مقلوبة الفراخ على الطريقة الشامية

[ayoun elkamr]

المقادير:


2 ½ كوب أرز

½ كيلو باذنجان رومي

½ كيلو أوراك فراخ مقطّعة قطع متوسطة

ملعقة صغيرة حبهان مطحون

ملعقة صغيرة بهارات

قرفة ناعمة وعيدان

4 ملعقة كبيرة زبدة

بصلة كبيرة مفرومة

2 ½ كوب ميه

ملح وفلفل

ورق لورا



الطريقة:




1- شوّحي قطع الفراخ مع البصل في الزبدة على النار، وضيفي معاهم ورق اللورا والقرفة الناعمة والعيدان والحبهان والملح والفلفل، وسيبيهم على النار مع تقليبهم من وقت للتاني.



2- قشّري الباذنجان، ويُفضّل إنك تسيبي فيه أجزاء من القشر علشان يدي لون للأرز، وقطّعيه شرايح، واقليه في الزيت نصف قلية.



3- بعد ما الفراخ تتشوح كويس زوديها شوية ميه، وغطّيها وسيبيها على النار لغاية ما تعمل شوربة.



4- رُصّي الباذنجان في حواف الحلة، وصفي كمية من قطع الفراخ من الشوربة، وحُطّيها مع الباذنجان، وبعدين حُطّي الأرز على الفراخ.



5- اسقي الأرز بالشوربة اللي عندك وفي الآخر ضيفي باقي كمية الفراخ اللي عندك، وسيبي الأرز على نار متوسطة لغاية ما الشوربة تبدأ تغلي، وبعد كده هدّي النار، وسيبي الأرز لغاية ما يستوي.

[♥ρėŧŧу ςαŧ♥]

شكلها جميل
تسلم الايادى