هكتب بيان على انه قرار
و هقول كلام على انه حوار
فى دنيا الكدب بقى ذى الريح
والكل بيلف فى الاعصار
اللى بيضحك مع انه جريح
واللى دموعه بتنزل امطار
مات الكلام بعد التصحيح
الدرجات كلها اصفار
من غير مجاملة كلامى صريح
درجات الناس كلها اصفااار
قالو على ابليس ملعون
لكن الناس سيطرت عليه
بقى فى صبعنا خاتم مضمون
لا وكمان بنتحكم فيه
ده ياما وشوش جواها عيون
تخون عيون سلمت ليه
وبتقولو على ابليس معلون
امال انتم صبحتم ايه
وشفت فى الدنيا العجايب
اللى متأخر مالوش نايب
واللى تمثال فى الخيانة
فى الدنيا مالوش حبايب
واللى قلبه حديد وجاحد
واللى قلبه طيب ودايب
واللى عايش بيخدع فينا
وعمايله بتوديه لمصايب
كل ما يسحب من الكوتشينا
تيطلع نفس الورقة الشايب