عيش بقلبك

**♥ρėŧŧу ςαŧ♥** · 26-01-2012, 06:51 PM

---
هي يعني الفرحة لازم تيجي شابكة في الدموع ....
و الا كل طريق بيبدأ تهزمه سكة رجـوع ....
كل ذكرى بتفتكرها تبقى عن جرح و فراق ....
ليه تعيش العمر عتمة و انت حواليك الشموع ...
---
فيها إيه لو قلب خانك .. حِب و ابدأ من جديد ....
سيب حروف قلبك تغني و ابتسم لو مش سعيد ...
و ان وقعت في لحظة عافر .. و اتسند على إيد صديق ...
مهما كان الجرح قاسي .. بكرة جاي و لو بعيد ....
---
انسى ضعفك وانسى ألمك .. انسى أحزان السنين ...
و الغناوى ان مرة تاهت تعلا و تزيح الأنين ...
مهما طال الليل مسيرُه يتمحي ببسمة نهار ...
عيش حياتك قلب صافي .. ليه تعيش خايف حزين ...
---
فيه قلوب بتخون و لكن .. فيه قلوب بتخاف عليك ....
ليه بترضى تعيش في كدبة و الحقيقة قصاد عينيك ...
كلمة صادقة تقولها مرة .. تنفتح بيها البيبان ....
كون حقيقتك .. عيش بقلبك .. تملك الدنيا بإيديك

-----

مما راق لى