يلا نتعرف ع حجاب عضووووووة

[sm!ley]

مساء الخير ع احلي بنات
طبعا كل بنت فينا كانت شعرها جميل كده
كانت دايما تقول لا مش حتجب غير لما اخش الكلية
واللي تقول لا اتجوز واللي تقول لا اتحجب دلوقتي
انا بقي في موضوعي دهـ هـتعرف ع حجاب عضوة

ازاي قولتولي ازاي يعني هسأل حبة سؤالات كده عشان أعرف إتحجبت ازاي
إيه إستايل لبسها كدا يعني



امتى إتحجبتي وإزاي وإيـه اللي أقنعك ساعتها؟




إنتي إتحجبتي برضاكي ولا مامتكـ قالتلكـ لا إتحجبي بقى؟



أول ما إتحجبتي كان إيه شعوركـ وإنتي نازلة بيهـ؟





أول ما إتحجبتي غيرتي استايل لبسكـ ولا كان زي ما هو ولبستي الحجاب؟




صورة من إستايل لبسك نتفرج عليها؟



وأول عضوووووووة معانا

HEARTS BLOODS

[HEARTS BLOODS]

امتى إتحجبتي وإزاي وإيـه اللي أقعنك ساعتها؟

اتحجبت من وأنا في أولى اعدادي..




إنتي إتحجبتي برضاكي ولا مامتكـ قالتلكـ لا إتحجبي بقى؟
برضايا طبعاً ده فرض على كل بنت..



أول ما إتحجبتي كان إيه شعوركـ وإنتي نازلة بيهـ؟

كنت فرحانة وعايزة كل الناس يشوفوني بيه عشان كان عاجبني..





أول ما إتحجبتي غيرتي استايل لبسكـ ولا كان زي ما هو ولبستي الحجاب؟

في الأول زي ماهو ولبست الحجاب بس بعد كدة غيرته..


صورة من إستايل لبسك نتفرج عليها؟

توبيك جميل وميرسي يا قمر ع الاستضافة وأختــــار
Miss Zinab

[sm!ley]

ميـــرسي يــا قمـــر على قبولـكـ الدعــوة

نورتي التوبيــكــ

وفي إنتظــار:.

Miss Zinab

[SeCяeT GίrŁ]

جميلة اوى فكرة التوبيك
تسلم الايادى يا قمر
ومستنيين زينب ,,

[NOnY]

فكرة حلوة قووووووووووووووى

تسلمى يا قمر ^^"

ومستنين زينب

[نور الأمل]

حلو جدااااااااااا الموضوع ده
ومستنيين حبيبة قلبي زييييييييييينب
:*:*:*

[نور الأمل]

امتى إتحجبتي وإزاي وإيـه اللي أقنعك ساعتها؟
اتحجبت وانا في رابعة ابتدائي، كانت ظروف البلد كده في السعودية وكمان المدرسة كانت فرضت علينا كده
بس كنت باجي مصر اقلع الحجاب عادي
لكن يعتبر اتحجبت رسمي في مصر وانا في ثانية اعدادي
اللي اقنعني ماما الله يرحمها، عشان بابا كان فارضه عليا لان سني كان صغير لكن شكلي كان كبير فبابا كان دايما يقولي وانا في سادسة الاجازة الجاية هتتحجبي كنت بحس نفسي ارمي نفسي تحت القطر ومتحجبش
لكن لما كبرت وبقيت البس كده الطرحة بقيت مستنية امتى انزززززل مصر عشان اكون بالحجاب وكنت فرحانة قووووي




إنتي إتحجبتي برضاكي ولا مامتكـ قالتلكـ لا إتحجبي بقى؟
لا هو بابا كان فرض عليا ان بعد سنتين هتحجب
بس الاساس في الموضوع عمي دخلها في دماغه ههههههه


أول ما إتحجبتي كان إيه شعوركـ وإنتي نازلة بيهـ؟
فرحانة جدااااااااااااااااااااااااااااااااااااااااا
ده اول ما نزلنا بالعبارة ووصلنا نويبع بقيت كل شوية في كل استراحة انزل اغير الطرحة والبس تانية جديدة وكنت بنام بيها في الاوتيل في الاوضة مع ان محدش يشوفني طبعا ومش عايزة اقلعها ههههههههههههههه




أول ما إتحجبتي غيرتي استايل لبسكـ ولا كان زي ما هو ولبستي الحجاب؟
لالالا غيرت طبعاااا
لان الاول كان لبسي بنطلونات وجيبات قصيرة وحاجات كده، طفلة بقى في ابتدائي
لكن في اعدادي كان طبيعي اصلا هاشتري لبس جديد لاني كبرت وطولت
فكان اللبس بقى جيبات وفساتين وكده يعني



صورة من إستايل لبسك نتفرج عليها؟
جيبات زي كده


بس اغلب الجيبات عندي سادة

والبلايز عادية لكن مش بالبس الجيلات بتضايق منهم
من الاخر بحب اللبس الكلاسيك شوية
وبالبس كاجوال
بصو انا هصور الدولاب واختارو هههههههههههههه بالبس كله وبلف كل انواع الطرح معادا الاسبانيش وكمان تونيكات بس المهم يكون طوله لحد الركبة وكمان تحت الركبة اقل من كده مينفعش مش ببين كتير من البنطلون

اختار بعدي
sm!ley

[sm!ley]

إيه التدبيسة دي عــ الصبح؟!!

ومن حفر حفرة لأخيه وقع فيها

زيي كدا

ـهههههههههههههههههههههههــ

[sm!ley]

امتى إتحجبتي وإزاي وإيـه اللي أقنعك ساعتها؟

أنا عايشة في السعودية وهناك بلبس طرحةونقاب بس كنت بقلعها في مصر

وبعدين وأنا في أولى إعدادي قلت زي ما بلبس في السعودية ألبس في مصر..

وكمان الحجاب فرض على كل بنت..




إنتي إتحجبتي برضاكي ولا مامتكـ قالتلكـ لا إتحجبي بقى؟

لا طبعاً برضايا..



أول ما إتحجبتي كان إيه شعوركـ وإنتي نازلة بيهـ؟

أول مرة ألبس فيها الطرحة قعدت ألفها 3 ساعات..

ولما نزلت الشارع حسيت ان كل الناس بتبص عليا بس طبعاً كنت مبسوطة..




أول ما إتحجبتي غيرتي استايل لبسكـ ولا كان زي ما هو ولبستي الحجاب؟

أيوة استايل لبسي اتغير بس مش كتير..




صورة من إستايل لبسك نتفرج عليها؟

وأختــار بعدي:.

حنين حنونه

[noorseen]

حلو اوى بجد فكرة التوبيك
اول مرة اشوفها
تسلمى يا جميل على الافكارررررررررررررر