شرح تنصيب ويندوز 7 بالصور

**Mr.Mahdy** · 19-12-2010, 08:54 AM

Windows 7 Ultimate setup

الويندوز مش محتاج اننا نتكلم عليه يعتبر صرخة فى عالم انظمة التشغيل
وبصراحة مجهود فظيع عملوه مهندسى ميكروسوفت عشان يطلعوا لينا
التحفة دى بالشكل الرائع ده

الواضح من الصورة ان النسخة دي اعلى وافضل نسخة من باقى نسخ السفن

متطلبات التشغيل

شرح تسطيبه

بداية الخطوة الاولى هي اننا نخلي البوت بتاع الجهاز من السي دي روم

وبعد مانحط سي دي الويندوز ف السي دي روم هنبدأ بأول شاشه للويندوز سيتب

ف المرحلة الاولى دي مفيش اي تدخل مننا , مجرد ان الجهاز بيبدأ يتأكد من ملفات الويندوز انها كامله

وينقل بعدها للمرحله التاليه اللي هي ستارت ويندوز سيتب

لحد كل اللي فات الموضوع ده مبياخدش اكتر من دقيقتين

نوصل بعدها لاول تدخل مننا وهو اختيار لغة الويندوز

ف المرحلة الجايه كل اللي هنعمله هندوس Install Now

في بعض النسخ بيطلعلنا تكست معلومات عن النسخه مش اكتر من مجرد معلومات

اللي حابب يقرا براحته اللي مش حابب يقفلها ويكمل

هنوصل لمرحله الموافقه على اتفاقيه ميكروسوفت لتشغيل البرامج

هنعلم ع اكسبت وندوس نكست

هنوصل هنا لاهم خطوة في التنصيب

عندنا زي ف الصورة اللي جايه اختيارين هنشرحهم باختصار

Upgrade : دي لو احنا حابين نحط النسخه مع النسخه الاكس بي القديمه واحده ف السي وواحده ف الدي
زي زمان كنا بننزل اكس بي و98 (ايام العصر الحجري )

الاختيار التاني اللي Custom: دي عشان نسطب السفن وحيدا منفردا

دي حسب اختياراتكم انتوا

الفرق الوحيد انك لو هتختار انك تحتفظ بنسخه الاكس بي فهتختار السيتب ع بارتشن تاني غير اللي عليه الاكس بي

انما لو هتسطب سفن بس يبقى هتختار برتشنك الاساسي المحدد للسستم من الاول

هيظهر لينا الصورة الجايه

في الصورة اللي فاتت في تحت كلمه Drive Option -advanced
هندوس عليها هتفتح لنا خيارات جديده زي الصورة اللي جايه

طبعا الاختيارات اللي فاتت دي حسب طبيعه هاردك وحسب رغبتك كلها خيارات تطبيقات على الهارد ديسك
New: دي لو الهارد مش متقسم وعايزين نقسمه من اول وجديد (هارد جديد مثلا) بندوس عليها وبنبدا نقسمه بالمساحات اللي عايزنها
Format : مش عايزة نباهه (بنقف ع البرتشن بتاعنا وندوس فورمات بيتعمله فورمات )
Delete : ده لو عايزين نمسح بارتشن ونعيد تقسيمه من اول وجديد (الخيار ده عامه لاعاده تقسم هارد ديسك من اول وجديد )
بنحدد البرتشن ونعمله ديليت ونعيد تقسيمه بقا من اول وجديد عن طريق New
Extend: وده من اهم مميزات الويندوز 7 اللي ماكانتش موجوده في اي نسخه قديمه (مستوحاه من برنامج Partition Magic )
وف الخيار ده متاح ليك اعادة توزيع مساحات البرتشن من برتشن الى اخر او تقسيمه لاكثر من برتشن من غير مانعمل فورمات
ومع الاحتفاظ بكل الداتا الموجوده على البرتشن

