كوكتيــل , هيســتيــريــا .. حلقات متجدده

**♥ρėŧŧу ςαŧ♥** · 27-01-2012, 02:04 PM

الموضوع ده منقووووووووووول
بس عجبنى جداا
اللي كاتبه دمو خفيف جدا جدا
موضوعى انهارده .. عباره عن حلقات مختلفه زى كوكتيل من عصير الفروتى على عصير القصب
وبلاش نحط مقدمات .. ندخل فى الموضوع على طول
واتمنى ان المقصود يوصلكم .. وان الحلقات تعجبكم

ونبــــدأ ..

**♥ρėŧŧу ςαŧ♥** · 27-01-2012, 02:11 PM

أول الحلقــات

طموحى بعد التخرج .. عمره ما كان مكتب فى مؤسسه حكوميه
ونظام الروتين .. بمل منه بسرعه ..
قولت افتح مشروع صغير .. اكسسوار حريمى
اسمه كيداهم ..
ومحدش يفهمنى غلط ويقول انى بعمل اعلانات
بس هو طنطا شارع البحر امتداد شارع النادى .. من النحاس
امام مبنى المحافظه .. تليفون .. 7575 0 75975 كيداهم تليمتيد

الحقيقه وانا واقف قدام المحل .. نرجع لموضوعنا الاساسى

لقيت راجل معدى بس حالته صعبه شويه .. هو جارنا
وانا بحب اتكلم معاه ..
قولتله مالك ياعم محمد ..؟
قالى بلاوى الدنيا كتير يابنى

قولتله ليه ياعم محمد خير فى ايه ؟
قالى مش قادر اقف على رجلى يابنى
قلتله تعالى اقعد ياعم محمد ..فى ايه مالك ؟
قالى عطشان يابنى ..
جبتلو ميه يشرب ..
قالى انا عاوز فيروز يابنى

جبتلو فيروز .. قالى اطفى النور يابنى
ومحدش يفهمنى غلط ..فى النور دى
قلتلو فى ايه ياعم محمد
لقيتو وقف وقالى ولعلى اسبورت .. " اسبوت " اضائه خفيفه ملونه

وراح واقف فى وسط المحل ..
وكان هاملت واقف ع المسرح.. بيقول اكون او لا اكون ..

الشرفيس .. او لا شرفيس .. تلك هى المشكله
زمان اجرة الميكروباص كانت 15 قرش
وكنا عايشين راضين ومبسوطين مظأتططين
بس مفيش حاجه بتفضل على حالها
وكل حاجه لازم يجيلها يوم وتنتهى ..
فجاه .. خلو اجرته.. ربع جنيه
فى الأول الصدمه كانت شديده .. بس قولنا معلشى
نستحمل وعلى دماغنا
رجعو خلوها 35 قرش .. قولنا ومالو نستحمل وجزمتهم على دماغنا

انما تبقى الاجرة 35 قرش وندفع نص جنيه ..
هو ده الى ميرضيش حد ابدا

تصورو السواق .. بياخد النص جنيه كله مبيرجعشى الباقى
فى اى شرع فى اى عرف فى اى دين ..
الواحد بنص والاتنين بـ 75 قرش
بس مع الوقت بدأت اتعود ع الوضع الجديد
قولت معلشى .. 30 قرش فى اليوم .. لاء كتير

15 قرش رايح 15 قرش جاى
يعنى 30 قرش فى اليوم .. × 7 .. يعنى اتنين جنيه وبريزه فى الاسبوع ×4 يعنى ثمانيه جنيه والربعين قرش
يعنى 8 جنيه ونص .. تقريبا
كتير لا لا لا حرام ..
بس مع الوقت .. بدأت اتأقلم ع الوضع الجديد
ايمانى بالله خلانى اصبر واحتسب
بقيت اقول لنفسى .. كانى اشتريت سندوتش جمبرى ومكلتوش
كانى اشتريت قميص فاسكوس .. وملبستوش
كأنى اشتريت شريط لـ تامر وما سمعتوش

قولتلو ليه ياعم محمد ..؟
قالى مبحبوش

وبعدين فى يوم وانا صاحى الصبح ونمسمت الصباح بتشفشق
وبتطس فى وشى ..

