بعشقك يا مصر

**alter.al7zen** · 29-09-2012, 08:14 PM

وبعشقها

وأقوم الصبح من بدرى

واروح واقف على بابها

والاقى دنيتى تضحك

اذا ما ينفتح بابها

وقلبى ينتفض منى

واملى اشوف لو تيابها

عاشقها وهى بدر بدور

لكن يا ماكتر احبابها

وخاف لو يوم تواعدنى

انام واقف على بابها

وبعشقها

وهى للعشق عنوان

وهى دنيتى وناسى

وهى الجنة والرضوان

وهى التاج على راسى

وابات ليلى كما الحيران

اعانى الوجد واٌٌقاسى

واقول يا دنيتى امتى؟؟

حيوصل ليها احساسى

انا يا دمعتى سهران

وبشرب من مرار كاسى

وبعشقها

وعشقى يا ناس مالوش اخر

وبعشقها وتظلمنى ولا اتاخر

وتندهلى اكون دايما انا الاول

وعمرى فى يوم ما اكون اخر

وبعشقها بلاد انور بلاد ناصر

عرفتم مين يا حسادى

اللى مالية القلب ع الاخر

ترابك كحلوا بة العين

وجوك ليل نهار ساحر

وبعشقها