رد مع اقتباستسلم ايدك يا رورو
دياي تندوري مشوي بالفرن مع صلصة التندوري الشهيرة
تلخذين الديايه وتقصصينها قطع كبيره وتشرحينها بالسجين وترشينها ملح وطحين عشان تمتص الزفره منها وخليها فتره بعدين غسليها ونشفيها وسوي التتبيله طبعا خليها بالتتبيله فتره ماتقل عن ساعتين
التتبيله
على كل ديايه علبه روب( زبادي)+عصير ليمونه+ رشه صبغه حمره انا مااحب الصبغات حطيت منقوع جاي كركديه هم حامض ويعطي لون احمر
+بصله مبشوره+ 4 فصوص ثوم داقتهم+ زنجبيل بحجم 2 سم دقيه+ 3 قفاش زيت زيتون وملح
وخلطيهم مع الروب
بهارات التندوري
فلفل اسود+ فلفل احمر+ بابريكا+كاري+ زنجبيل بودر + كزبره خضره مجففه + نعناع مجفف ( البهارات كل صنف ربع قفشه والكزبره قفشه والنعناع ربع قفشه)
+نص قفشه بهار التندوري الجاهز
+ نص علبه معجون طماط خلطيهم مع الروب بعد
وتبلي فيهم الدياي
لاتنسين كل ماطولتي مده التتبيله راح يكون الطعم واللون احلى
وحطيهم بصينيه فرن بدون ماتغطينها
اشويها بالفرن تقريبا مابين نص ساعه الى ساعه الا ربع اول شي فتحي النار من تحت واخر شي من فوق عشان تحمر
بهذي الفتره سوي الصلصه
من مواضيع ayoun elkamr :
رد: دياي تندوري مشوي بالفرن مع صلصة التندوري الشهيرة
تسلم ايدك يا رورو
من مواضيع ♥ρėŧŧу ςαŧ♥ :
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
| RSS RSS 2.0 XML MAP HTML |
مواقع النشر انشر موضوعك وهاتلو زوار