جاتلى فكرة قاتله .. جاحده.. ظالمه
قلت انا مضايق نفسى ليه
مانا كل اسبوع ابقى افك خمسه جنيه ارباع وجنيه برايز
وبكده المشكله اتحلت ..
بقى دايما الربع جنيه معايا .. والبريزه لا تزال فى جيبى

بس دايما الفرحه ما بتدومشى ..
فى يوم مطلعتلوش شمس .. يوم نفسى امحوه من حياتى
اشطبه من ذكرياتى ..
راكب الميكروباص فى امانة الله .. لقيت محمد ابن عمى وولاده ومراتتاتهم الاتنين
وكان لازم ادفع مانا الكبير ..
وطلع الميكروباص ومشى .. مشى وانا كل دقه فى قلبى بتقول لا لا
لا لا لا

وجت اللحظه الى انا خايف منها .. السواق قال " الاجره يا جاعه "

محمد ابن عمى جه يدفع
قلتلو عييب يا حمو انا الكبير .. قالى ماشى

ومديت ايدى فى جيبى وانا باتمنى ان ايدى تتشل ولا تنقطع
ولا انى اعمل فى نفسى كده
فجأه سمعت صوت .. صوت كانه صوت ملاك نازل من السماء
بس فى اخر الميكروباص من ورا

وقالى خلاااااااص يا محمد
يا م انت كريم يارب .. يا من تقول للشىء كن فيكون

كان كريم صاحب محمد ابن عمى .. دفعلنا كلنا

حسيت ساعتها ان قلبى هيقف من كتر الفرحه
وانى هيطلعلى جناحات وهطير
نزلت من الميكروباص وسجدت ع الارض
تأمنو بالله ,.؟

حسيت ساعتها انى جبت جون فى الجزاير

**SeCяeT GίrŁ** · 27-01-2012, 08:16 PM

هههههههههههههههههههههههههههههههههههههههههه
ههههههههههههههههههههههههههه
جامدة جدا .. مستنية الجديد
تسلمى يا لولا

**Don't play with me** · 27-01-2012, 08:18 PM

هههههههههههههههههههههههههههه
جامد ياعلا
تسلم ايدك
منتظرين الباقى

**♥ρėŧŧу ςαŧ♥** · 28-01-2012, 04:14 PM

المشاركة الأصلية كتبت بواسطة mony

هههههههههههههههههههههههههههههههههههههههههه
ههههههههههههههههههههههههههه
جامدة جدا .. مستنية الجديد
تسلمى يا لولا

هههههههههههههههههههههههههه
تابعى معاايا يا مونى
نورتى يا عسل

**♥ρėŧŧу ςαŧ♥** · 28-01-2012, 04:15 PM

المشاركة الأصلية كتبت بواسطة واحد من الناس

هههههههههههههههههههههههههههه
جامد ياعلا
تسلم ايدك
منتظرين الباقى

هههههههههههههههههههههههههه
نورت يا رمضان
تابع معايا بردو

**♥ρėŧŧу ςαŧ♥** · 29-01-2012, 04:53 PM

انهارده صحيت من النوم على صوت تنفيض مبالغ فيه جدا

خير يا جماعه فى ايه , قالولى آنهاردة ضيوف

انا اعرف انهارده السبت انهارده الأحد الوقفه عيد الأم

لاكن انهارده ضيوف ده مش فاهم تركيبته ايه ..!

ولما كلنا هنتعب ونشتغل كده . ليه مخدناش آجازه ..؟

يعنى انا اروح لمديرى ف الشغل الصبح اقولو صباح الخير يا فندم

بعد اذن حضرتك انا انهارده اجازه , يقولى ليه انشاء الله

اقولو كل سنه وانت طيب انهارده ضيوف

يقولى اجازه نص يوم

لا لا لا يا افندم دول من البلد

يقولى أجازه تلت ايام , الله يكون فى عونك يا أبنى

انهارده ضيوف ده لما باصحى فيه الصبح

اغسل وشك , مهو انا اكيد باغسل وشى

اغسل سنانك انهارده ضيوف

حاضر , بس انا باغسل سنانى سواء ضيوف ولا مش ضيوف

رتب اوضتك نظم الجزامه لمع سريرك رتب دولابك

مانا فهمت كل ده من رتب اوضتك الى ف الأول

انهارده ضيوف يوم عبقرى لسبب :
زمان وانا صغير كنت بانزل تحت , مليش دعوه باى حاجه
غير انى العب قريب من البيت عشان لو عازو حاجه
بس كان فى طلب غريب شويه ان فى اصرار رهيـــــــــــب وبركز على رهيب , انى لازم اليف ظهرى
هما الضيوف مالهم ومال حاجه زى كده ..؟
يعنى انا لو جيتلك البيت هقولك ليفت ظهرك ..؟ والله امشى
مينفعشى
لما كبرت شويه اكتشفت ان الى بيحصل فوق , صعب جدا جدا
فى جنود صاعقه فى البيت , ماسكين عصيان ولابسين خوذ
وفى ناس بتتشعلق وناس متعلقه فى نجف وبيخبطو فى حجات
ولما دققت شويه لقيتهم اسرتى
طيب انا مالى ومال الكلام ده
وفى حاجه مهمه جدا جدا . لازم نفتح صابونه جديده بريحه
طب ما الصابونه كبيرة وحلوه وبريحه
لاكن لاء , الضيوف يقولو علينا ايه
هيقولو علينا ايه يعنى ..؟
يلا ياللى صابونيتكم كبيره وبريحه وحلوه وزى الفل .؟
حاجه غريبه اوى

