.:: أبــواب وشــبابيك ::.

[Hayomty]

أصدقائى وصديقاتى

موضوعى بعنوان أبواب وشبابيك

ولكن أنا لا أقصد أنى أتكلم عن فن الديكور ولا الموضه فى أشكال الأبواب والشبابيك

لكن أقصد بموضوعى التصرفات الشخصيه

للبعض منا أو أكثرناااا

وذالك للوصول لهدف معين

أصدقائى وصديقاتى

فى عباره شهيره بنسمعها وبتتقال فى بعض كلامنا وهى

تعالى من الباب ومتجيش من الشباك

والمقصود بيها أنك توصل لهدفك بطريق مشروع

ومفيش أى داعى من الوصول لهدفك بالطرق الملتويه

من خلال تعاملتنا اليوميه سواء مع أسرتنا أو أصدقائنا أو زمايل الجامعه

أو الجيران أو أى تعامل مع الناس مجبرين عليه

بنقابل بعض التصرفات وأفعال

من بعض الناس للوصول لأهداف معينه

وهذه الأهداف ممكن ألوصول اليها من الباب أو الوصول اليها من الشباك

وفى الغالب الكثير يفضل الطرق الملتويه أو الشباك فى الوصول لهدفه

والنتيجه هى أهتزاز صورتك الشخصيه أمام الأخرين وفقد ثقتهم بك

فى موضوع خاص وعائلى لقيت نفسى فى موقف

فشلت فيه للوصول لهدفى بأستخدام الباب أى بالطرق المشروعة

ففكرت أنى أوصل لهدفى بأستخدام الشباك

وقلت أعمل أى حاجه المهم أوصل للهدف

وأعتبرت الموضوع عـــند أو تحدى

وقلت لنفسى أجرب

وبعد فتره وصلت لهدفى ولكنى لم أسعد بيه تماما

بل أصابنى أشد أنواع الضرر وهو الضرر النفسى لأنها لم تكن ابداا طريقتى فى الوصول الى أهدافى

أصدقائى وصديقاتى

أنا حكيت هذا الموقف وبدأت بنفسى وذلك لأبعد الشك

عن حضراتكم أنى أقصد شخص معين بموضوعى

ولكنى أرى أن البعض منا أو أكثرنا أستخدم الشباك

فى الوصول لهدف ما حتى ولو لمره واحده

أصدقائى وصديقاتى

الموضوع يفرض سؤالا لمن يحب أن يشاركنى الموضوع

أو يكتب وجه نظره الشخصيه

هل جربت مرة الوصول لهدفك من الشباك أى بالطرق الملتويه ؟؟؟

وما هى النتيجه ؟

أصداقائى الأعزاء

أنا لا أبحث عن تفاصيل بل أبحث عن نتائج

ولكن فى النهايه لابد أن نتفق على أن نطرق الأبواب ونغلق الشبابيك

وللموضوع بقيه أثناء المناقشه

أرق تحياتى

[♥ρėŧŧу ςαŧ♥]

عايزه الاول اقولك يا هيام
ان قسم المناقشات كان فى غفوه طويله و لم يصحو الا بمواضيعك الراقيه
ما شاء الله عليكى يا هيومتى

هل جربت مرة الوصول لهدفك من الشباك أى بالطرق الملتويه ؟؟؟

مره واحده كنت عايزه اتدرب فى بنك
قدمت مع صحابى فى بنوك كتير
ونملى الابلكيشن بس فى الاخر مبياخدوش حد غير بالواسطه لحد بجد ما زهقنا
حتى التقدير مش فارق معاهم
وانا كنت محتاجة شهادة التدريب جدا
كان عندى واسطه فى بنك ال CIB
و البنك الاهلى united
بس اخر حاجه لجأتلها هى انى استخدمها
فى الاخر لما كله اتقفل خالص استخدمتها
وبعدين نزلت التدريت
بصراحه مكنوش بيشغلونى عشان الواسطه كانت كبيره شويه
بس كنت بتضايق جداااااااااااااااااااا لان المفروض فيه مرتب فى الاخر هاخده
واجى اشتكى لبابا
و لما خلصت التدريت خالص جه وقت انى اخد المرتب ومعاه شهادة التدريب من البنك
مرضتش اخد الفلوس نهائى لانى مشتغلتش بيها اخدت الشهاده بس
وده لانى تعبت فى انى بروح كل يوم لمدة شهر والبنك كان بعيد عنى اوى

وما هى النتيجه ؟

وصلت لهدفى طبعا بس مفرحتش بيه

تسلم ايدك يا هيومتى يا قمر

[Hayomty]

عايزه الاول اقولك يا هيام
ان قسم المناقشات كان فى غفوه طويله و لم يصحو الا بمواضيعك الراقيه
ما شاء الله عليكى يا هيومتى

ميرسى يا لولو على كلامك كتير عليا والله
:*

هل جربت مرة الوصول لهدفك من الشباك أى بالطرق الملتويه ؟؟؟

مره واحده كنت عايزه اتدرب فى بنك
قدمت مع صحابى فى بنوك كتير
ونملى الابلكيشن بس فى الاخر مبياخدوش حد غير بالواسطه لحد بجد ما زهقنا
حتى التقدير مش فارق معاهم
وانا كنت محتاجة شهادة التدريب جدا
كان عندى واسطه فى بنك ال CIB
و البنك الاهلى united
بس اخر حاجه لجأتلها هى انى استخدمها
فى الاخر لما كله اتقفل خالص استخدمتها
وبعدين نزلت التدريت
بصراحه مكنوش بيشغلونى عشان الواسطه كانت كبيره شويه
بس كنت بتضايق جداااااااااااااااااااا لان المفروض فيه مرتب فى الاخر هاخده
واجى اشتكى لبابا
و لما خلصت التدريت خالص جه وقت انى اخد المرتب ومعاه شهادة التدريب من البنك
مرضتش اخد الفلوس نهائى لانى مشتغلتش بيها اخدت الشهاده بس
وده لانى تعبت فى انى بروح كل يوم لمدة شهر والبنك كان بعيد عنى اوى

انتى اعتبرتى ان الواسطة طريق من الطرق الملتويه للوصول لهدف زى ما زكرتى فى تجربتك !!

انا مختلفة يا لولو معاكى
الواسطة نعتبرها طريق ملتوى لو أنتى اخذتى فرصه من أحد هو عنده مهاره أعلى منك فى شىء معين ولكن انتى بالواسطة اخذتى منه فرصته
ولكن انا شايفة ان تجربتك مجرد تدريب يعنى فتره وهتعدى
فتجربتك متعتبرش طريق ملتوى بالمعنى اللى انا اقصده فى موضوعى
لكن انا اقصد فى موضوعى انك ممكن تلاقى بعض العقبات بتقف قدامك وبتفسد عليكى شىء مع انه حقك
وده بيخلينا نطر ان نسلك طريق ملتوى للوصول لحقنا

وما هى النتيجه ؟

وصلت لهدفى طبعا بس مفرحتش بيه

احنا كشباب اهدافنا كتير جدااا واهداف هى حق لنا ولكن للاسف فى بعض الاحيان بنجد ما يقف امام اهدافنا ويفسدها علينا
وربما من يفسدون اهدافنا هم اعز الناس الينا ولكن لهم رأى اخر
وامام العجز فى اقناعهم ربما تلجأى الى طريق ملتوى بالرغم من انك بطالبى بحقك

تسلم ايدك يا هيومتى يا قمر

تسلمى يا لولو على ردك
نورتينى ياقمر :*