حدوته مصريه ( الجزء الاول )

**جمال المصري** · 09-03-2011, 11:27 PM

اسمعو الحكايه يا شباب مصر

يا شباب الثورة في كل عصر

من 25 يناير لحد يوم النصر

هتكلم في العهد اللي فات

عن ناس سرقت وحرقت

ومنهم اللي كانو فتوات

مش هقول جديد ولا حتي هضيف

بس هتكلم عن شعب نظيف

البدايه كانت في التحويلات

سنترال يمكن او تليفونات

لحد ما وصل اسمه للهتافات

لم اصحابه وجيرانه واحبابه

ولعبو مع بعض لعبه المكعبات

كل واحد منهم اشتري مصنع

وهديه عليهم شويه شركات

لحد ما وصلو لمصنع بالتحديد

قام صحبنا اعترض ورفع الايد

وقال كله الا مصنع الحديد

انا اللي اعرف قيمته اكيد

علي الدرمز ههز السوق هز

واعملي قرشيين وابقي ابن عز

ولما جاله يوم ودخل الحجز

رفع ايدة تاني وقال ياربي

انا مكنتش واخد الحديد حصري

انا يدوب كنت بكون نفسي

وكان جمبه واحد منه قريب

علي نفس المنهج واسمه حبيب

كان مشغل الداخليه لحسابه

وكان الدستور هو عذابه

ويموت اللي يفكر يقرب من بابه

وكل يوم في عهدة شهيد جديد

في التحرير والكنيسه وخالد سعيد

لاننا في عهدك كنا عبيد

أنتظرو الجزء الثاني !!

**محروم من الفرح** · 09-03-2011, 11:55 PM

تحفه تحفه تحفه بجد

قدرت تعبر عن الواقع فعلا

تسلم ايدك

**لو اننا لم نفترق** · 10-03-2011, 12:02 AM

جميلة اوى يا جمال
تسلم ايدك
وفى انتظار الجزء التانى

**جمال المصري** · 10-03-2011, 12:33 AM

المشاركة الأصلية كتبت بواسطة miss zinab

ماشاء الله عليك يا جمال

بجد جميلة قوي

في انتظار الجزء التاني باذن الله

شكرا ليكي زينب علي مشاركتك

تقبلي تحياتي لكي .

**جمال المصري** · 10-03-2011, 10:44 AM

المشاركة الأصلية كتبت بواسطة محروم من الفرح

تحفه تحفه تحفه بجد

قدرت تعبر عن الواقع فعلا

تسلم ايدك

شكرا لك علي مشاركتك

تقبل تحياتي لك .

**أنين الألم** · 10-03-2011, 10:49 AM

الله عليك جميله
ربنا يستر على البلد
تتحفه اوي كلماتك

**نسايم** · 10-03-2011, 12:01 PM

فكرتني باغنية حدوتة مصرية بتاعة منير

عموما هي جميلة

**جمال المصري** · 10-03-2011, 03:15 PM

المشاركة الأصلية كتبت بواسطة لو اننا لم نفترق

جميلة اوى يا جمال
تسلم ايدك
وفى انتظار الجزء التانى

شكرا ليكي ريم علي مشاركتك

وان شاء الله قريبا الجزء الثاني

**جمال المصري** · 10-03-2011, 03:21 PM

المشاركة الأصلية كتبت بواسطة أنين الألم

الله عليك جميله
ربنا يستر على البلد
تتحفه اوي كلماتك

شكرا ليكي علي مشاركتك

وان شاء الله البلد بخير

تقبلي تحياتي

**أميرة بكلمتي** · 16-03-2011, 09:04 PM

سلمت يداك اخي الكريم
يعطيك العافية خاطرة رائعة
تقبل مروري وردي المتواضع
تحياتي

الموضوع: حدوته مصريه ( الجزء الاول )

أدوات الموضوع