انا يوم ما اموت.. راح اكون هناك
في مكان جميل
هواه على الورد يميل
يزهزه .. ينشر عبير
ع المحرومين ... على اللي عاش صابر سنين
جايز يكون
انا يوم ما اموت .. راح اكون هناك
مع اللي خاف يجرح ف يوم
مع قلب مبيعرفش لوم
مع اللي ملاقاش الأمان
رغم اللي كان
مرضيش يخون
انا يوم ما اموت .. راح اكون هناك
هكون معاك
اصلك كمان زي الملاك
يا قمر و طايف ف الزمان
نورك حنان
يهدي العيون
انا يوم ما اموت ... راح اكون أنا
هلاقي نفسي من جديد
و ارجع لعمر داب وحيد
و حلم كان قادر يطير
و خاف .. فعاش بين البشر
مسجون
من مواضيع alter.al7zen :
الذين يشاهدون الموضوع الآن: 1 (0 من الأعضاء و 1 زائر)
RSS RSS 2.0 XML MAP HTML |
مواقع النشر انشر موضوعك وهاتلو زوار