بتحبك حس بيها وحبها

[bedo_story]

قصيدة : بتحبك حس بيها وحبها
بقلم : عبدالله سيد

جرحتها و بعدت عنها وسيبتها
ضيعتها بعد ما كنت فى حضنها
طب هاعمل ايه
صعبتها على قلبى بعد ما سيبتها
وراجعلها فاكر انى وحشتها
طب راجع ليه
وبعد ايه بتقول بتحبها
يا قلبى ما انت اللى جرحتها
صبرت عليك وسيبتها
بتلومنى ليه
عيبك يا قلبى وقتها
ان انت مكنتش بتحبها
صاحبت عينيها وشوفتها
وحبت هى هواك
ما كنت تحس وقتها
بقلب اشتراك واتمناك
مش زى غيره اللى رماك
يا قلبى روح قولها
بتحبك حس بيها وحبها
مكنتش تسيب حضنها

بقلم / عبدالله سيد

[♥ρėŧŧу ςαŧ♥]

جميلة اوى اوى يا عبد الله
تسلم ايدك على الكلمات الجميلة
دام تميزك

[bedo_story]

ربنا يخليكى يارب و ديما منورانى
بس قوليلى حاجة حلوة اكتبها
غشيشينى بيقى

[♥ρėŧŧу ςαŧ♥]

ياريت بعرف اكتب شعر
حاولت ومعرفتش
وبعدين انت مش محتاج حد يغششك ما شاء الله عليك

[bedo_story]

على فكرة مش محتاجة معرفة
والشعر مش محتاج وزن وقافية
بالعكس اكتبى بس المهم تطلعى اللى جواكى
احسن ما تفضلى ساكتة ومخنوقة
ساعات الورقة والقلم بيشيلو حمل جبال من على قلب البنى ادم مننا
وبعدين مشاء الله عاليا ليه انا بكتب اللى بحسه وبشوفه وفى احسن منى بس كل واحد له اسلوبه
يارب بس كلماتى تكون بتعجبك

[♥ρėŧŧу ςαŧ♥]

اكيد عجبتنى
وبعدين عندك حق الورقة والقلم بيطلعوا كتير اوى خصوصا وقت الخنقه
هحاول اعمل بنصيحتك

[rwana]

زى معودتنا يا عبدالله كلمات رائعه
تسلم ايدك