أم موسى لما عرفت أنها حامل تخيل معايا كدا
آه تفرح

و بعد كدا طيب لو طلع ولد؟؟
فرعون هيقتله

هيقتلوا ابني يارب !!
يارب أنا عايزة بنت يارب مش عايزة ولد !!

في بطنها القائد المنتظر في بطنها مخلص الأمة ومنقذها ، في بطنها اللي هيوحد الأمة وهينقذ الأمة ويعيد الحق للأرض
وبتقول مش عايزة
ترتيب الملك تسع شهور كل يوم في عذاب وفي قلق :
يارب لو طلع ولد هيقتلوه يارب يارب لو طلع ولد هيقتلو ضنايا

فجأة المخاض يجي الولادة تيجي

(ولــــــــــــــــــــــــــــد)




تخيل بقه ربنا دلوقتي بيكلم واحدة ملهوفة على ابنها ضماه في صدرها ومرعوبة عليه

"وأوحينا إلى أم موسى أن أرضعيه"

(أرضعه يارب؟ أنا عايزة أخبيه الأول)

لأ لأ لأ رضعيه لحد ما يشبع خالص

"فإذا خفتِ عليه....."



لو خفت عليه أعمل ايه يارب؟

أخبيه في حضني أفتح قلبي وأحطه جواه

أعمل ايه يارب؟؟

"فإذا خفت عليه فألقيه"

ارميه ؟ ارميه فين ؟؟

ارميه في بيت تاني ؟؟

ارميه في بلد تانية ؟؟!!


أرميه في البحر !!!!

بس استني!!
أوعي تقلقي أوعي تخافي أوعي نبضات قلبك تسرع وأنتي رايحة ترميه أوعي تحزني أوعي تسهري باليل وتقولي ضنايه راح مني فين أوعي

أنتي مش هترميه في الميه أنتي هترميه في أيديه سبحانه!

أنا ال هاخده منك بأيديه وأنا ال هرجعه لك تاني

أوعي تقلقي لو شفتي التابوت بتاعه الموج بيرفعه وينزله أوعي تقلقي لو شفتي التابوت بتاعه رسي عند قصر فرعون أوعي تقلقي لو شفتي فرعون هو ال بياخده بأيده

أوعـــــــــــــــــــــي تقلقي

يااااااااااااااااااااااااااه

ده ربنا يا جماعة ذل فرعون بالحركة دي ذل!!

أنت يا فرعون باعت جنودك لموسى عشان يقتلوه لأ لأ لأ خد جنودك تاني
أمال ايه ؟؟
أنا ال بأيديه هحطه بأيدك يا فرعون
أنا ال هذلك هحطه في أيديك وأنت ال هتربيه بنفسك

يا الله

وربنا ذلل للأسباب كلها في الحركة دي

أما تتقفل من كل ناحية ليك ربنا ما تيأس


النـتـيجــــــة:-

·أم موسى رجع لها موسى

·ورضعته في قصر فرعون

·وخدت أجر من فرعون على رضاعته

فرعون بيدي لأم موسى فلوس عشان ترضع موسى
وبيدي لأم موسى أكل عشان تتقوى على رضاعة موسى ال هيطلع هلاك فرعون على أيديه

فلا نامت أعين الجهلاء بالله !

ولا نامت أعين المغرورين بالدنيا والأسباب عن قدرة وعظمة الله سبحانه وتعالى



حدث آخر...


الرسول عليه الصلاة والسلام قبل البعثة الصادق الأمين دخل .. الصادق الأمين خرج .. الصادق الأمين راح ..الصادق الأمين جه ..

وبعد البعثة سبحان الله ياجماعة ايه ال حصل؟؟ بقوا يسموه المفتري الكذاب الساحر دخل المفتري الكذاب الساحر خرج ..
وبعد كده يرموا عليه وهو ساجد أمعاء ناقة ويفضلوا يضحكوا وده يضرب كف بكف
وده يقعد يضحك ويشاور لزميله ، استهزاء وتمادي في الأستهزاء
يروح النبي الطائف يطردوه و يخلوا الأطفال يجروا وراه ويضربوا رجله بالحجارة ..

يقف النبي بين أيد ربنا سبحانه ويقوله:
" إلى من تكلني؟"
سايبني لمين يارب؟ .. الهي إلى من تكلني ..مليش غيرك .. إلى من تكلني .. على بابك يارب .. إلى من تكلني .. مين يجبر كسر قلبي غيرك يارب .. أنت رب المستضعفين وأنت ربي ..

المستضعفين ليهم مين غيرك
المساكين والحيارى ليهم مين غيرك
الأم اللي ابنها بيموت منها ليها مين غيرك
اللي جالوا سرطان له مين غيرك
اللي ضاقت في وجهه له مين غيرك


أنا عايزاك تقوم في الثلث الأخير وتقوله إلى من تكلني ؟؟
أنا عايزك تسجد وتقول له إلى من تكلني .. سايبني لمين يارب؟