يا عم خف بقي !

**واحدة من الناس** · 06-11-2010, 10:45 PM

ياعم خف بقي كدة مش جنتلة
هو انت غاوي وجع قلب وبهدلة

عيب عليك دا احنا بتوع زمـــــان
ولا هتنكر ؟.. ما تنكر دي كمان

الحب خنقني واستمراري كدة مهزلة
دوختني دوخة الغسيل في المغسلة
تقلك بقي ارخم من صوت الكنســـلة

مش مصدقني طب شهد الناس دوول
قولهم بتقل عليها ومدوخها علي طول

وابقي محقوقالك لو قالولك دي اصول
تكونش يا عم انت بقيت مشغول
ولا عاملي فيها عـــم المسؤال
يا ابني علي مين اطلع من دووول

كفاية بقي وخف وخليك خفيف
مـــش عليا حركـــاتك ياظريف

د احنا برضه ،،، احنا
عمرنا معاك ما ارتاحنا
ولا حتي هدينا وفرحنا

علي ايه شارينك مش عــــارفة
غلب وغلبتنا وقلوبنا منك خايفة
وانا ساكتة وصابرة وبعيني شايفة

تلعب هنا وهناك.... ومقضيها حركــات
يااخي اعقل بقي اللي قدك زمانه مات

مش تكبر بقي وتيجي تـــقول ســـماح
وانا اتلوي شوية واشغل اسطوانة جراح
والدمعتين ينزلوا ومعاهم اغنية ســـواح

هسيبك كدة ولا اضيع عليك شبابي
ما انت ياما بعدت ودفعت انا حسابي
وترجع واســــمع دقاتـــك علي بابي

بعيد يا غالي خليك
مسيري بكرة هفرح فيك

ــــــــــــــــــ

**جمال المصري** · 06-11-2010, 11:08 PM

هو مين بس اللي يقدر يدوخ اغلي الناس

واللي يقدر يبقي معندوش احساس

معقول في قلب يجرح واحدة من الناس

كلماتك رائعه تغريد

تحياتي لكي ولقلمك .

**rwana** · 06-11-2010, 11:26 PM

الله عليكى يا تغريد
ديما كلماتك بسيطه ومعبرة
ربنا يفرحك
تسلم ايديكى

**♥ρėŧŧу ςαŧ♥** · 07-11-2010, 02:21 AM

حلوه اوىىىىىىىىىىىى

تسلمى يا تغريد

**زائر** · 07-11-2010, 04:41 AM

هههههههههههههههههههه
انا مع رأى جمال
حلوة يا تغريد

**نور الأمل** · 07-11-2010, 06:27 AM

هههههههههههههههههه جميلة والله يا تغريد
بس هو تقلان على ايه مفيش غيرو
عامل فيها الواد فلانتينو
ونصيحتي ليه عشان ميتكرهش
يبقى كووول وميتقلش

وسلااااااااامي

**واحدة من الناس** · 07-11-2010, 08:51 AM

المشاركة الأصلية كتبت بواسطة miss zinab

ههههههههههههههههههههههههههههههه

تحفة تحفة تحفة يا تغريد

ايه الجمال دا

رووووووووعة بجد و الله قووووووووووووووي

النوعية دي كترت قوي اللهم احفظنا

تسلملي ايديكي يارب يا حبي:sugarwarez-223::sugarwarez-223::sugarwarez-223::sugarwarez-223:

ههههههههههههه
الله يخليكي يا زينب يارب
منوراني دايما

**واحدة من الناس** · 07-11-2010, 08:52 AM

المشاركة الأصلية كتبت بواسطة جمال المصري

هو مين بس اللي يقدر يدوخ اغلي الناس

واللي يقدر يبقي معندوش احساس

معقول في قلب يجرح واحدة من الناس

كلماتك رائعه تغريد

تحياتي لكي ولقلمك .

ههههههههههههههه

لالا دة كتير عليا يا جمال قوي بقي

ربنا يخليك ويسعدك يارب
جابر بخاطري دايما

**واحدة من الناس** · 07-11-2010, 08:54 AM

المشاركة الأصلية كتبت بواسطة rwana

الله عليكى يا تغريد
ديما كلماتك بسيطه ومعبرة
ربنا يفرحك
تسلم ايديكى

وانتي دايما بتفرحني بردك الجميل
متحرمش منك ابدا

**واحدة من الناس** · 07-11-2010, 08:55 AM

المشاركة الأصلية كتبت بواسطة pretty ledia

حلوه اوىىىىىىىىىىىى

تسلمى يا تغريد

انتي الاحلي يا جميل
شكرا ياغالية

الموضوع: يا عم خف بقي !

أدوات الموضوع