بحييكى ياحنين ع الموضوع الهايل ده
وانا بجد تعبت من كتر الكلام والكتابة ..
لكن عايز اقول الراجل ده ظلم شعبه .. 30 سنة
له انجازات على عينى وراسى .. لكن له سلبيات وبلاوى كتيرة جدا
انا بستغرب من الناس اللى غيرت رأيها فى فمتوثانية بعد الخطاب الاخير
انا مانكرش انى تعاطفت معاه لحظتها ,,
لكن مش معنى كدة انى امسك يافطة واجرى فى الشارع واقول نعم لمبارك
انا مش مستنى الريس يقول الكلام ده ... عشان اعمل كدة
30 سنة ثروتنا منهوبة من الشلة التابعة لسيادة الرئيس
30 سنة المصرى متهان جوة اكتر من برة
30 سنة فساد فى كل شىء الا من رحم ربى
سلبية فى كل شىء ...
المريض اللى مش معاه بيموت ... ورجال الاعمال واصحاب البدل والكرافتات والكعب العالى على نفقة الدولة عدل ..
وزرا واعضاء لجنة شعب وصلت ان بيعملوا عمليات تجميل لزوجاتهم على نفقة الدولة
مرات الوزير بتشد وشها وتظبط مناخيرها بفلوســــــــى .. والناس بتلاقى الرغيف بالعافية
معدل بطالة كبير جدا ,,, مفيش شغل للشباب
وزيرة القوى العاملة بتنصح الشباب يروحوا يشتغلوا امن ... وتسفر البنات يشتغلوا خدمات برة البلد
رغم كل الثروة اللى فى مصر الا انها منهوبة ...
70 مليار دولار ثورة آل مبارك .. وعندنا ناس تحت خط الفقر لا لا انا اسف
ده مابينها ومابين خد الفقر السما والارض ,,
السجون والمعتقلات والتعذيب حتى الموت
تصدير الغاز لاسرائيل وهنا بيشحتفوا على ربع انبوبة ,,
بجد انا لو كملت .. محتاج 5 توبيكات على التوبيك ده
يكفى ان مدير مكتبه السابق محمود صبرة وكلامه عن الرئيس
http://www.youtube.com/watch?v=aULhiDccJJ0
وهو مش مضطر انه يألف روايات
انا بردو بستغرب من الناس اللى بتقول معلش غلط ,, نسامحه
وكأن الريس ده اصبح طفل 4 سنين علينا اننا نسامحه ونطبطب عليه
شكرا لاول ضربة جوية شكرا لامن البلد من الخارج فقط ,, ولكن بعيدا عن رئاسة مصر
اسف للاطالة ,,, تحياتــــى
مواقع النشر انشر موضوعك وهاتلو زوار