صندوق اقتراحات عشان خاطر مصر بلدنا

**MR.KaSseM** · 15-02-2011, 02:14 AM

بسم الله الرحمن الرحيم

طبعا كلنا تابعنا اللى حصل فى مصر الايام اللى فاتت وسقوط الرئيس مبااارك وانتهاء العصر اللى كان مشهور بالفساد والظلم لكن المهم دلوقتى احنا فى بلد محتاجة فكر جديد .....................ادخل فى الموضوع دلوقتى لو بقيت انت رئيس جمهورية ايه اول قرارت هتاخدها سواء كانت سياسية او اجتماعية او اقتصادية وايه الحاجات اللى شايف انها لازم تكون من اولويات الرئيس القادم يالا مستنى اقتراحتكم وكماااان عايز اعرف ايه الحاجات اللى شايف انها كانت مستحيل تتحقق قبل كدة وممكن دلوقتى نحققها مستنى ردودكم

**bondok** · 17-02-2011, 07:10 PM

تسلم ايديك يا محمود عـ الفكرة،،

لكن انا متهيالي المنصب ده هيبقي عاله علي اي حد،،
وانا متنماش اكون حاليا فـ المنصب ده بأي شكل من الاشكال،،

لكن حيث انه كلام فـ الهجايص،،

فأنا وجهه نظري اللي ملهاش اي قيمه،،
انه مش هيكون محتاج انه يفتكس او يخترع،،
لان عندك كل واحد فـ الشعب بقي علي درايه تامه بكل شيء،،

ومش عاوزين بالمعني المقصود انه يكون دور اشرافي بس،،
يعني يشوف بنفسه .. وكفايه بقي الاعتماد علي اللي تحته .. مهما كانت،،

**اهلاوى جامد** · 05-04-2011, 03:06 AM

العمل على شعور المواطن بالخدمات دى هتفرق كتير اوى يعنى التعامل المباشر مع الناس يتغير
بمعنى انى لما ادخل مصلحة حكومية ملقيش فساد ولا واسطة ومقفش فى طابور طويل قد كدا واحس باحترام الناس لية
قسم شرطة كذلك انهى الفساد بقى والرشاوى خصوصا فى المحليات والاماكن اللى فيها تعامل مباشر مع المواطن