فوز مبارك

[♥ρėŧŧу ςαŧ♥]

الــــــف مبـــــــروك يا مبــارك


المشــير خدلك بتــــــارك


قوم افــــــرح و طفـــــي نارك


اغسل بدم مصـــر عارك


واحنا الشعب الاهبل ابو ريالة


ضحكت علينا بتنحي و استقالة


وقولتلنا هتاكلو من بعدي زبالة


وعملت عيان و بتموت على نقالة


قوم افرح و زقطط ده النهارده عيد


و فرح جمال و علاء و بتاع الحديد


قولهم المشير ولع فى بور سعيد


و قالك الشعب و الجيش ايد ف ايد


المجلس و الداخلية ماشين عالخطة تمام


هما يغلوشو وهو ينهب كمان يا سلام


نشغلهم فى ماتش كوره و نولع شوية الاعلام


و يا سيدي ثورة و مالة اهو كله كلام فى كلام


و يجي يقول : ما هو انتو يا ولادي اللي خايبين


منا قلت يا انا يا الفوضي يا شحاتين


و ان روحت انا سايبلكو شوية محرومين


ينهشو فيكو و يدبحو فيكو بسكاكين


طيب ماشى يا نصاب

و حياة دم اخويا لاقلبها عليك خراب


و هعرفك ان مصر مش شوية تراب


وان سألو مبارك فين هنقول طار الغراب

[لو اننا لم نفترق]

علا
جميلة بجد وفعلا المجلس خرابها خلاص
بجد دم الناس الى ماتت دة فى راقبته
حسبى الله ونعمة الوكيل في اى حد كان ليه يد فى الى حصل
تسلمى يا قمر