عيد ميلاد خطيبى ..!!!

**FayRouZ** · 13-11-2010, 01:30 PM

... بسم الله الرحمن الرحيم ...

ازيكوا يا قمرات اخباركوا ايه
يارب تكونوا بخير يارب
وكل سنه وانتوا طيبين

انا كنت فى عيد ميلاد خطيبى عملتله تورته
وكانت جميله اوووووووووى فى الطعم بصراحة
والشكل بقى هسيبكوا انتو اللى تحكموا

يلا نبدأ : ..

اول حاجة المقادير :

انا اشتريت من محل بتاع مستحضرات حلويات :

علبه كيك تورته بالشيكولاته جاهزة بـ 7 جنيه
مش بتحطى عليها الا 6 بيضات بس قولى بــ 5 جنيه تقريبا
واشتريت شيكولاته خام بــ 3 جنيه
وكريم شانيته بــ 3 جنيه
وفارمرسيه بتاع ملون كدا بيتزوق بيه بــ 1 جنيه
و كريـــز بـــ 2 جنيه كفايه اوى

واشتريت من المحمصه :
بــ 50 قرش فول بالشيكولاته
زى الفول السودانى كدا بس متغلف شيكولاته
هاتى بـ 50 قرش كفايه اوى لانها لما تجهز بتبقى كتير

المهم الطريقة بقى ركزى معايا :-

هتجيبى العلبه وتعمليها بالطريقة اللى عليها بالظبط
هيا تقريبا كانت تضربى البودرة اللى فيها مع الـ 6 بيضات وكبايه لبن
بـــــــــــــــــس وكدا الكيك بتاع التورته بيكون جاهز

تكون انتى مسخنه الفرن من قبلها
وتدخليها الفرن ومتفتحيش عليها الا بعد فتره حوالى نص ساعه
وتختبرى الكيك بالسكينه لو لقيتى السكينه عليها عجين يبقى لسه
تسيبيها شوية كمان
لو لقيتيها نضيفه يبقى كدا بقت ميه ميه
تطلعيها وتسيبيها تبرد براحتها
كدا الكيك معاكى تمام
على فكره لونه غامق لانو كيك شيكولاته

وهيطلع معاكى بالشكل ده

نيجى بقى للتزيين :-

بعد ما الكيك يبرد بقى هاتى سكينه
واقسمى الكيك بالنص بس مش تعمليها نص دايره
لالالالالالالالالالالا تقطعيها من الجنب
يبقى معاكى شريحتين مدورين كدا تمام
بحب التفاصيل انا ههههههههههههههه

تكونى بقى جيبتى الكريم شانتيه وتحطية فى طبق غويط
وتضربيه مع كوب لبن مثلج
وتضربى كتيييييييييييير لحد ما يبقى تخين ويملى الطبق كدا
ويقولك خلاص حرمـــــــــــــــــــت هههههههههههههههههه
كــــــــــــدا :

وتجيبى برضو مكعب الشيكولاته اللى اشتريتيه
وابشرية كدا بالمبشرة زى ما بتعملى البصل
هيبقى كدا

وتروحى تسيحيه على حمام ماية مع معلقه لبن
او معلقتين

وتجيبى الفول بالشيكولاته وتعمليه فى المفرمة يبقى بودرة كدا زى الكاكاو شوية
كـــــــــدا

والفارمرسية معاكى جاهز وتمام هو والكريز اقطعى كل واحد بالنص

كدا معاكى حاجات التزيين كلها تمام

اولا بقى : بعد ما قسمتى الكيك هتدهني الجزء اللى تحت بالكريم شانتيه
وبعدين تحطى فوقيه الجزء اللى فوق من الكيك ده الحشو يعنى

وبعدين تدهنى النص الاول من الكيك بالكريم شانتيه ومن الجنب برضو
نص الكيك بـــــــــــــــــــــــــــــــس

ونفس النظام فى النص التانى بس بالشيكولاته اللى سيحتيها ومن الجنب برضو

هيبقى كـــدا

بعد كدا هتيجى اتجاه الجنب بقى اللى بالشيكولاته
وتجيبى الفارمرسية الالوان ده
وتلزقيه ع الجنب تغطى كل الجنب الشيكولاته يعنى

والجنب التانى الكريم شانتيه تحطى عليه الفول اللى فرمتيه

هيبقى شكلها كدا

بعد كدا هتجيبى كيس حلوانى بتاع الوردات اللى بتتعمل بالكريم شانتيه ده
ولو مش عندك استخمى كيس واخرميه او بتاع السبوع
بس انا اشتغلت بكيس الحلوانى

وهتعملى على الطروف من فوق كلها وردات بس مش تلزقيهم فى بعض

كـــــــــدا

بعد كدا هتعملى الخط الفاصل بين الشيكولاته والكريم شانتيه وردات برضو
وتحطى بين كل وردة والتانية كريــــــــــز

