حمام محشى بخليط الكبدة والأرز

[rwana]

المقادير:
زوج حمام
كوب كبير أزر مصري مغسول ومُصفّى
بصلة كبيرة مقطّعة قطع صغيرة جدا
ملعقة صغيرة فلفل أسود حب
2 معلقة كبيرة سمنة
عصير 3 ليمونات
2 فص حبهان
ورقة لاورا
ملح وفلفل
كوب دقيق
بهارات

طريقة التحضير:
1- اغسلي الحمام كويس من جوه ومن بره بالميه، وانقعيه لمدة ساعة في الدقيق وعصير الليمون.

2- بعد كده اشطفيه كويس جدا بالميه، واعملي فراغ بين الجلد واللحم بحرص شديد بحيث إن الجلد ما يتقطّعش منك.

3- تبّلي الحمام بالملح والفلفل من جوه وبره وبين الجلد واللحم ومنطقة الرقبة، وسيبيه لمدة نصف ساعة علشان يتبّل كويس.

4- وفي الفترة دي، ابدئي في تجهيز حشو الحمام؛ بإنك تقطّعي كبدة الحمام قطع صغيرة جدا، وتخلطيها مع البصلة وتضيفي عليهم بهارات اللحمة والملح والفلفل وملعقة السمنة وتقلّبيهم كلهم مع بعض كويس.

5- شوّحي خليط الكبدة والبصل على النار لمدة 10 دقايق مع التقليب المستمر، وبعد كده ضيفي عليه الرز، وقلبيهم كلهم مع بعض لمدة 10 دقايق كمان، وبعد كده ضيفي عليهم الميه، وسيبيهم على النار لغاية ما الميه تغلي، وبعد كده هدّي النار، وسيبيه لمدة ربع ساعة علشان الرز يتشرّب ويستوي.

6- بعد كده، ابدئي في حشو الحمام بخليط الرز اللي عندك، وخدي بالك إنك تحشي قلب الحمام، وبين الجلد واللحم ومنطقة الرقبة واغلقيه بخلة الأسنان .

7- اسلقي الحمام بعد ما تحشيه في ميه مغلية مضاف لها ورق اللاورا والحبهان وحبوب الفلفل الأسود والملح والفلفل وبهارات اللحمة.

8- سيبي الحمام على النار لمدة 20 دقيقة أو لغاية ما تلاقيه استوى، وبعد كده شيليه وحطّيه في مصفاة ورشّي عليه شوية فلفل أسود.

9- حمّري الحمام في السمنة والزيت، وبعد كده ارفعيه على مناديل ورق علشان تتشرّب الزيت، وبعدين حطّيه في طبق التقديم..

[♥ρėŧŧу ςαŧ♥]

تسلم ايدك يا رونى