أحلى جواز فعلا من النت شوفو عايشين ازاى؟

**7ATEM** · 01-01-2011, 05:14 AM

قبل الزواج أثناء بداية الحب

هي: حبيبى انت جيت .... ؟

هو :-ايوة يا حبيبتى امال خيالى .. انتى مش شايفة اسمى اون لاين ؟ يبقى انا جيت .. ده سؤال يا سوسو ؟

هي :آسفة يا حبيبي .. اصل فرحتى بظهورك طيرت عقلى

ها ...قوللى بقى

هى: عملت ايه امبارح اما خرجت انا اوف لاين ؟

هو:ما عملتش حاجة ابدا ... قعدت فى رووم اسمع اغانى ..

هي: آه , واظن الست دلوعة كانت موجودة ..

هو:وحياتك كانت موجودة بس عملتلها بلوك ..

هي:ممممم .. يعنى مكلمتهاش

هو:لا .

هي:ولا حتى هاى .

هو:لا هى سلمت عليا فى الرووم قبل ما اعمللها بلوك و انا قلتلها برب

هي:اها .. طب كويس .. يا ريت تعمللها ديليت خالص من الليست

هو:عينيه يا حبيبتى انتى تؤمرينى بس

يوم الفرح وبداية الحياة بينهم مع بعض

هو:أخيرا يا حبيبتى اتجوزنا و اتقفلت علينا رووم واحدة

هي:ايوة يا حبيبى أخيرا .. بس مال الصوت بيقطع هنا ليه ؟

هو:يا ستى واحنا هانعوز الصوت فى ايه .. اعملى ميوت

هي:ههههههههه على رأيك...

هو:باقوللك ايه ؟

هى: ها

هو:عملتى باس وورد للروم , احسن نلاقى الناس جاية

هي:اطمن عملت باس وورد طبعا و لا يهمك

وبعدين انت بقيت آدمن البيت

يعنى اى حد مش على مزاجك .. باند على طول

يوم الطلاق ونهاية الحياة

هو:انتى يا ولية ..

هي:أنا ولية .. انت ناسى أد ايه حفيت عليا فى الروومات و الماسينجرات ؟

ان كنت ناسى افكرك

هو:كان يوم اسود ياختى يوم ما عملتلك آد 'add'

يا ريتنى كنت برب'brb'

و لا ديس كونيكت مكنتش شفت خلقتك

هي:نعم نعم .. مالها خلقتى .. مش كنت بتموت عشان تشوفنى على الكام

وكل شوية تقوللى فين كامك

هو:كنت أعمى و أضبش و أطرش .. ارتحتى

هى:يا خاين يا غدار .. يخونك اللى بيننا؟

ده احنا بيننا روومات و هىء ومىء و دوت و كوم

يخونك الإنفيتات اللى كنت بابعتهالك عشان تبقى جنبى فى الروومات

خلاص نسيت الإيميلات و السهرات

انت أكيد فى مخك فيروس عاوزلك فورمات

بقى يرضيكم ياهووووووووو

ياخدنى أون لاين .. ويرمينى أوف لاين .. منك لله يا مان

من النهاردة انت إنفيزيبل فى حياتى

هو:وانتى ريموف بالتلاته