من هو الرجل الشرقي؟

[banota]

الرجل الشرقي من جعل كتاب الله نبراساً يضيئ حياته

الرجل الشرقي من يغرس مبادئ الدين في نفوس اهل بيته

الرجل الشرقي وطن الدفء والحنان وميناء السلام

الرجل الشرقي يصنعَ ذاته ويبني أمجاده

الرجل الشرقي يحترم المرأة ويعترف بحقها بالمساواة

الرجل الشرقي لهيب مستعر من الغيرة على اهله

الرجل الشرقي يلتزم بحفظ المرأة ورعايتها وصيانتها وخدمتها ويريدها عصاره من الاخلاق ومجموعه من المعارف والعلوم وخليط من المبادئ والقيم العربية الاصيلة

الرجل الشرقي يعشق جمال الجوهر قبل جمال المظهر

الرجل الشرقي رقيق القلب ...

قمحي البشره ... كحبة القمح في وقت الحصاد

الرجل الشرقي البسمة تعلو شفاهه الوردية رغم الحزن في تلك ... العيون البنية الغامقة فلن تعرف الحب، ولا الدفئ ولا الحنان من لم تعرف رجلا شرقيـاً ..

هو و لا فخــر غيره .. شرقيٌّ حتى النخاع ، بدمً يغلي غيره على نساء بيته و حتى غير نساء بيته

هو من يقف في الباص لسيّدهـ ليس من باب الاتيكيت ، و لكن من قواعد و اسس و مباديء الرجل

الشرقي الذي لا يرضى بشقاء امرأة ... الذي لا يقبل ان يرتاح و تتعب !

فالرجل الشرقي ... وان ضاقت به السبل... يجوع لتشبع اسرته يعرى لتتغطى و يموت ولا ان تهان فالموت دون عرضه و شرفه .. اسمى من العيش الديّوث الذليل !

نعم ... طبعه من نار .. و طبيعته صعبة المراس ... فالخيول العربية لا ترضى المهانه .. و لا تروّض بسهوله ...

فهل ترى نفسك ممن يقال له رجل شرقى؟؟

[♥ρėŧŧу ςαŧ♥]

بصراحه مفيش احلى من الرجل الشرقى فى صفاته
بس لو فعلا كان عنده صفات الرجوله الصح
لان المعظم دلوقتى مبقوش كده
تسلمى يا بنوتى على التوبيك الجامد

[banota]

بصراحه مفيش احلى من الرجل الشرقى فى صفاته

بس لو فعلا كان عنده صفات الرجوله الصح
لان المعظم دلوقتى مبقوش كده
تسلمى يا بنوتى على التوبيك الجامد

طبعا مفيش افضل من الشرقى بس للى بجد مش اللى اخدوا الاسم وبس

نورتى ياحبيبتى

[MR. PrESIdEnt]

الراجل الشرقي اللي بيجي من الشمال لليمين :d

بصي هو الكلام حلو وكل حاجة
بس اعتقد ده كلام بنقوله علشان بنسمعه طول عمرنا
من غير ما كنا لا نعرف ولا بنشوف غيرنا

الغيرة والحماس للعيلة والاخلاص والكلام ده كله
لازم يكون موجود في كل المجتمعات
حتى ولو كان بنسب مختلفة
يعني مناطق الشرق الاقصى
الصين واليابان
عندهم الاسرة والعيلة والعشيرة والقبيلة
حاجة كبيرة اوي
وفي احترام كبير جدا للمرأة وكبار السن
زي ما بنقول علينا هنا " زمان يعني الوقتي الكلام ده خلص هنا "

في المناطق الغربية
زي اوروبا وامريكا
يمكن مش واضح ان في الكلام ده هناك
بس موجود بشكل كبير برضه
نفس الصفات دي
الدم الحر والعصبية للاهل والمرأة والحاجات دي

اعتقد التصنيفات دي خلصت بشكل كبير
وان قصة ان العربي او الشرقي دمه حامي وحر
كلام للدعايا مش اكتر
او بمعنى ادق
مش انفراد للعربي الشرقي عن غيره من باقي الاعراق في العالم

تحياتي ليكي يا اسراء ..

[banota]

هو للاسف الاغلب هنا نسى كل الصفات المنسوبه للرجل الشرقى

وديما كان تطلعاته للغرب وللاسف اخد الغرب كل شىء حلو مننا

واحنا نسينا كل حاجه كويسه

يعنى ممكن يبقى التوبيك من باب التذكير :d

ياريت بجد الناس تبقى زى زمان


نورنى وجودك يامصطفى

[MR. PrESIdEnt]

ههههههههههههه
وانتي كنتي رحتي الغرب ولا شفتي الغرب
بلاش الغرب
مناطق الشرق الاقصى
يعني مسمعتيش مثلا عن حضارة الساموراي
احد اعرق الحضارات في التاريخ
ان لم تكن اعرقها
ربما اعرق من الفراعنة نفسهم
كانت في اليابان القديمة
كان عندهم كل اللي انتي بتقوليه ده
يمكن حتى قبل اكتشاف اللسان العربي الشرقي
اللي انا عاوز اقوله

ان مش مجرد كلام وبس
بننسب لنفسنا بيه حاجات حلوة
وياريت كمان بنعملها
لا احنا بنقول احنا واحنا واحنا
ومبنعملش اي حاجة من اللي بنقول عليها
بالعكس
خلاص بدأنا نبقى فعلا زي الغرب اللي بنشوفهم في التليفزيون وبس
العلاقات المفتوحة المجتمعات اللي منفسة على بعض :d

وفي نفس الوقت
مبناخدش منهم انضباطهم في العمل واخلاصهم
مبناخدش منهم النظام المطبق على الكبير قبل الصغير
مبناخدش منهم حاجات كتير حلوة
ملهاش علاقة لا بدين ولا مجتمع ولا اخلاق

بالعكس
بناخد منهم ما ينافي ديننا واخلاقنا ومجتمعنا

والدليل انتشار مؤخرا مصطلح ما يعرف بالبوي فريند
خلاص وصلنا للدرجة دي من الانحطاط
بالعكس كمان
علاقات البوي فريند / جيرل فريند هناك
علاقات بالنسبة لهم شريفة ومخلصة
يعني كانهم متجوزين رسمي بالظبط
واذا حصل اي تجاوز من طرف ناحية التاني
ايا كان التجاوز ده ايه كانه مصيبة
فقط هما هناك لان اعباء الحياة صعبة
مبيحبوش يبقى في التزام خانق اكتر عليهم بالجواز في بداية علاقتهم
بس هناك بيعتبر الجواز الرسمي في الكنيسة خطوة مؤجلة
بيعملوها ومهتمين بيها اه
بس مش في الاول

بس هما بيعملوا اساس الزواج الشرعي
ايجاب وقبول واشهار
علاقة موافقين عليها ومعلنة للجميع
زي الجواز زمان
ماهو زمان مكنش في مأذون ودفتر احوال مدنية

تعالي هنا بقى شوفي مصطلح البوي فريند هنا يعني ايه
صياعة وانحطاط اخلاقي

طبعا انا مش بقول اننا نعمل كده
لا دول ناس ليهم مجتمعهم ودينهم
واحنا لينا مجتمعنا وديننا
وياريت ندور بس عليه

[banota]

كلامك تمام

وانا فعلا رديت باننا اخدنا منهم عاداتهم واغلب تصرفاتهم الغلط والصح ونسينا تعاليم الدين وتقاليدنا

والتزمنا اوى بالتفاهات مش اكتر لكن اى حاجه جد مفيش للاسف