الامرين الاخرين الرفرش واللوكل درايف معتقدش ليهم استخدام مع حد منكم

بعد الانتهاء من السابق واللي غالبا بيكون اننا بنختار السي وندوس فورمات للبرتشن
بندوس نكست تفتح لنا بدايه السيتب ويندوز

ماعليك ف الصورة السابقه دي الا الانتظار لحد مايخلص الاربع مراحل الاساسيين

ويبدأ ينتقل للمرحله الجايه

ف اللي فات ده كله انت مستني بعد الرستارت دي اول صفحه هنكتب فيها اسم جهازنا وندوس نكست

في الصورة اللي جايه لو حابين نعمل باسوورد للويندوز بنكتب
مش حابين بندوس نكست

بننتقل للمرحله الاخيرة في السيتب وهي الكوملبيت

بعد كده بنيجي بقا لخطوات عاديه معتاده

اللي هي الفايروول محتاجينه بنسيبه مش محتاجينه بنقفله

ضبط الوقت والتاريخ

اعدادات النتوورك

وفيها كتير جدا ويحتاج ضبط الشبكه وخياراتها لموضوع كامل

بس الاسهل للجميع هو انك تختار Public Network

ودي بتكون الاختيار الامثل لعدم دخول اي حد ع جهازك من الشبكه الا بعد خطوات منك

لو حد محتاجها ارجنت يقول ونشرحها باستفاضه

اضافه اخيرة قبل النهايه
في حالة اذا كان معاك سيريال الويندوز الاصلي في احد الخطوات بيطلب منك السيريال بتحطه طبعا
اما لو مش عندك السيريال بتكمل معاها بنسخه تجريبية
ساعتها بس الخطوة المهمه انك تقفل الويندوز ابديت والا النسخه مش هتستمر اكتر من 15 يوم وتحتاج بعدها لتفعيل
ساعتها فيه على الانترنت كراك تحديث النسخه ومنتشر جدا وهحاول اجبلكم كراك فعال
او انك تقفل الوندوز ابديت اسهل بكتير لان النسخه يوميا بينزلها تحديثات وبالتالي هيكون فيه زياده ف حجم النسخه ف برتشن السي
فمنعا لكل ده الافضل نقفل الابديت
ومبروك عليكم الويندوز الجديد

تحياتي

**Don't play with me** · 19-12-2010, 09:34 AM

تسلم ايدك على الشرح الرائع

**زائر** · 20-12-2010, 03:31 AM

ممتاز جدا يا محمد
شرح جميل والله
ان شاء الله الكل يستفاد منة
شكرا يا غالى

**بحر الحياه** · 20-12-2010, 03:37 AM

تسلم ايدك يامهدى ... شغل عالى منك .. ماشاء الله

تم التقييم

**7ATEM** · 20-12-2010, 01:10 PM

والله بجد ما عارف اقولك ايه

لما كنت منزل شرح الويندوز العادى

ايام ما كنا ف الوكر :d

ههههههههههه

اتعلمت الويندوز منك هناك

انما سيفن الجهاز هيستغيث منى ومش هيستحمله نهائى

تسلم ايدك يا محمد ع الشغل العااااالى ده

**7ATEM** · 20-12-2010, 01:13 PM

ممكن نحط عليها الحقوق يا محمد ولا ايه؟

**Mr.Mahdy** · 20-12-2010, 02:38 PM

المشاركة الأصلية كتبت بواسطة The Legend

ممكن نحط عليها الحقوق يا محمد ولا ايه؟

تعامل يامان

**♥ρėŧŧу ςαŧ♥** · 29-12-2010, 01:56 AM

شرح مميز
ومجهود رائع
تسلم ايدك يا محمد

**bondok** · 14-01-2011, 06:13 PM

تسلم ايديك يا محمد .. شرح ولا اجمل والله،،

**BECKHAM** · 18-01-2011, 02:55 PM

تسلم ايدك ياريس وتسلم ع الحقوق

شرح رائع ومبسط وجميل

الموضوع: شرح تنصيب ويندوز 7 بالصور

أدوات الموضوع