لعبة الصراحه

**أنين الألم** · 12-02-2011, 08:53 PM

تعالو نلعب سوا لعبه مختلفه
بسيطه بس معقده

هنجييب ازازة ونلتف حوالين بعضينا
ونلفها وبعدين نشوف مين بيسال مين
ودي بسيطه

ونبدأ نجاوب
بس بصراحه
وده بقه مكان العقده
الصراحه..

لعبه جميله
كمان مسليه
بتحبوها كتير

بس في مشكله في اسئله بتحرج
مش كله بيجاوب بصراحه
ودي الازمه

ايه رايكم بقه ايه هيحصل لو الصراحه بقت الاساس مابينا
هل هي بتزعل؟؟
ولا الطريقه بالمصارحه هييا الي بتزعل؟
ولا اصلا الناس بتحب الحد الصريح ولو بقى صريح بتزعل
ايه رايكم اننا نبقى قدام بعض مرايه ميه صافيه مفيهاش غبار؟
ولانكون صريحين
وياترى ليه الناس كتير بتزعل من الانسان لو كان صريح معاهم؟

**bondok** · 13-02-2011, 09:46 PM

تسلم ايديكي يا روكا .. والله موضوع روعه بجد،،

بس المشكله مش فـ الصراحه،،
المشكله فـ طريقه المصارحه .. وان فيه ناس مش بتقبلها،،

يعني مثلا انا لو بحب حد وروحت قولتله كده وش .. وقولتله اصل انا صريح،،
يا حبيبي .. الله عـ صراحتك،،

لكن لو قولتله انت عملت معايا كده وكده وكده .. ومتزعلش اصل انا صريح،،
لا يبقي دي اسمها قله ذوق مش صراحه،،

هيا اكيد مختلفه ما بينا .. والاكد انه صعب نكون زي بعض كلنا،،

**أنين الألم** · 04-03-2011, 12:54 AM

المشاركة الأصلية كتبت بواسطة miss zinab

السلام عليكم و رحمة الله و بركاته

وعليكم السلام ورحمة الله وبركاته
موضوع جميل طبعا يا رقية

بصي انا من رأيي ان الصراحة مبتزعلش طبعا و اساسية بين الناس
فعلا ..
بس دا بيتوقف على الطريقة اللي بتصارحي غيرك بيها يا رقية

في ناس كلامها زي الدبش مش بتنتقي كلماتها و اسلوبها اللي تعبر بيه لغيرها و بتجرح شعور اللي قدامها بطريقتها المتعجرفة

اها فعلا في ناس كده ودول بيجبروا غيرهم مش يقبلوا نصيحتهم
و في ناس طريقتها تمام و مظبوطة مية في المية
اها ودول برده ممكن بالطريقه يجبروا غيرهم يقتنع
...

ردي على كل اسألتك دي هتبقى في نقطة واحدة

زي ما قولتلك في اول ردي

ان دا متوقف على الطريقة اللي بنبلغ بيها اللي قدامنا و بنصارحه يا رقية

مع وجود نوعية من الناس مش بتحب الصراحة المطلقة دي نهائي و بتضايق منها جداااا

و بيعتبروها نقد ليهم مع ان انا شايفة الصراحة عامل بناء جدا في كل شئ

سواء في تشكيل شخصية الانسان او تأثيرها بعد كدا في تصرفاته و حياته

و ممكن تشقلب مسار حياة شخص ماشي غلط طول عمره و مش واخد باله

يعني انا شايفاها ايجابية اكثر منها سلبية يا رقية

تسلمي يا رقية موضوع جميل يا حبي

فعلا الصراحه والعلاقات الي بتتبني عليها اسلم علاقات لان كل العلاقات الانسانيه المفروض يكون ليها غرض التقويم انك مثلا مصاحبه فلانه اه تقوميها وتحسنيي ليها افعال وهيا تقومك كده يعني ومن دون الصراحه والمصارحه مش حد هيتقوم

تسلميلي ياوزة
نورتيني ياقلبي

**MR.KaSseM** · 04-03-2011, 05:36 AM

اولا تسلمى على طرح الموضوع الجميل تانى حاجة الصراحة بتزعل اه طبعا لازم تزعل وعلى فكر الدنيا متمشيش من غير شوي (خداع-نفاااق-تخبية) اى اسم ليها لكن فى الاخر طبعا الصراحة بشدة بتزعل وكل واحد لو دور اكيد هيلاقى فى حيااته مواقف كتير قال فيها عكس الصراحة لان الصراحة كانت هتحطه فى موقف صعب او تزعل حد منه ده راى وتسلمى على طرح الموضوع