أشهر جمل بيقولوها الأب و الأم في مصر

**حامل المسك** · 18-11-2010, 04:03 AM

أشهر جمل بيقولوها الأب و الأم في مصر

* ابوك دايما كان بيطلع الاول على الفصل .
* والله ما انت فالح .. وادي دقني أهه .
* هو طول النهار قدام الزفت الكمبيوتر مش ممكن كده .
* ما تلزقش في التلفزيون كده .. نظرك هيضيع .
* يا ابني محدش هينفعك .
* قصة الغريق الكاذب اللي كل مره يقول الحقوني ... لحد
ما غرق بجد .
* ربنا يرزقك بعيل يوريك اللي ورتهوني .
* امشى جاتك مشش فى ركبك.
* ما تطلعش على الملايه النظيفه و رجليك متوسخه كده .
*أوعا حد يضحك عليك ويقولك جرب السيجارة دي.
* ايه الا مبالاه و الاستهتار اللي انت عايش فيهم دول .
* قوم اقرا لك كلمتين ينفعوك .
* وطي المدعوق ده شويه .
* انت فاكرنا نايمين على ودانا ؟
* ما تلبسش القميص على اللحم زي العيال الصايعه .
* بلاش أكل بره .
*ياريتك تحفظ دروسك زى مانت حافظ الاغانى.
* عيـــب ... لازم تحترم اللي أكبر منك .
* لو شفت خناقه ما لكش دعوة بيها .
* لازم تأكل سلطه .
* اوعى تكدب عليا كده تاني مرره .
* اوعى حد غريب يديلك حاجه تاكلها و تشربها و تاخدها منه .
* يا ابني حرام عليك الى بتعمله فينا ده.
* بلاش لعب في الشارع .
* ما تعليش صوتك .
* وانت فاكر احنا مستنيين منك حاجه .
* المسلسل مش هينفعك ...قوم .
* ما تقعدش قدام المروحه وانت مستحمي .
* كفايه رغي في التليفونات .
* بلاش وقفة الشبابيك و البلكونات .
* كل على مهلك .. وامضغ كويس ... وما تكلش وانت واقف .. وكل من قدامك ما تحفش .
* اطفي التلفزيون وقوم ذاكر . أو اطفي التلفزيون و خش اوضتك .
* ربنا يهديك ربنا يهديك ... وأحيانا .. انك لا تهدي من أحببت .
* صليت العصر ؟!
* ما تمشيش حافي في السقعة دي
* ما فيش مذاكرة على المزيكا وازاى.. بتذاكر و البتاع ده شغال جنبك .
* افرد ظهرك .
* ماتكلش فى ضوفرك.
* كنت فين لحد دلوقتى يا صايع.
* انا مش عارف انته طالع لمين.
* ما تتأخرش بعد المدرسه و تقعد تصيع مع أصحابك .
* بص كويس و انت بتعدي الشارع .
* ومالها الكتب بتاعة الوزاره ؟!
* اللي بيشيل قربه مخرومة بتخر عليه لوحده ..
* لو مش فاهم حاجه ارفع ايدك و قول للأستاذ مش فاهم .. متتكسفش .
* يأبنى المذاكره مابتخلص .
* ما تردش عليا .
* مش عايز اسمع صوت

بس الحق يتقال لو الواحد كان سمع الكلام كان نفع بدل ماهو فااااااااااااااااااااااااااااشل كده

**نور الأمل** · 18-11-2010, 11:16 PM

خصوصا افرد ظهرك دي
ياماااااااااااااا ماما الله يرحمها كانت بتقولهالي

* وكمان كانت تقولي انتي تقضي طول اليوم تاكلي مفيش مذاكرة خالص
* ربنا يديني طولة العمر بس عشان اشوف عيالك يعملو فيا زي ما بتعملي فيا
* على فكرة انا بحوشلك وعلقتك قربت هههههههههههههههه
* زودي اكتر في الكلام زودني واقفي ناحري فيا كده لما في الاخر هاجيبك من شعرك هههههههههههه

فكرتني بحاجات كتيرة وفي اكتررررررررر كمان
شكرا ليك محمود

**حامل المسك** · 19-11-2010, 01:59 AM

شكرا لمروركم الرائع منورين التوبيك

**♥ρėŧŧу ςαŧ♥** · 19-11-2010, 12:08 PM

هههههههههههههههههههههه
تسلم يا محمود

**SeCяeT GίrŁ** · 19-11-2010, 06:15 PM

هههههههههه
هههههههههههههـ
حلوين اوى وبالذات افردى ظهرك
ياما بابا قالهالى ولسة بيقولهالى ..
تسلم يا محمود ,,

**زائر** · 22-11-2010, 05:06 PM

تسلم ايدك يا معلم

**FayRouZ** · 26-11-2010, 09:39 AM

هههههههههههههههههههههههه
والله ضحكتنى ع الصبح
فعلا كتير منهم بيتقال
وبتاعت لازم تاكلى سلطه دى
وقصه الكذاب دى صحيح اشمعنى دى
ههههههههههههههههههههههههههه

**HEARTS BLOODS** · 06-01-2011, 11:30 AM

ههههههههههههههههههههـ,,
دول شكلهم مكررين بقه في كل بيت,,
تسلم ايديك,,

**Bℓạ๔қ** · 06-01-2011, 12:16 PM

ههههههههههههههههههه
ههههههههههههههههههههههههههه
اه والله عندك حق
مشكور يا باشا

**راجية الجنه** · 06-01-2011, 02:04 PM

ههههههههههههههه بجد تحفه
انا بئا ماما ع طول تقولى برطمى برطمى لحد ما اجيبك من لسانك
نفسى تبطل تقولى كده وتسيبنى ابرطم برحتى الله منا لازم ابعبر عن رايى يا ناس
ووكله قوم ولما اشغل التى فى او الكمبيوتر وتى المحروق وتى ال يولع عشان ترتاحى
يا باااااااااااى انا تعبت من ماما دى بجد بس موت فيها ربنا يخليها لى يارب واجننها ع طوووووووووول

الموضوع: أشهر جمل بيقولوها الأب و الأم في مصر

أدوات الموضوع