بعد ما تخلصى كدا انا كتبت على الجزء اللى بالكريم شانتية حرف " A "
عشان خطيبى اسمه احمد كتبتها بالفول بالشيكولاته اللى اتبقى من اللى عملته ع الجنب
وعملتها بايدى كدا مش بحاجة

والجزء التانى كتبت بالفارمرسية اللى اتبقى برضو كلمه " بحبك " :d

وبكدا خلصت التورته الحمدلله
وده شكلها النهائى :

وعملت معاها بقى اختراع كدا
جبت بسكوت مارى بتاع الشاى العادى ده
وجبت صوص الشيكولاته اللى اتبقى
ودهنتها ولزقت كل اتنين فى بعض وبعدين دهنتهم من بره
وجبت فول سودانى عادى وفرمته ورشيتة عليهم
وده شكله :

وكنت عامله جيلى فراوله كمان وعصير تمر هندى
بـــــــــــــــــــــس

ودى الهدية :

يلا يا جماعه قولوا رأيكو بقى لانى والله تعبت فى الموضوع ده اووووووووووووى
على ما كتبته وحملت الصور ... وعلى فكره كل ده عملته فى فتره صغيره
هيا الخطوات ممكن تفكروا كتير وكدا بس مش بتاخد حاجة والله
يلا بقى هستنى رأيكو

**ملكه الاحزان** · 13-11-2010, 03:46 PM

تسلمى يا قمر بجد شرحك تحفة وان شاء الله هجرب اعملها

**♥ρėŧŧу ςαŧ♥** · 13-11-2010, 04:56 PM

رووووووووووووووووووووعه يا فيروز

ايه المواهب دى يا حبى

ههههههههههههههههههه

هجربها ان شاء الله تسلم ايدك يا قمر

**7ATEM** · 13-11-2010, 04:59 PM

بسم الله ما شاء الله
يا بخــــــــــــــــــــته

بألف هنا وشفا يارب
ربنا يهنيكو ببعض ويتمملكو على كل خير باذن الله

بجد شكلها النهائى جميل جدا
تسلم ايدك

ممكن حتة صغنونة بقى ولا ملناش نصيب :">

**واحدة من الناس** · 13-11-2010, 05:08 PM

علي يدي
ههههههههههه

طبعا انا راي هيكون اهم لاني دوقتها بنفسي

ههههههههههههههه
عشان كدة بقولك تسلم ايدك علي كل حاجة يا فيروز

وعقبال ما تعمليله تورتة احلي منها وانتوا في بيتكوا يااااااااااااااارب

عقبال تورتة الفرح يا جميل

**FayRouZ** · 13-11-2010, 06:04 PM

المشاركة الأصلية كتبت بواسطة gheghe

تسلمى يا قمر بجد شرحك تحفة وان شاء الله هجرب اعملها

الله يخليكي يا حبيبتى
وان شاء الله تطلع معاكى اجمل من دى

**FayRouZ** · 13-11-2010, 06:06 PM

المشاركة الأصلية كتبت بواسطة pretty ledia

رووووووووووووووووووووعه يا فيروز

ايه المواهب دى يا حبى

ههههههههههههههههههه

هجربها ان شاء الله تسلم ايدك يا قمر

هههههههههههههههههههههههههه
يارب تكون عجبتك بجد
وابىقى اعمليها وفرجينا بقى

**FayRouZ** · 13-11-2010, 06:09 PM

المشاركة الأصلية كتبت بواسطة the legend

بسم الله ما شاء الله
يا بخــــــــــــــــــــته

بألف هنا وشفا يارب
ربنا يهنيكو ببعض ويتمملكو على كل خير باذن الله

بجد شكلها النهائى جميل جدا
تسلم ايدك

ممكن حتة صغنونة بقى ولا ملناش نصيب :">

ههههههههههههههههههههههههه
خدها كلها متغلاش عليك والله
ده كفاية التعليق اللى زى العسل ده

تسلم يارب

**FayRouZ** · 13-11-2010, 06:12 PM

المشاركة الأصلية كتبت بواسطة واحدة من الناس

علي يدي
ههههههههههه

طبعا انا راي هيكون اهم لاني دوقتها بنفسي

ههههههههههههههه
عشان كدة بقولك تسلم ايدك علي كل حاجة يا فيروز

وعقبال ما تعمليله تورتة احلي منها وانتوا في بيتكوا يااااااااااااااارب

عقبال تورتة الفرح يا جميل

ههههههههههههههههههههههه
صح يا تغريد
مش بزمتك كانت حلوة يا اختى

ربنا يخليكى ياتغريد يارب ويجبر بخاطرك
هههههههههههههههههه

تسلمى

**FayRouZ** · 14-11-2010, 08:36 AM

اية يا جماعه هيا وحشة اوى كدا ؟؟

الموضوع: عيد ميلاد خطيبى ..!!!

أدوات الموضوع