(((... حال الشباب ...)))

**ناصر الزيدى** · 18-12-2010, 05:48 PM

حال الشباب
عايش فى بلدى وحيد
ماليش صاحب ولا أحباب
دورت على وظيفه فى بلدى
راحت قافله فى وشى الباب
قولت اسافر مره اجرب حظى
يمكن ارجع غنى ومعايا فلوس
واما سافرت.....
شفت هناك فى الغربه بلاوى كتير
ناس شقيانه وناس تعبانه من التفكير
واما سافرت.....
شفت هناك فى الغربه حجات ما تسرش
ده ليل الغربه احزان ومرار
حتى نهارها حر ونار
شفت هناك ناس بتموت
وراجعه بلادها جوا تابوت
واما انا بس فكرت انى ارجع
كل الدنيا دى وقفت ضدى
شلت الشنطه وقولت انا هارجع
خلق كتير مسكو فى يدى
قالو هترجع تعمل ايه..؟
بلدك فيها ايه تبكى عليه..؟
قولت انا ليه اتهان وانداس
ده انا عايش فى بلادى أمير
هارجع بلدى واشيل الفاس
احسن ما اتعب م التفكير
واما رجعت.......
شفت الهم فى بلدى طريق
لا لقيت صاحب ولا صديق
ولقيتنى فى بحر بلادى غريق
تايه وبدور على بر
واما لقيتنى خلاص مش قادر
والشغل أصبح شئ نادر
قولت لنفسى
خلاص انا هسافر
واما لقيتنى خلاص مش قادر
شلت الشنطه
وقولت مسافر.
ناصر الزيدى

**زائر** · 18-12-2010, 10:16 PM

رائعة جدا
وحسبى الله ونعم الوكيل
الواحد مش عارف يعمل اية
يعنى ابسط حاجة انة يشتغل اى حاجة علشان يسد حاجتة اليومية
لكن البلد مستكتراها علينا
لنا الله ولهم الحساب

**واحدة من الناس** · 19-12-2010, 12:17 AM

كلام جميل
وحقيقي قوي وصعب ومؤلم قوي

بحييك عليه

وتثبت باذن الله

**ناصر الزيدى** · 23-12-2010, 08:11 PM

المشاركة الأصلية كتبت بواسطة دمعة عمر

رائعة جدا
وحسبى الله ونعم الوكيل
الواحد مش عارف يعمل اية
يعنى ابسط حاجة انة يشتغل اى حاجة علشان يسد حاجتة اليومية
لكن البلد مستكتراها علينا
لنا الله ولهم الحساب

شكرا على ردك ومتابعتك

بلدنا دلوقتى بقى العادى بتاعها معاك واسطه معاك فلووووووس هتشتغل وشغل محترم وهيبقى ليك قيمتك كمان

انما مش معاك الحاجتين دول يبقا الشغل اللى يقل القيمه مفيش أكتر منه

والواحد ياما شاف كتير مهندسين وخريجي جامعات بيشتغلوا فى اشغال مالهاش اى قيمه

فعلاً الواحد بيتحسر على حال البلد.

**ناصر الزيدى** · 23-12-2010, 08:17 PM

المشاركة الأصلية كتبت بواسطة واحدة من الناس

كلام جميل

وحقيقي قوي وصعب ومؤلم قوي

بحييك عليه

وتثبت باذن الله

حقيقى لانه ده الواقع اللى شايفينه
وصعب لاننا فعلاً عايشينه
ومؤلم لاننا عايزين نغيره
بس مش قادرين

اختى تغريد

اشكرك على الرد والمتابعه

واشكرك كل الشكر على التثبيت

**لو اننا لم نفترق** · 28-12-2010, 03:00 AM

جميلة يا ناصر اوى ومعاك حق فى كل حاجه
وربنا يهون ع الى فى الغربه ويكرمه والى هنا ربنا يكون فى عونه بردوا
شفت هناك ناس بتموت
وراجعه بلادها جوا تابوت
معاك حق اوى انا خالتى اتوفت بره وياريتها رجعت بلدها ادفنت بره
ربنا يصلح حال البلد دى بقى

**♥ρėŧŧу ςαŧ♥** · 29-12-2010, 01:41 AM

كلام مؤلم
بس دلوقت مفيش حاجه من غير واسطه بجد
تسلم يا ناصر

**ناصر الزيدى** · 08-02-2011, 05:46 PM

المشاركة الأصلية كتبت بواسطة لو اننا لم نفترق

جميلة يا ناصر اوى ومعاك حق فى كل حاجه
وربنا يهون ع الى فى الغربه ويكرمه والى هنا ربنا يكون فى عونه بردوا
شفت هناك ناس بتموت
وراجعه بلادها جوا تابوت
معاك حق اوى انا خالتى اتوفت بره وياريتها رجعت بلدها ادفنت بره
ربنا يصلح حال البلد دى بقى

شكرا للمرور والرد

البقاء لله

اللهم آآآمين

ان شاء الله هيتصلح حالها

**ناصر الزيدى** · 08-02-2011, 05:48 PM

المشاركة الأصلية كتبت بواسطة pretty ledia

كلام مؤلم

بس دلوقت مفيش حاجه من غير واسطه بجد
تسلم يا ناصر

نفسى بجد حد يطلعلنا بقرار الغاء الواسطه والمحسوبيه والكل يشتغل بقا احنا تعبنا............؟

شكرا للمرور والرد

الموضوع: (((... حال الشباب ...)))

أدوات الموضوع