سيب ده كله وتعالى بقى ع الضيوف الى جيبنالهم , صابونه كبيره وحلوه وجديده وبريحه
لو كلو سمك , بيمسكو الصابونه على طول قبل ما يغسلو اديهم
هتلاقى الصابونه اتحولت كأنها فى حجر معسل كان بيغسل ايده هنا

التعارف
التعارف بيبدأ قبل وصول الضيوف بحوالى تلت اربع ساعات
من خلال , ادب ادب ادب ادب ادب ادب واستأذن قبل ما تتكلم
ومحدش بيقولنا مين الى جاى اصلا
يعنى هو مين الى جاى ..؟ تقعد انت تفكر بقى
ويتخيلك ان فى شامبانزى جاى انت صغير مش عارف حاجه
ايه الى انا هقعد مؤدب اوى كده
يا اما بقى الضيف ده جاى ومعاه كرباج
فتقعد محترم

التعارف بقى الحقيقى بيبدأ من لحظه دخول الضيوف

عمو قبل ما بيسأل على أى حاجه , بيسأل على طفايه
طنط : بتدخل صوتها عالى , ولابسه تيير لونه احمر فاقع
وكل كلامها اخره , يا حبيبتى
حتى لو بتتكلم فى حاله وفاه تقولك والله ماتت يا حبيبتى
معاهم طفل صغير كده : اول ما بيدخل من باب الشقه
كأن فهد هرب من القفص , جرى بالجزمه ع الملايات
ويفتح الحنفيات ويطلع بالجزمه ف كل حته
وبيعمل بيبى ف الحوض
الولد ده من جريه ومهارته كأنه عاوز يكسر رقم قياسى عمله عند ناس قبلنا
فكنت بتخيل ان بباه هيطلع ستوب وتشر ويقولو هاه هاه
بالمناسبه الولد ده دايما اسمه عماد
ليه اخت صغيره : بتدخل كرهانا اوى , يااااااااااااااااااساااااااااااااااتر
ودايما مامتها كل لما تاخد بق من العصير تبوصلها وتقولى
ايه يا دعاء دى طنط
طنط ملهاش دعوه بأى حاجه .
لاكن عمو الضيف ده , كان بيحسسنا بأهميه وكان من كتير كلام طنط
انها لما كانت عند طنط فلانه ايه الى حصل ولما كانت عند طنط فلانه ايه الى حصل طنط علانه ايه الى حصل طنط ترتانه ايه الى حصل
لدرجه انى قربت احس انهم بيشتغلو ضيوف
عماد الى هو العسل الصغير ده , لما بيجو يعرفونا على بعض
احنا بقى اطفال عاوزين يعرفونا على بعض عشان ندخل نلعب جوه ف الأوضه الى هيطلع فيها
بالجزمه ع المليات
ايد تشاور نحيتى : يحيى الكبير شاطر جدا ف العربى وبيحب التمثيل
محمد الصغير شاطر جدا فى الرياضه وبيحب الرسم
هو الى راسم صورة جدو دى
عمـــاد عســل
ف اللحظه دى بنسمع صوت كسر حاجه ورا لسه ماعرفناش هى ايه
وعماد بيجرى طياره زى ابو تريكه فى الصاله وبيحضن بباه
بس ارجوكم متفهموش موقف عمو غلط
لان عمو كان بيزعقلو جدا لما بيكسر الطفايه
عشان عمو بيقرف لما يطفى ف الشاى , اصل عمو تنك
طنط ملهاش دعوه باى حاجه خالص هى بترغى وصوتها عالى زى ما قلتلكم
لحد ما تيجى لحظه حاسمه ,
لو عماد مقطعشى سلك التليفون الأرضى يعملو كرباج
لازم يرد ع التليفون , ودايما يقول ايه ..!
مين معايا .
وهو انت تعرفنى اصلا يا غتت عشان تسأل مين بيتصل
من كتر كلامهم عن زيارتهم وعن الى بيعملوه فينا بجد اتأكد ان الناس دى بتشتغل ضيوف
وان عمو ده هو المدير بتاعهم
وان عماد بيتمرن بجد عشان يطلع زى بباه
ضيف تقيــــل

ف نفس الوقت وهما ماشين
كنت ببصلهم وانا متأكد
ان الناس دى رايحين عند حد تانى

الى اللقاء فى زياره تانيه