عصير طماطم بس بالجوافة تخيلوا**********

**رزة** · 12-10-2010, 08:30 PM

عصير طماطم بس بالجوافة تخيلوا**********
ارتفاع سعر الطماطم جاء فى الوقت الذى انخفض فيه سعر التفاح، لتصل أفضل أنواعه إلى ٦ جنيهات، وحسب تأكيد الباعة: «الناس بقت بتشترى تفاح بدل الطماطم، لأنه أرخص وأحلى والاسم إنه داخل على عياله بتفاح». لم يجد كثير من المواطنين حلاً لهذه الأزمة سوى مقاطعة الخضروات، والاعتماد على الصلصة المعلبة، فى الوقت الذى ابتكرت فيه أم هاجر، صاحبة مطعم شعبى فى باب اللوق، حلا آخر، حيث لا تفضل أم هاجر استخدام صلصة الطماطم، بسبب المواد الحافظة، لذا ابتكرت صلصة جديدة، تعتمد فى الأساس على الجوافة، خاصة بعد أن انخفض سعرها إلى جنيهين.

تشرح «أم هاجر» طريقة إعداد الصلصة الجديدة: «أولا مابقتش أشترى طماطم، وأعطى للأكل اللون الأحمر من الفلفل الأحمر ببشره ورشه على الأكل، وأجيب الجوافة وأعصرها وأصفيها وأحط لها ملح، وأعصر معاها فلفل أحمر كبير، وماتعرفش تفرق طعمها عن صلصة الطماطم الطبيعية.. هنعمل إيه ونجيب عشرة جنيه تمن كيلو الطماطم منين؟».. ثم ابتسمت قائلة: «الشاطرة تغزل برجل حمار، وعلى قد لحافك مد رجليك.. أجدادنا قالوا كده لما الطماطم كانت بقرش صاغ، مش عارفة لو شافوا حالها دلوقتى هيقولوا ايه؟».

**El-ToRkY** · 13-10-2010, 08:07 AM

مش هتكون الاولى ولا الاخيرة
طول ماحنا ساكتين ومحدش بيتحرك
والمنافقين شغالين والرشاوى شغالة
وطول ماحنا كده هما هيفضلو كده
طالما مفيش دين ولا اخلاق ولا حب لوطن

دلوقت بقو مسكينا من اخطر مكان
مسكو عصب حياة البنى ادم
مسكو رغيف العيش يعنى
بقو بيتحكمو ف عمر البنى ادم

وكلها كام يوم ودخلين ع ازمة سمك
ولسسسسسسسسسسسه
طول ماحنا مطاطين هناخد ع دماغنا

**حنين حنونه** · 13-10-2010, 09:27 AM

نقول ايه بس
حسبى الله ونعم الوكيل
الشعب مصدوم
والحكومه ملهش دعوه با الشعب
يااااااااااسلام
ياريت ع قد الطماطم بس
ده طماطم
وعيش
لحم
يعنى كل الاساسيات

ربنا يرحمنه

نايس
تحياتى

**المهاجر** · 15-10-2010, 03:41 PM

غياب الرقيب يعطى للظالم فرصه تحكم ظلمه وصلت الطماطم فى بعض الاماكن الى 15 جنيه
وقد كان هناك اكثر من شكوى الى الحكومه من تجار الطماطم بالعبور وغيرها ان الطماطم تخرج من سوق العبور بسعر ثلاثه جنيها
فكيف يصل سعرها الى 15 عند الموزعين هذه نقطه
ثانيا اين رقابه التموين والتسعيره على السلع الغذائيه
ثالثا اين توفير الحكومه لاحتياجات الشعب

المشكله مش مشكله الصلصه لان كان متوقع اختفاء الصلصه لان الكوسه ف مصر كتير ولا بحر صلصه كان هيكفيها

**زائر** · 15-10-2010, 04:39 PM

ههههههههههههههههههههههههههههههههه
وياما هندوق من المر الوان
ياعينى عليكى يا بلدى

**جمال المصري** · 15-10-2010, 04:41 PM

والله فكرة حلوة وعلي الاقل طبيعيه

شكرا علي الخبر

وتحيا مصر

**رزة** · 25-10-2010, 02:39 AM

يارب ارحمنا برحمتك

ميرسى ليكم لمروركم

**noorseen** · 25-10-2010, 05:12 AM

من الغلب ياعينى

الناس وصلت للدرجة دى للجوافة

!!!!!!!!!!!!!!!!!!!!!!!!!

ربنا بجد يلطف بينا

**رزة** · 25-10-2010, 12:10 PM

امــــــــين يارب

الموضوع: عصير طماطم بس بالجوافة تخيلوا**********

أدوات الموضوع