سؤالين و حته ... عن الكريسماس

**♥ρėŧŧу ςαŧ♥** · 27-12-2011, 09:43 AM

سؤالين و حته ... عن الكريسماس

اكيد كلنا مستنين الNew year
علشان نحتفل بيها
والحاجات اللى بتتعمل دى بابا نويل
ومعرفش ايه صح ......
طيب تعالوا جابوا على السؤالين وشوفوا الحتة اللى بعدهم
وبعدين هتعرفه هنحتفل السنة دى ولا لا !!!

السؤال الأول :
كم عدد (النصارى) الذين ( تعرفهم ) أو ( تسمع عنهم ) أنهم يحتفلون بعيد الفطر و عيد الأضحى ؟؟
- جاوب في سرّك ..

السؤال الثاني :
كم عدد (المسلمين) الذين ( تعرفهم ) أو ( تسمع عنهم ) أنهم يحتفلون برأس السنة (الميلادية) ؟؟
- جاوب في سرّك برضو ..

دول كانوا السؤالين ,

أما الحِتَّه فهي :
قارن بين الإجابتين و اسأل نفسك :

اشمعنى ؟؟؟؟

اشمعنا احنا بنحتفل زي الهبل بأعيادهم ,
مع إن و لا واحد فيهم بيحتفل بأي عيد من أعيادنا ؟؟

و حتى لو كلهم احتفلوا بأعيادنا ,
فإنه لا يحل لنا الاحتفال بأعيادهم ,

يقول ابن القيم رحمه الله :
"وأما التهنئة بشعائر الكفر المختصة به فحرام بالاتفاق،
مثل أن يهنئهم بأعيادهم وصومهم،
فيقول: عيد مبارك عليك، أو تهنأ بهذا العيد ونحوه،
فهذا إن سلم قائله من الكفر فهو من المحرمات،
وهو بمنزلة أن تهنئه بسجوده للصليب،
بل ذلك أعظم إثماً عند الله،
وأشد مقتاً من التهنئة بشرب الخمر وقتل النفس، وارتكاب الفرج الحرام ونحوه.
وكثير ممن لا قدر للدين عنده يقع في ذلك، ولا يدري قبح ما فعل،

فمن هَنّأ عبداً بمعصيةٍ أو بدعةٍ أو كفرٍ فقد تعرض لمقت الله وسخطه "

[أحكام أهل الذمة]

احم احم ...
طب ما ينفعش نحتفل و خلاص بنية السنة الجديدة ؟؟
أهي سنة جديدة و خلاص ,
لكن مش هنحتفل بنية الكريسماس ,
و لن نهنيء النصارى و لا أي حاجة ,
ينفع و لا ما ينفعش ؟؟

لأ ما ينفعش !!
لأن النبي اللي ما حدش هيدخل الجنة غير من طريقه بيقول لك :
(( من تشبّه بقومٍ فهو منهم ))
[رواه أحمد و أبو داوود و صححه الألباني]

و قال شيخ الإسلام ابن تيمية رحمه الله :
" مشابهتهم في بعض أعيادهم توجب سرور قلوبهم بما هم عليه من الباطل ،
وربما أطمعهم ذلك في انتهاز الفرص واستذلال الضعفاء "
[اقتضاء الصراط المستقيم مخالفة أصحاب الجحيم]

- يعني لو هنأتهم و احتفلت معاهم ,
تبقى بتقرهم على باطلهم ,
و بتهنيهم على كفرهم بالله ,
و بتحتفل معاهم بكفرهم بالله !!

- و لو هنأتهم من غير ما تحتفل ,
يبقى حرام , كأنك هنأتهم بالكفر و بتقول لهم :
كل سنة و انتوا كفار و حلوين !!

- و لو احتفلت بالمناسبة كمناسبة و خلاص ,
و ما هنأتش حد و لا دياولوا ,
يبقى بتتشبه بيهم في ميعاد احتفالهم ,
و مشابهتك لهم بتدخل السرور و ( الزقططة) على قلوبهم ..

فــ لا تحتفل , و لا تهنيء , و احتسب الأجر عند الله إن شاء الله

وخلاص بقى ,
ما حبكتش تتلزق فيهم و تحتفل برأس السنة ,
ما الدنيا مليانة أعياد ,
عندك : عيد سعيد محمود , و محمد عيد السيد , و أحمد عيدعبدالملك كمان