مرحبا بك فى منتديات ايجى ميزا هل هذه اول زيارة ؟!
النتائج 1 إلى 3 من 3

الموضوع: جحا

  1. #1
    جدع لسه طازة
    تاريخ التسجيل
    Sep 2012
    المشاركات
    85
    معدل تقييم المستوى
    12

    جحا

    ........جحا وحماره والناس
    ركب الحمار جحا
    ما عجبش الناس
    نزل وركب ابنه
    قالوا ما اترباش
    شالوا الحمار فوق دماغهم
    اتهموهم بالجنون الناس
    ..............................
    .......
    وحمار جحا كان فنان
    حكمته فاقت حكمة الانسان
    يفهم في الادب والطب كمان
    وكان شاعر رقيق حساس
    ..............................
    ...........
    وف ليلة خرج جحا وحمار
    عملوا ثورة توصل الليل بالنهار
    وصرخ جحا وقال النظام ينهار
    قال الحمار ياجحا ماتستغباش
    ..............................
    ............
    وعشان جحا طول عمره عبيط
    وحماره فاهم وواعي وغويط
    طلع الحمار م الميدان للغيط
    وفضل جحا ثائر ويا الناس
    ..............................
    .............
    مات جحا ف قلب الميدان
    وجحا تاني انجرح كمان
    وجحا تالت اتهان فيه الانسان
    وانفض المولد م الثوار والحراس
    ..............................
    ..............
    راح الحمار يدور علي صاحبه
    جريح ثورة والعز بقي صاحبه
    لقي جحا والهم كان ساحبه
    صرخ الحمار وقال الحقوا ياناس
    ..............................
    ................
    ده جحا المصاب والشهيد
    ازاي تعاملوه زي العبيد
    واللي قتله ياخد براءة أكيد
    انتوا ليه اتعدمتوا الاحساس
    ..............................
    ..................
    وبعد 100 يوم لسة جحا
    جراحه م الالم والحزن مفتحه
    وقام الحمار زعيق وشرشحه
    لا عبره جن ولا عبره انسان
    ..............................
    ..................
    رسم الحمار صورة جحا عالحيطان
    عملها ذكري لشهيد وجريح انسان
    وبعد ما خلص رسمه بحرفة فنان
    جه المحافظ ومحاها بحبة دهان
    ..............................
    ....................
    اعتصم الحمار عند صندوق الثورة
    قال جحا تعبان عديم المروة
    طلعت م الصندوق واحدة حلوة
    قالتله مصابين مين ياعم الحساس
    ..............................
    ....................
    مات جحا م الهم والاحزان
    مات جحا من كتر ما اتهان
    دفنه الحمار وقالله فاكر زمان
    لما قلتلك ياجحا ماتستغباش
    ..............................
    .....................
    وراح الحمار علي غيط البرسيم
    حمد وشكر ربه انه اتخلق بهيم
    وقال ازاي العقل للبني آدمين
    وهمة في الغباوة أساس


  2. #2
    كبار الشخصيات الصورة الرمزية ayoun elkamr
    تاريخ التسجيل
    Feb 2012
    العمر
    33
    المشاركات
    13,340
    معدل تقييم المستوى
    27

    افتراضي رد: جحا

    كلمات حلوة وبتوصف على اللى بيحصل فى البلد

  3. #3
    الصورة الرمزية ♥ρėŧŧу ςαŧ♥
    تاريخ التسجيل
    Oct 2010
    الدولة
    مدينة المستحيل
    المشاركات
    25,770
    معدل تقييم المستوى
    10

    افتراضي رد: جحا

    جميلة اوى
    تسلم ايدك


 

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

مواقع النشر انشر موضوعك وهاتلو زوار

مواقع النشر انشر موضوعك وهاتلو زوار

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
RSS RSS 2.0 XML MAP HTML
DMCA.com Protection Status جميع الحقوق ل رياض حسونة