البلطجه فى شوارع المنحوسه عفوا المحروسه

**المهاجر** · 27-12-2010, 11:12 PM

السلام عليكم جميعا

البلطجه حلم جميل لبعض الشباب
وكابوس كبير لمعظم الشباب

كتير نستغرب هى دى مصر كانو زمان يقولو مجرم وخنقاه فيها دم ازاى دول بيضربو بعض بالشوم
ويبقى عار كبير على اللى اتخانق ولازم الصلح ف قعده عرب يحلو فيها كل شىء

النهارده بقى صباح الفل

منورين بوجودكم والله

تلاقى خناقه ودم ف كل حته ستات فوق البيوت تحدف ازاز ووصله ردح ولا سيفونيه بيتهوفن الخامسه
والناس تتفرج وبقى طبيعى لما يقولو فلان اتقتل ازاى كان بيحوش ف خناقه ياسلام والله بيحوش واتقتل امال اللى بيتخانق ايه اللى حصلو

وتلاقى طالب ف مدرسه واخد ف جيبو مطوه وكزلك وتصل فى بعض الاحيان لضرب مدرس بمطوه اوباللغه الدارجه يشدله بشله او يديله غزه واهو كلو بينفع فى الزمن ده

اعلنت رابطه يا بلطجيه العالم التحمو عمل شعار جديد لمنظمه البلطجه المصريه وقد كان الشعار تحت اسم
سنجه وكزلك لازم تهلك
واقسمت الرابطه على تشريح كل ضعيف
اقسمت على رشوه الحكومه من اجل حياه افضل
اقسمت على هتك عرض الفتيات
اقسمت على الرخامه على مخاليق الله
وقد تم انتخاب مشرفين ورؤساء اقسام لمنتدى البلطجي الصغير
وكان الشرط الوحيد ان يكون مسجل خطر
ويجب اجتياز الاختبارات وتشريح اى شخص بدون درجات رأفه

وكان للاعلان دوره العظيم فى تنشيط طرق البلطجه فى مصر واعطاء كورسات حيه للبلطجه بين البشريه فى صوره فيلم ابراهيم الابيض
حيث تواجد الجموع الغفيره من محبى الشغب فى هذا الفلم وكل يحلم بالوصول لما وصل اليه ابهيم الابيض من قوه وذيع صوت
حيث قمت بعد كل حفله من حفلات هذا الفيلم مشاجره اسفرت عن بعض الضحايه منفذين طريقه احمد السقا فى فيلمه الردىء المخيب للامال والاخلاق

وفى بعض الاماكن يحيا اللمبى تحت شعار مصروفك ف جيبك مطوتك ف ايدك
هل هذه هى مصر ولكم الفاجعه الكبرى انها البلطجه بين الفتيات حيث اصبح معظم الفتيات فى المناطق النائيه والشعبيه لا يسيرون خطوة واحده بدون مطوه او سلاح
فى مره من المات سالت فتاه ما هذا قالتلى بشله يا زوووووووووووووووووووووووووووووق عشان اى ننوح يحب يتنحنح
والحمد لله انا مش بعرف اتنحنح

والان دخلت مصر موسعه جينز اقصد جينس فى البلطجه والشغب
وما اراءكم فى البلطجه فى مصر من وجهة نظركم
مادور الاعلام فى تنشيط الخطوط البلطجه وخصوصا ما يتم البلطجه تحت نظر وسمع من الشرطه ولا يقومون بالتدخل
هل اصبحت مصر موطنا لسوء الاخلاق وما عاد هناك مكان لاى شخص ذو خلق

اسئله كثيره لا تحصيها كلماتى ولكن ستحصيها بعض الصور اليكم هذا

علما بان معظم هذه الصور قد التقطت حديثا اثناء الانتخابات الماضيه
ومعظم مرتكبى البلطجه اعضاء من الحزب الوطنى وليس جميعهم

الامضاء
المهاجرررررررررررررررر

**El-ToRkY** · 28-12-2010, 01:28 AM

اذا كان الحكومة نفسها مارست البلطجة ف انتخاباتها
فطبيعى جدا ان الشعب بتاعها يكون بلطجى وبيمارسو
اساليب البلطجة بكل اشكالها وانواعها
واحنا بقينا ف من انعدم فيه الدين وبالتالى انعدمت الاخلاق
ولما تتعدم الاخلاق يبقى خلاص كده خربت

**bondok** · 29-12-2010, 10:34 PM

بص يا شمس،،
الكلام فـ الموضوع ده هيكون من جانب واحد،،
اللي هو جانب المتضرر،،
لو من بلطجه البلطجيه،،
او من بلطجه الحكومه،،
او حتي من مجرد رؤيه المنظر،،

بصراحه .. احنا شعب بلطجي وبيحب كده اوى،،
سكاتنا .. واتجاهنا للموضوع ده علشان قضيان الحاجه،،
هو اللي خلي الموضوع ده متفشي كده،،

تسلم يا معلم،،