سحر اللبس والموضة

[ayoun elkamr]

ونكلم ف سحر جديد .. سحر اللبس والموضة .. وخصوصا للبنات

" لا يدخل الجنّة من كان في قلبه مثقال ذرّة من كبر، قال رجل: إنّ الرجل يحبّ أن يكون ثوبه حسناً ونعله حسنة، فقال صلّ الله عليه وآله: إنّ الله جميل يحب الجمال "

" تعس عبد القميصة وعبد القطيفة " ( أنواع ملابس )
المسحورة بلبس الثياب متجملة بالشكل والصورة على حساب ستر العورة !

* علامات سحر الموضة

1- تشعر بالتقصير عند عدم اتباع الموضة
يعنى لو حد أمرك بحاجة ( لبس الموضة الحرام شرعا ) وإنتى قولتى حاضر !

اعرفى إن اتباعك له سحر

2- بذل المجهود لإدراك الصف الأول مش فى الصلاة .. ف الموضة !

3- لما السحر يتغلغل ، تبدأ تدور ع الناس اللى بتقول الحجاب مش فرض وتنشر أفكارهم



وتبدأ تقارن نفسها بالأقل لبسا ( الأقل حشمة ) .. دا بالضبط سحر اللبس عند البنات

* وقصتنا النهاردة بنوتة ف ثانوية عامة .. بتقول كنت بحب اللبسأوى وكنت بطلة الموضة بين اصاحبى .. حضرت درس دينى غير حيآتى تماما وحبيت كل حاجة تقربنى لربنا وبعد 3 شهور لبست الحجاب وحسيت إنى ملكة باحتشامى ! وشيلت اللبس اللى مش كويس فوق الدولاب ومعاه صورى وأنا بملابس تغضب ربنا ، ودخلت الجامعة وأنا محجبة وكنت فرحانة إن ربنا حفظنى من مناظر البنات ف الجامعة ولبسهم ، وف يوم صاحبتى بعتت ليا ع الميل صورى القديمة وأنا باللبس اللى مش بيرضى ربنا فبصيت ف الصور ولقيت نفسى اتغيرت كتير ولقيتنى كنت حلوة من غير الحجاب .. و بدأت ألبس الحجاب بس مش ع لبس واسع .. ولقيت ف الجامعة نظرات انبهار وإعجاب من البنات اللى مش محجبة .. ونظرات حزن من البنات المحجبة .. وبعدين بقى بنطلون وبدى والطرحة عمالة تقصر تقصر تقصر لحد ما انقرضت .. وف يوم كنت ف مصيف وكان الجو حر أوووى فخلعت الحجاب وروحت بنت مش محجبة !

دى قصة البنت المسحورة بسحر اللبس ع حساب ستر العورة
بس طبعا باب ربنا مفتوح " ومن يعمل سوءا أو يظلم نفسه ثم يستغفر الله يجد الله غفورا رحيما "

* عواقب سحر الموضة

1- تجد الفتاة ثقل فى ميزان السيئات :

يعنى كام شاب شافك وإنتى باللبس ده؟!

كام شاب شافك وأعجب بيكى وبجمالك وبسببك ارتكب معصية ؟!

وربنا أمرك بالستر .. وأمر برضو الشباب بغض البصر

2- التعرض لكشف ستر الله :

فاكرين دعاء " اللهم استرنا فوق الأرض وتحت الأرض ويوم العرض عليك "

إنتى بقى بأعمالك هيختفى ستر ربنا عليكى !

* تخيلى كدة معاى الرسول جه وقالك إن المرأة إذا بلغت المحيض لا يصلح أن يرى منها سوى هذا وهذا وأشار إلى الوجه والكفين

وجه تانى يوم ولقاكى زى ما إنتى ع حالك .. يا ترى هيكون موقفه إيه منك ؟

إنتى نفسك الرسول يعرض عنك وجهه و لا يسقيكى من يده الشريفة ؟؟!

* علاج السحر

1- مش هقولك اتحجبى أو احتشمى .. لإنك أكيد فهمتى ربنا عايز منك إيه
هقولك حاجة واحدة بس " واتقوا يوما ترجعون فيه إلى الله ثم توفى كل نفس ما كسبت وهم لا يظلمون "

* يلا نحلم نكون زى أمنا عائشة
كان فى حجرتها قبر الرسول ( زوجها ) وأبو بكر ( أبوها ) فلما دفن عمر بجوارهما قالت " كنت أشد على ثيابى حياءا من الميت عمر "

يلا نكون زى نساء الأنصار .. أول ما نزلت آية الحجاب شققن ملابسهن نصفين
واحد غطوا بيه جسمهم وواحد غطوا بيه شعرهم ووجوهم

[♥ρėŧŧу ςαŧ♥]

بصراحه عند أغلب البنات
ربنا يهدينا و يهدى جميع بنات المسلمين
جزاكى الهل كل خير يا حبى