍٍ
أم خوفٌ ورهبةٌ من { المستقبلِ المجهولٍْ

أم ماذا ؟!

أقصوصةٌ تستحقُ ب أن تذكرَ بينَ ثنياتِ هذا الموضوع !

[ جـحـا ]



لا أعتقدُ ب أن هناكِ من لا يعرفه ؟!

ولا يعرفُ بعضاً من طرائفهِ ونوادره ..!

يُقال ب أنه في يومٍ ما :

كانَ جحا وإبنه يمشيانِ مع حمارهما ف انتقدوهما الناس...!

لإنهم لم يستغلوا الحمارَ ك وسيلةٍ للنقل

ف ركب جحا وإبنه على الحمار ف انتقدوهما الناس مرةً ثانيه

وأتهموهما ب أنهما عديميّ الرحمه ! ف كيف يركب إثنان على حمارٍ ضعيف ك ذاك ..!

ف نزل جحا وتركَ ولده على ظهرِ الحمار ف أنتقدوا الناس الإبن ..!

وقالوا عنه : ب إنهُ ولدٌ عاق ..!

فنزلَ الإبنُ وركبَ جحا ف قالوا عن جحا أنهُ لايرحم وأنه قاسٍ على إبنه ..!

فقام جحا وأبنه وحملوا الحمار وهم يمشون ..!

فضحكَ الناس عليهما لبلاهتهما ..!

ومن هُنا ندركْ :

بأنَ إرضاءَ الناسِ غايةٌ لاتُدرك
بأنَ إرضاءَ الناسِ غايةٌ لاتُدرك
بأنَ إرضاءَ الناسِ غايةٌ لاتُدرك

سؤالي موقفك مع كلام الناس؟؟
وتأثيره عليك وعلى حياتك؟؟
وما هي البصمه التي يتركها في تاريخك؟؟

[أنين الألم]

سؤالي موقفك مع كلام الناس؟؟
عادي مش بهتم بيه اوي واكيد سعات بتاثر منه
بس مادام واثقه من نفسي ومن اني بعمل الصح يبقى مش فارقه معايا يقولو الي يقولوه ..
وتأثيره عليك وعلى حياتك؟؟
وما هي البصمه التي يتركها في تاريخك؟؟
تاثيره يكاد يكون شبه منعدم عادي الي يتكلم يتكلم مدام انا صح وحتى لو غلط وصححت غلطي وهما اتكلمو ولا انا هعرف امسك لسان الناس ولاهما هيبطلو لان كل الناس ببتكلم ع كل الناس وكل الناس بتلاقي ناس تتكلم عنها ده حاجه فالبشر

تسلم ايدك ياسكر

[noorseen]

سؤالي موقفك مع كلام الناس؟؟

عادى جداااااااااااا اللى عايز يتكلم يتكلم براحتة احنا مش هنمسك لسان النااس علشان مش تتكلم عادى جدا يعنى
وبرمى ورا ضهرى وبفضل اضحك وعادى جدا

وتأثيره عليك وعلى حياتك؟؟

بردو ملوش اى تاثير لان لو كل انساااااااان خد بكلام الناس يبقى مفيش حد هيتحرك من مكانة هيفضل باصص تحت رجلة علطول

وما هي البصمه التي يتركها في تاريخك؟؟

لو كلام صح وحلو فى حقى اكيد بيسيب بصمة حلوة افتكرها والى حواليا يفتكروها طبعاااا

اما لو حاجة وحشة بردوا بيسيب بصمة بس مش ببصلها علشان مش اتدايق وحتى لو كان الكلام بالغلط بردوا عادى بس ببقى فكراة علطول والاشخاص اللى قالوة علشان اعلم عليهم بخط عرييض وبس

لكن بجد لو الانسان فضل ماشى ورا كلام الناس يبقى مش هيتقدم لان الناس لو كنت حلو وكويس بيتكلموا عليك ولو وحش بردوا بيتكلموا عليك فى كلتا الحالتين الناس بتفضل
لوك لوك لووك

يبقى طالما الانسان ماشى صح يبقى مش يهمة كلامة الناس ولا اى حد طالما مقتنع باللى بيعملة

نااااايس توبيك

[حنين حنونه]

مشكلةٌ تؤرقُ الهمَ والوجدانْ..
المطلقه .. تخشى كلام الناس ..!
الأرمله .. تخشى كلام الناس ..!
الفقير .. يخشى كلام الناس ..!
العانس .. تخشى كلام الناس ..!
الناس .. يخشون من بعضهم كلام الناس ..!

تتعدد الأمثله..والمشكله واحده


هل هوَ { خوفٌ.. من الناس ~

أم خوفٌ من الشكل الذي سنظهر عليهِ { أمام.. الناس !...
تسلمى يارب ويسلمو عيونك

[Bℓạ๔қ]

لو اهتميت بكلام الناس يبقى مش هاعرف اعيش ولا افكر
لانى هابقى خايفة من ردود افعالهم
رغم انهم مالهمش اى دور فى حياتى
الصح انى اعمل اللى عاوزاه فى اطار الصحيح من غير ماهتم بكلام الناس
لانه لا هايقدم ولا هايأخر
وان كان فى بعض الاحيان بيقرف او بيأثر لو كان انتقاد لشخصك مثلا
ساعتها باعتبرها سبب للتغيير لو كان اكتر من شخص انتقد نقطة واحدة فيا
ومش ارضاء للناس ولكن لنفسى
.................
مشكورة ياقمر

[همس القلب]

سؤالي موقفك مع كلام الناس؟؟
زى ماقلتى كدة وذكرتى قصة جحا مهما عملنا الناس هتتكلم فأرضاء الناس صعب جدا
كدة او كدة هتلاقى ناس هتنتقض اى حاجة فيكى لمجرد النقض والتريقة والسخرية وخلاص
فأنا عن نفسى بعمل الى يرضينى والى شايفة انة هيسعدنى من غير مأضر حد

وتأثيره عليك وعلى حياتك؟؟
مش هكدب عليكى وأقلك مش بتأثر بيهم بتأثر بيهم طبعا بس ف الاخر اعمل ال نا عايزة برضة
طالما مش هيضر حد

المشكلة بقى ان اهلينا زمان كان موضوع الناس وكلام الناس واخد حيز من تفكيرهم كبير جدااااااااااااااااااااااااااااااااااا
والمشكلة الاكبر اننا بنتورث منهم الموضوع دة لاناا بنتطبع بطباعهم لاكن بعضنا بيعرف يخرج من دايرتهم
ونخلق لينا طابع خاص لينا وفى ناس مبتعرفش تخرج منهم وتغير من نفسها فيظل كلام الناس يأثر فيهم وفحياتهم
موضوعك جميل ومميز جدا
ويستاهل النقاش فعلا
تحياتى ليكى

[bondok]

بصي يا رزة .. بجد بجد يعني،،
كلام الناس ولا بيقدم ولا بيأخر ولا بيشبع،،
وفـ نفس الوقت مش هيبطل،،

[رزة]

منورنى كلكم
فعلا كلام الناس لابيقدم ولابيأخر
وهما كده ولاكده بيتكلموا