قصيدة هشام الجخ أنا اخوان - قصيدة انا اخوان لهشام الجخ - قصيدة هشام الجخ الجديدة انا اخوان 2013

قصيدة هشام الجخ أنا اخوان - قصيدة انا اخوان لهشام الجخ - قصيدة هشام الجخ الجديدة انا اخوان 2013

قصيدة هشام الجخ أنا اخوان - قصيدة انا اخوان لهشام الجخ - قصيدة هشام الجخ الجديدة انا اخوان 2013



انا اخوان وكل المسلمين اخوان

فمتصنفش اسلامي علي كيفك

حقيقتي اقوي من زيفك

وصابعي لوحده بكفوفك

ولاتهزش قصاد خوفك

يا خوف يا جبان انا اخوان

بطيع الله فى ملكوته

وبدعي يزيدني من فضله ومن قوته

واصلي واصوم

و اجاهد نفسي واصبر عالبلا واحمد وحمدي يدوم

لانة الرازق الوهاب وهو مسبب الاسباب

فليه الفضل والمنة وليه الطاعة

فمتبصش لديني نظرة طماعة

انا ديني لا هو سلعة ولا بضاعة

ولا ليه سوق

لا انا بايع ولا شاري

ايماني هو راسمالي

فاصحي وفوق

منيش اخوان علي نهجك

فلم من الدروب همجك

كفاية شقوق

مش انت لوحدك الاخوان

انا اخوان بحق الله وبالسنة وبالقران

وقت الجد انا عثمان

وقت الحرب انا حمزة

ووقت الفصل ببقي فاروق

انا اخوان علي الرحمة وعالتقوي وحب الناس

لكن عمري ماهتأخون بأخونتك علي الصندوق

عينيكم فيها كل النور ومش شايفة

غباوة انك تهدد ناس ماهيش خايفة

بتهدد فى مين يا حزين

دة انا الاااهة اللي طلقوني

وجيعة وسارحة فى الشارع

ومش ممكن هتخفوني

هتسمعني وغصب عن عنيك الجوز علي دماغك هترفعني

انا الناس اللي عاشت تحت خط الفقر

وانا الناس اللي ماتت وملتقتش القبر

فسيبك ماللي بيجاملك و بيهيص

وركزلي واسمع كلمتي كويس

انا الثورة اللي عملت منك الريس

انا اللي يادوب من سنتين

كنا بنتحبس صحبة

وكنا بنتجلد صحبة

وكنا فى الميدان صحبة

بتبعد ليه وتكتب عالطريق غربة

بتمشى فى الطريق الصعب وحدك ليه
مهملني

ما لو صعبة عليك الشيلة حملنى

تلاقيني معارضك اة لكني وراك

بقدف فى السفينة معاك

اكون ودنك اكون عينك

اكون جوه فدراعينك

نبني بلدنا لهوانا

مش لهواك

وخيرنا يبقي جوانا مش جواك

مش انت تاخدلي فى القرارات وانا امسح بايدي .....

ماتتلككش بالناس اللي بيعارضوك

ماتتشتش ماتتسوحش

بلدنا عايزة ريس وحش

يسمع نقده بودانه

مايتكبرش

يكون جبار علي الظالمين

رحيم بينا ينام بينا

ويقوم بينا

يمشي يعد فى الشارع علي الجاعنين

ويفهم ان فى الشارع شباب ثايرين

ملحقوش يبقوا كارهينك

فماتزودش نار الكرة فقلوبهم

شباب شايف فلوس بلده مش بتخش فجيوبهم

ماتخدعناش ببقين من بتوع حسني يا مولانا

ورمنا كلام

و صدي من الغني قفانا

ماتدبحليش حمامة يتيمة علي عينها

وتقنعني انه ديك رومي

ماتلعبش انتة فى المية وتمسح ايدك المبلولة فى هدومي

ومش كل اما توعد وعد تطلع بق

وماتشدش فرامل اليد وتطلب مني انزل ازق

ولما الناس تكون ثايرة ومختلفة ماتخطبليش ف اتباعك

ولما تكون مع وزيرة ماتلعبليش فـ ........

ولا تسمعني ولا اهلي ولا عشيرتي

وخيرنا يبقي لبلدنا قبل ما ابص علي جيرتي

بلدنا احواض من البركة وعمر النيل

بلد دفيانة بالقران وبالانجيل