غـلـطـة قـلـبـى

**bedo_story** · 23-03-2012, 08:45 PM

معرفش انا ايه خلانى
مع نفسى افكر من تانى
هاقولك كلمة من الاخر
لو عامل ناسى ومش فاكر
انا قلبى مش حمل قسية
انا قلبى مش حمل جراح
شوف انت عملت ايه فيا
بعدك عنى خلانى ارتاح

كان غلطة قلبى انه هواك
كان ذنبه و فضل وياك
احساسى بظلمك خلانى
مع نفسى افكر من تانى
وانده لسنين كت فيتانى
من عمر و راااح

والله ما ها تلاقى فى عمرك
طيبة قلبى معاك وحنانى
مين قولى ها يتحمل جرحك
مين قولى ها يتحمل منك
تبعد عنه و ترجع تانى

والله ما ها تلاقى فى عمرك
طيبة قلبى معاك وحنانى
مين قولى ها يتحمل منك
تجرح قلبه و يرجع تانى

وانا كل ما اشوفك افكر
فى كلامك اللى كنت ليه بسهر
وكنت تقولى بعدى صعب تعيش
ادى عمرى معاك و ادى سنينى
واوعدنى فى حضنك خلاينى و متسبنيش

الفرق اللى ما بينى وبينك
ان انا عشت سنينى سنينك
ومفكرتش ابيع وانساك

الفرق اللى ما بينى وبنيك
مقدرش اشوف دمع فى عينك
ولا اضيع عمرك وسنينك
وليالى هواك

والله ما ها تلاقى فى عمرك
طيبة قلبى معاك وحنانى
مين قولى ها يتحمل منك
تجرح قلبه و يرجع تانى

بقلم : عبدالله سيد

برجاء عدم النقل و الاقتباس دون ذكر المصدر واسم الشاعر .. للمصداقية والحقوق الفكرية

**rwana** · 23-03-2012, 08:53 PM

فظيعه يا عبدالله
زى متعودنا منك على الكلمات الرائعه
دام تميزك
تسلم ايدك

**bedo_story** · 23-03-2012, 08:55 PM

للاسف انا مش عبدالله .. عبدالله كان عمل عملية امبارح انا كريم ادمين البيدج بتاعه على الفيس ووالاب توب بتاعه لقيت متسجل عليه الاسم والباسورد بتاع المنتدى ده وراوبط كتيرة من اللى بيكتبها
https://www.facebook.com/#!/Bedomusic