رد مع اقتباستسلم ايدك يا حبى
انت خاطب .. وبتعزم خطيبتك برا ياعينى عليك تعالى اقولك تعمل ايه
لو فكرت بعد الشر تعزم خطيبتك على الغدا
انا عارفه دا طبعا علي حبة عينك
انك هتعزمها برة بس اهو للضرورة احكام بقي .........
بص يا سيدي انت لازم تعزمها في محل محترم
عشان البنات بتاخد بالها اوي من الموضوع ده
وعشان بعد كده لما تتخانقوا ان شاء الله
هتعيرك وتفضحك قدام اللي يسوا واللي ميسواش
وتقولك يابخيل يا ايحه عزمتني فين ؟ وجبتلي ايه ؟
وانت عارف الستات . ..
فمن الاخر كده وديها محل محترم متجبش لنفسك الكلام ...
ماااااااااااااشي
وانت ماشي معاها وداخلين المطعم متسحبهاش وراك زي المعزة التايهه
قولها اتفضلي ياحبيبتي ادخلي ياقمر كده يعني
بعد كده يا سيدي حرمها تشتري ساندوتش فول من برة بس
فوت العزومة دي عشان خاطري انا
اسألها بقي علي رأيها في المطعم
انا عارفه هتبصله بأرف كده وتقولك مش بطال
وهي هتلاقيها عمرها ما دخلت المطاعم ولا عتبت بابها .......
اول حاجة تسحب كرسي وتقعدها الاول
الاتيكيت بيقول كده متفضحناش تقول عليك مبتفهمش
مش رايحين نقعد في مترو امصدقت لاقيت كرسي فاضي
اول حاجة تسحب الكرسي وتقولها اتفضلي يا حبيبتي ...
بعد كده امسك المينيو وتقولها تاكلي ايه ؟
طبعا انت باصص في المنيو مش فاهم حاجة
لا لاقي محشي ولا ملوخية ولا حتي رز وبطاطس
فمن الاخر كده اللي هي تاخده خده انت كمان
متجبش لنفسك الكلام
انا عارفه هي اما تصدق وتطلب بقي وتستكشف هي كمان الاصناف دي
فانت خليك ناصح وربط مع الجارسون اي صنف يزيد علي 50 جنيه يقولها خلص
####
وانت ابقي شوفه بعدين دا الحل الوحيد امال هتقضيها يا باشا غسيل صحون !!!
الاكل جه ..... هتلاقي حاجات منتاش عارف بتتاكل منين ...ّّ!! ولا ازاي عاديها ولا يهمك
هتلاقي شوكة وسكينة اتصرف بيهم انا بقولك اتصرف مش اتخانق خلي بالك ...
الاكل كده يكون بشويش ومن غير صوت متفضحناش
انا عارفه هتلاقي العينات دول مش هيكفوك بس مسح زور بس دي حالة طارئة
مش عايزين ننشر غسيلنا الــ .....برة قدام الناس
هتقولي العيش دول جايبين بداله" قرص " ياسيدي اعتبر نفسك بتفطر بس
المهم خلصتو اكل .... قبل ماتفكر هي انها تطلب حاجة تاني ااعد كلمها واشغلها واتكلمو عن الحياة السعيييييييييييييييييدة اللي جاية ...
الحساب جه ... حطها في بطنك بقي وادفع من سكات
ومتنسااااااااااااااااااش تدي للجرسون بقشيش .....
هو الخراب مجاش علي البقشيش
توصل خطيبتك لحد البيت وبعد كده تليفون لمامتك
يا ماما حضري الغدا عقبال ماجي
هتقولك ياحبيبي انت مش هتتغدي برة انت وخطيبتك
هتقولها ايوة ياماما بس انتي عارفة اني مبعرفش اكل حاجة برة غير اكلك انتي ....!!!!
وأدي اخرة الجواز واللي عايز يتجوز
من مواضيع ayoun elkamr :
رد: انت خاطب .. وبتعزم خطيبتك برا ياعينى عليك تعالى اقولك تعمل ايه
تسلم ايدك يا حبى
من مواضيع ♥ρėŧŧу ςαŧ♥ :
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
| RSS RSS 2.0 XML MAP HTML |
مواقع النشر انشر موضوعك وهاتلو زوار