قصيدة فضح اسرار ل عبدالله سيد

**bedo_story** · 25-03-2012, 09:35 PM

قصيدة : فضح اسرار
للشاعر : عبدالله سيد

بلدى بتنهار الحقوها
يا ولاد بلدى انجدوها
مجلس كداب
ودبابير لكلاب بيخربوها
بلدى بتنهار الحقوها

الشعب اهو ثار
من فقر وظلم الكبار
الشعب اهو فاق
وشبع كدب ونفاق

لسه تانى ناوين تخربوها
ناوين بادارة عبثية تخربوها
يا مجلس يا عسكرى
انت و السكرى
واحمد شفيق
وعمر سليمان المفترى
وعمرى موسى العنترى
بتقلعو البلد ليه تانى
بتبرد وبتقولو ليها اقلعى
فضايحكم وعيوبكم
بتبان يا خسارة
يا خسارة بردعى

انا بأيد ابو اسماعيل
مش ظلم ولا تضليل
بالعكس ده ايمان
بان اسلامنا جميل
لا كدب ولا نفاق
لا ظلم ولا رياء

بلدى بتنهار
والشعب بيختار
والباقى زور فى نهار

يا انتخابات رئاسيية
مرشحينك حرامية
تزوير فى ميتين
عشرات لا بالمية

يا عينى عليكى بلد
شعب من ثورة اتولد
وفضيحة نظامك
عار ملازمك للابد
دبورة ونسر
وبدلة ظابط
بياسر ولادك اسر

يا عينى عليكى يا بلد
مستحملة ولسه مكملة
رغم الضغوط رغم الالم
رافعة علمك اللى اتظلم
لولادك يا بلدى مسلمة

اه يا بلد

بقلم : عبدالله سيد

**BECKHAM** · 25-03-2012, 09:43 PM

تسلم ولو انى مش مؤيد لابو اسماعيل بس مفيش مشاكل الديمقراطية حلوة

**bedo_story** · 25-03-2012, 11:14 PM

يا حبيب قلبى تسلملى
[س مش تاييد والله انا واحد من الناس بحترم د / ابو الفتوح جدا
بس من اللى بشوفه ده قولت تبق اسلامية بشرع الله احسن
من الفتن و اللى بيحصل
وا تزعل ها اعدلها واكتب ابو الفتوح معاهم

**BECKHAM** · 25-03-2012, 11:31 PM

هههههههههههه تسلملى ياريس , انا مقتنع د/ ابو الفتوح وهنتخبه ان شاء الله

ولكن اللى حاصل فى البلد ان الاخوان المسلمين بقوا الحزب الوطنى وانا افضل دولة مدنية بمرجعية اسلامية واساس الدنيا الاختيار

متقومش ثورة عشان تقضى على فساد نطلع فساد اكبر منه باسم الاسلام

وده اللى بيتم ف الدستور حاليا

ربنا يعديها على خير

والف سلامة عليك يابطل