عامل دوشة

[واحدة من الناس]

عامل دوشة

بيقولولي عامل دوشة
مش ناوي تجيبها لبر
هي مش الثورة خلصتــ
...ماكفاية بقي رغي و قر

عموما احنا خلصنا و مروحين
و صلينا في الميدان كلنا الظهر
عايز تستني.... انت حر
ياعمــ الدنيا صيفـــ
بقي سايب شرم و راس البر
و رايح تعتصم في شمس و حر

قولتلهم عشانها....
ايوة عشانها ..يحلو في عيني المر
عشانها... نويتــ ابقي حر
و بحريتي قصاد العالم اتغر
و اقول انا ابنها.. و دة الاحسان والبر

عامل دوشة ...ومش راجع
تقولوا بلطجي.... تقولوا ضايع
قولوا اكتر....كأني مش سامع

سامحوني...... بحبها و مضطر
اقسي حتي عليها لو طلب الامر
ليها مين غيري ياخد بــإيديها
ياناس احنا شبابها روحها وعنيها

عامل دوشة؟؟.... ايوة عامل دوشة
وهفضل أتكلم وأجيبــ للساكتين روشة

و أيـــوة مش هجيبها لبر
لحد ما تفوقي و تصحي يا مصر
واعدي بيكي و بأهلك من تاني للبر

[♥ρėŧŧу ςαŧ♥]

بجد يا تغريد راااااااااااااااااائعه
تسلم ايدك
دام تميزك