الاعمال المشاركة في مسابقة عشاق العامية

**واحدة من الناس** · 11-05-2011, 11:21 AM

الاعمـــال المشــاركة فـي مســابقة عشــاق العامــية

(1)

يطول الليل وافكر فيك..وانا عاشقاك ومش بنساك
عشقت هواك وروحي معاك..ولو تبعد سنين عايزاك
وبستنى.. وبستنى في يوم يجي ..واكون وياك
بستنى أكون جمبك .. وأعيش بهواك

يطول الليل وبحلم بيك ..وفي الاحلام بنادي عليك
تعالى حبيبي ريحني .. تعالى .. ضمني لثانيه
تعالى وقولي عشقانك ومش هبعد خلاص لحظه

يطول الليل وبستناك .. تجيلي حبيبي في الاحلام
تطمني بحبك ليا .. وتشغلني برمش عنيك ..
واوعى تغيب
واوعى تغيب عليا في يوم .. ده من غيرك بعيش اوهام
يطول الليل ومع طوله يزيد حبك..يزيد عشقك

يطول الليل وافكر فيك ..
معاك ياحبيبي عشت غرام معشتش زيه في الاحلام
معاك ياحبيبي .. معاك ياحبيبي اشوف الناس ملايكه كتير
معاك ياحبيبي بشوفك كل شئ فيا بشوفك حته من قلبي
وعلى قلبي مفيش غيرك .. مفيش غيرك ساكن جواه

يطول الليل واحبك اكتر
واعيش وياك في بيت متاثر .. بحبي ليك
اعيش وياك في قلب الجنه
اشوف الفرحه بعيونك واحبك اكتر

يطول الليل وبصحى حبيبي استناك
وبتمنى في يوم اصحى تكون جمبي
افتح عيني على حبك على همسك

يطول الليل حبيبي معاك
يطوول الليل..
في نن عنيك اعيش واسرح
واشوف حبك في كل جوارحك

حبيبي خلاص هانت لحظه وهكون وياك
سنين العمر هتعدي عذاب في عذاب
وهستنى سنيني معاك ..
معاك ايامي حليها وعمري ده ليك وهزعل ليه؟؟

يطول الليل وافكر فيك..وانا عاشقاك ومش بنساك
عشقت هواك وروحي معاك..ولو تبعد سنين عايزاك

بحبك مهما كنت بعيد ..
ولو قربت .. أحبك اكتر
بحبك قولي اعمل ايه
عشقتك طب غلط فايه
حبيبي تعالى ريحني
حبيبي تعالى متسيبنيش

يطول الليل وافكر فيك .. واحلم بيك
مفيش غيرك سكن احلامي ولافي قلبي هيسكن غيرك
يطول الليل

(2)

::. كنت أتمنى .::

حبيت فيك طيبة قلبك و حنانك

متمنتش الا اني اكون ليك و علشانك

معاك أحلامي بأجمل ريشة رسمتها

في لحظة بعدت و معاك خطفتها

طب أقولك ايه تاني بعد اللي اتقال

أقولك .. خلي اللي في قلبي جواه منشال

مبقاش عندي حب تاني اديهولك

و لا حتى قلب صافي أهاديهولك

آخر أمل لقلبي بسهولة هديته

لا منك قفلت الباب و لا حتى ردتهوله

مش عارفة أنا على حق و لا لأ

و لا غلطة يوم ما فتحت قلبي و خلتولك دق

كنت أتمنى أعيش عمري لعينيك

لو تاخد عمري و الله ما خسارة فيك

طب على ايه دلوقتي دا العتاب

و ليه يا قلبي هتفضل في دا العذاب

كفاية بقى مني كلام

فات من زمان وقت الملام

لو كنت أطول باِيدي كنت أريحك

بس وعد مني يا قلبي عمري تاني ما هجرحك

اِنسى يا قلبي و قول وداع

خلاص بقى كفِيني أوجاع

(3)

قابلته وعينى جت فى عنيه
و شوقه مبنش حتى عليه
وخد نفسه و اوام مشى
ومعرفتش انا اعمل ايه

كانه مكنش يعرفنى
بعيش احساس مخوفنى
لا اروح وارجعله يجرحنى
ويعمل نفسه مش فاكر

بعمرى وروحى كنت شاريه
ولا فكرت يوم ائذيه
وكتر خيره قدرنى
جرح قلبى ومحسش بيه

يتم التصويت باختيار رقم القصيدة
ووضعه مع الرد في نفس الموضوع هنا

sodfa · 11-05-2011, 11:58 AM

السلام عليكم
جميل يا توتو
الاعمال كلها جميله وهنحتار
عن نفسى اخترت
(3)
تسلم الايادى ياقمر

**♥ρėŧŧу ςαŧ♥** · 11-05-2011, 01:17 PM

جميل
تسلم ايدك
انا هختار 1

Miss Zinab · 11-05-2011, 03:14 PM

تمام يا توتو

اخترت رقم 3

**ملكه الاحزان** · 11-05-2011, 03:31 PM

تسلم ايديكي
واناهختار
رقم 3

**Bℓạ๔қ** · 11-05-2011, 04:44 PM

حلوين اوى يا تغريد
انا اخترت رقم (3)
تسلم الايادى ياقمر

**s_a** · 11-05-2011, 06:15 PM

ج ــميلة ج ــدااا ج ـــدااا
وانا هختار رقم (3)
تسلم ايديكى ياقمر

**rwana** · 11-05-2011, 06:17 PM

تسلم ايديكى يا تغريد
انا هختار رقم 3

**BECKHAM** · 11-05-2011, 11:05 PM

بسم الله الرحمن الرحيم

قبل اى شىء وكل شىء تحياتى للمشاركين بالمسابقة الاعمال كلها مبدعة وجميلة جدااا تسلم ايديكم ومشاعركم ديما كده .

الاختيار بجد صعب

حيرتونى بجد

اخترت رقم 1 تنفع اغنية هتبقى حلوة قوى